冒死BBQ

今次冇燒d咩特色野, 因為唔係我主理, 我亦冇心情…仲唸住可能b唔倒, 好在佢地入到黎又冇咩事:p 結果冒死燒左唔少野~

第一次燒既有豬肘骨, 大百佳買~

仲有厚燒茄子, 咩都冇落, 只係放o係架面燒(叉住燒都得), 可能係切得厚既關係, 有肉汁架~唔似以前燒完乾晒又難食…今次食倒茄子味又唔駛落油幾好~

其餘都係豬扒牛扒腸仔雜丸雞翼燒賣, 冇咩特別。

介紹左D之前燒過既野食俾佢地, 佢地聽倒燒海鮮都好感興趣~本來都預左買D上次買唔倒既扇貝燒, 不過實在太冇心機, 結果冇同佢地出去買野, 佢地去左大百佳買, 仲請埋我地2個~~多謝晒~^0^

B 途中硬係凝住會牙痛同好熱氣…臨尾都係煲左煲羅漢果, 不過得我一個飲…專員又話似飲涼茶…結果我買左支返學(今日要返工呢><) 雪凍左都幾好飲丫~好似LIGHT咁雪左冇咁代糖味(唔知點解有類似代糖味…)

今次B腳係IEd同學, 除左一個舊年見過其餘2個畢左業都未見過面~

估唔到幾個女仔都咁拆得, 居然差唔多清晒5, 6個人份既野@@ 只係剩左d丸同一碟燒左既肉類粟米茄子~都算係咁

其中一個有睇呢度, 話想出席我地既blog聚, 不過聽倒得一個男仔就話唔黎喇XD 跟住我話介紹學校有2個靚仔佢識, 不過細過佢~XD 我話冇所謂佢又話介意, 跟住睇完相之後話「真係幾靚仔喎」XDDDDDDD

佢地對肥豬鬼咁有興趣~XD 個個見倒佢都話佢都唔肥點解叫肥豬, 又話佢細隻XD (上鏡肥D嘛~~) 每次BBQ都要綁住隻衰野, 唔係佢實撲埋去變燒豬加送~點知佢地又走去放左佢一.一" 仲一人放一次…一.一||| 其中一個同學話原來佢D中學同學都嗌佢做肥豬~*0* (佢仲好鍾意人咁嗌佢~我話肥豬聽倒人咁嗌佢都好開心XD)後尾仲爭住帶肥豬去街XDDDD 肥豬拖肥豬~XD

(唸住影相可惜唔記得左= =)