黑糖紅莓提子合桃七穀包(湯種)

買麵包機之前既掙扎係驚剝奪左我搓包既樂趣, 但係原來除左搓, 整麵包都仲有好多樂趣架~^0^

今次整左呢個黑糖紅莓提于合桃七穀包包, 其實係改自無花果裸麥包~因為想用左湯種佢, 又唔想食牛油糖包~自己又鍾意紅莓合桃整包包, o係冇無花果同裸麥粉既情況下改左用紅莓同七穀粉~(之前整過一次太濕勁難搓…焗出黎仲酸酸地…= =)

除左上述既改動之外仲將砌糖改成黑糖, 牛油改成菜油(20g減至15g)

今次機搓, 唔知原來mode11係冇bi一聲…= =我仲未落紅莓提子乾同合桃…結果再搓多次…total搓左2次5分鐘同2次20分鐘…跟住發左一個鐘, 排氣滾圓, 鬆弛1x分鐘, 造形, 最後發酵, 入爐~

造形都玩左好耐…好黏…加左好多手粉o係包面, 盡量唔好整乾入面~ 想界葉紋, 不過把刀磨左都係唔夠利, 都係就咁打斜界3刀算…

出爐喇~~

估唔到咁軟~~*0* 仲以為會好硬身, 果然係湯種!!

焗緊O個陣噴左D水, 不過外皮都唔係脆既:P (貪得意試下~)

不過呢個包包真係勁~~~o岩我心水呀~~完全係我至愛既包包組合呀!!>0<

2xxg高粉+60g七穀粉整左5個100g包仔同一個大瓣子包~^0^

(都係平時整500g方包既份量, 不過經過第一次發酵之後平頂咁高@@如果全自動焗出黎唔知會點呢?會唔會好似之前個彈彈波麵包咁凹陷呢??)

食評：同事都話好食～我都好滿意～今朝早餐食左個240g麵糰整既大包~~你地依家所見既係100g小包(100g居然都只係小包…)目前仲有4個o係屋企~唔知得唔得倒聽晚俾auntie呢~