麵包初班II~排包, 吞拿魚包, 熊仔包

今堂整左一個排包, 用返之前整方包個模, 不過唔同方法排放。好味過上次好多~

仲有一個吞拿魚包, 呢個我自己都整過, 我都係鍾意水浸多d…一向唔食油浸吞拿魚…除左肥之外真係覺得唔好食XC===== 尋晚個包只係痴專員咬左2口~

最後整左一個熊仔包~ 得我一個整架咋~上堂阿SIR唔俾自創, 今堂唔夠吞拿魚餡, 俾我地自己整一個, 人人牌整圓形~我問過阿SIR之後整左隻熊仔~^0^ 本來想整豬仔, 不過用提子乾整鼻窿實在有點樣衰XDDDD

同樣加映阿SIR示範加俾我地試食既提子包~

唔好睇個排包咁細個咁, 麵糰份量係3個熊仔包@0@ 而吞拿魚包亦係勁大個! 5個麵糰同樣係90g!! 唔怪得今朝KO左個排包之後咁飽滯=0=

今堂學左d乜：

麵粉

1. 今堂阿sir教分辨唔同既麵粉, 金象麵包粉同玫瑰牌低筋粉既分別係金象黃d, 不過其他牌子就唔可以咁樣分。

2. 超市最易買倒既金象牌麵包麵粉阿sir話係中筋麵粉@0@ 而工聯賣既根粉亦都係中筋麵粉@@ 佢咁一講搞到我亂晒...我一直都係當佢高筋咁用, 食譜話用中筋我就一半麵包粉一半低粉溝埋…不過阿sir又話溝粉唔好, 都係分別用返高中低粉好d。

3. 問左點解有d譜高低粉溝埋, 都唔知佢究竟有冇答到我…

酵母

4. 原來我一直用緊鹹包用酵母, 難發d, 不過用開都ok~

5. 開封後既酵母可放冰箱保存, 拎出黎放一陣就用得, 可放3個月。不過我放下格, 都放左十個月~一樣用得。

6. 教我地分辦新鮮同唔新鮮既酵母。筆d酵母放水中, 水量至少係酵母既6倍先試得真。唔好攪佢, 即沉即係受潮, 不過冇受潮都有可能失效, 如果d水冇變白即係失效。

搓包

7. 今次又係倒晒d材料落檯搓, 不過教左我地揉滑左中間d粉糊先, 咁會易搓好多。

8. 甜包比鹹包易搓好多, 除左我個人感覺之外, 阿sir亦都係咁講~

9. 牛油亦比植物油好搓好多, 植物油for 鹹包only, 植物油搓包唔好, 會瀉。

造型

10. 提子乾用水浸10分鐘即可, 整stollen呢d先要用酒浸。

11. 今堂教左圓包包餡, 手勢catfood同堯堯媽之前用紙巾教過我, 都唔係好明, 今次好似明d喇~ 有個男同學包得好快~好似包小籠包咁~又快手又靚~!!*0*