十月之星大食會~人物篇

多謝晒咁多位~

今次最早到既係stweetcat~原本約左4點, 於是我2點帶左肥豬出去睇醫生, 點知3點收倒電話, 已經到左@0@ 睇完醫生喇喇聲打的返黎~開心死肥豬~~唔駛行…

跟住開工整魚蛋~冇耐表姨都帶同佢既蕉蕉曲奇芝士蛋糕黎到, 幫我打俾dblog友提醒佢地今日既約會, 點知佢話俾人知到齊…一.一搞到yycake飛的入黎, 仲唔敢買野食…黎到得小貓3幾隻…

冇耐uncle(+炒飯)同auntie(+士多啤梨布甸)先後黎到~表姨車左佢地出去xxxA.A~剩返stweetcat同yycake o係度, 我就4點開始作戰(整雞批), 作戰中途catfood帶埋佢既招牌鳳梨卷(之前係酥)同芋頭酥黎到~

6點左右, 丁屎+1帶同雞翼鹵水蛋到~佢地又買左野飲喎~*0*之後話5點黎既史力奇同細cat帶埋佢地既千層蛋糕、芝士麵包條同肉醬意粉黎到~

跟住rankura+1都帶埋沙律黎~最後等埋帶左好多野(迷你包包、曲奇同沙律)既茵可煮終於人齊喇~

不過呢個時間仲要等我焗埋個整左好幾個鐘既雞批, auntie先可以整pizza~ 然後再幫細cat焗溶d芝士, 終於可以開餐喇~大家等到肚都扁埋~

食完第一round之後, 傾左陣偈睇左陣電視(原來大家都唔玩wii、層層疊同大富翁…^^")到左切蛋糕時間~

今次人多~有2個6寸蛋糕~分別係表e既香蕉曲奇芝士蛋糕同史力奇既士多啤梨芒果千層蛋糕~(呢個應該有8寸至真)

當時我先知道原來rankura個+1都係本月之星! 點解會認為我會知呢?搞到我都唔好意思同佢2個合照, 分開左佢2個一齊影相同切蛋糕, 我就自己捧住2個蛋糕又影返幅:p 其實我想同rankura影返張架, 不過佢+1又係壽星…影好唔影好…結果就不了了之:p

好鍾意呢張~^^~切完蛋糕, 大家都o係度影緊相時我企高影既~咁o岩佢2個o係我前面影緊自己隻腳一.一"XDDDD

今次好早散~8點開始食, 食到搭半已經停晒手, 跟住9點幾食完蛋糕就散~

下個月既活動暫時提議去重慶大廈食咖哩或者入長洲食海鮮~大家有咩意見?