今朝起身返工驚曬都有貼住, 食完晏出左汗濕左就mit左佢冇貼返喇, 到放工都冇太陽就由佢通通風~同事都話好好多喇~(幅相加左美肌又更加冇事XD)
塊面好得八八九九喇 ^0^ 依家仲係要擔遮驚曬黑 20080825
貼左成日都係咁, 似乎冇水咯喎~ ^0^
不過今日屈膝耐一企直就痛 20080825
＊ ＊ ＊ ＊ ＊ ＊ ＊ ＊ ＊
遮住晒先出去務農就唔怕曬黑喇~:P
眼角位可以貼少一塊喇~ (其實o岩o岩得返2塊XD)
唔夠膠布XD1開2cut到o岩o岩好:p 不過都係好易甩 20080824
貼膠布前, 都仲係有出水 20080824
＊ ＊ ＊ ＊ ＊ ＊ ＊ ＊ ＊
貼左膠布睇落好好多:p下巴就唔駛貼喇結焦喇~
daddy幫我貼既~
＊ ＊ ＊ ＊ ＊ ＊ ＊ ＊ ＊
返到學校之後搽左d藥, 同事建議我去藥房買d靚d既膠布, 請示老細之後就出左去買, 結果只係買倒for 腳既, 面佢都係話冇野o岩貼, 叫我唔駛貼, 不過唔好曬, 俾d消炎藥膏我搽; 腳就因為行路多塵多菌, 貼住好d。大大塊正方形, 都幾難貼, 2個傷口分開貼又貼倒另一個…結果一切貼, 好mun邊…
同事話唔好濕水, 屋企支黃藥水又過左期, 唸住買返支看門口啦, 同事幫我埋去買, 臨俾錢藥房d人見倒我先話唔可以搽面, 會有印, 佢話紅黃藍藥水都唔得, 介紹左呢隻俾我, 話做手術用既, 唔拿冇印, 咁就試下啦~
到放工都有唸過睇醫生架, 唸左成日, 有同事話睇有同事話唔駛, 有d講到好緊要, 有d話好少事, 不過搽左藥膏之後傷口又冇咩痛, 所以都唔唸住睇。
lunch o個陣有d頭痛, 不過同事話冇嘔冇暈就唔怕, 而且呢d個幾鐘就有反應, 頭痛可能係感冒, 加上睇醫生又要再搞我原本唔痛既傷口…所以都係唔睇喇。
返屋企白白完之後(冇洗腳, 洗左面)就用粉紅色呢支藥水+化妝棉洗傷口, 跟住搽藥膏, 冇貼膠布喇, 好似仲有水出。
不過d藥膏油性, 一陣訓覺點好呢?
同事叫我戒口, 主要話唔好食蛋,牛, 豉油。仲有辣野, 筍, 有色野, 鵝, 生魚都唔食得。唔食得蛋就麻煩喇…好想食美食展買既蜂蜜蛋糕同豆沙餅= =
今日食野完全冇問題喇~ 嘴角o個度好返好多
黎緊星期六日仲唸住飲茶, 星期六晚仲約左人食泰國野, 點算…>< 20080821(21:53)
＊ ＊ ＊ ＊ ＊ ＊ ＊ ＊ ＊
今日, 搽左消炎藥膏好好多喇~
今日返工好多同事關心我, 個個都叫我睇醫生 20080821
＊ ＊ ＊ ＊ ＊ ＊ ＊ ＊ ＊
話說放縱左幾日, 今日冇奧運要睇就去跑步喇, 跑完回程途中一個不留神失左重心…><仲掙扎左幾野唸住唔會跌…都冇用手撐…
對上一次撞腫面已經係十幾年前既事, 當時係踩單車落斜塊面撞左埋牆, 又係權骨腫左…今日就磨薑為主…少少腫, 屋企冇野搽…得支噴霧膠布, 噴左腳, 勁也母=口=
返到黎白白塊面已經勁痛…噴面唔得了,
daddy仔話印乾d水佢就得, 我塊面咩都冇搽, 不過到依家已經3個半鐘, 仲好痛…
痛痛地辣辣地涼涼地咁, 都幾過癮既…不過快d好返唔好咁樣衰就好喇…個風聽日又唔黎…點返工呀>< 實俾人問我咩事…
依家嘴邊o個度o岩o岩好痴倒一塊膠片, 痴左仲好似冇咁痛…頭先食野同笑都痛…= = 早知切細塊d…
隻腳噴左野之後又唔多痛咯喎~最痛係眼邊o個撻…又痴唔倒膠布…
如果塊面2個傷口都唔痴…實在太恐怖…好似萬聖節化妝咁…= = 20080820
