今日打住風去游水，尾聲先有少少雨，終於可以平日朝早9點幾去游~真係好少人好好游呀~ 不過聽日又要返工喇(如果打唔成風)
以為今日既第一次只係呢個時間去游水同落住雨游啦, 點知游游下o係我附近有個男人唔係好對路, 冇耐就聽倒佢嗌救命, 我已經游過左, 我望望救生員又冇反應, 佢係望住呢邊個喎, 轉頭望返個男人已經有人拖緊佢埋岸, 應該係另一個救生員。佢地好似習以為常咁, 乜呢d事時有發生既咩? 還好個男人都冇事, 水都唔駛上~之後仲有冇游就唔知喇。
返到黎搞下d花花草草就煮野食, 今日既肉肉就係腸腸一條~ 呢碗係紅薯粉黎架~百佳買既~好味~ 冇平時食開d咁悶嘛~
＊ ＊ ＊ ＊ ＊ ＊ ＊ ＊ ＊
前幾日冇做, 之前就記得就夜晚做60-80下~
呢2晚做左80-120下~依家有D肌肉痛~
係咪即係用倒舊肌肉呢?定係要拉返鬆D筋?
＊ ＊ ＊ ＊ ＊ ＊ ＊ ＊ ＊
頭先有人叫幫佢唸個減肥計劃，十月前減１５磅
我叫佢每日30分鐘帶氧, 100下situp, 舉下啞令, 帶氧前後10分鐘拉筋
飲雜菜湯, 早餐麥皮, 午餐多菜少肉一個粉麵
佢話咁少運動就得喇?
我話你做倒先講啦
一叫佢運動就話年紀大, 易支力, 膝頭痛, 上身重
每次都想搵偏方, 想不勞而穫…
我話左減肥唔容許藉口
咁我叫佢急行囉
嫌少就行一個鐘囉
都未試過就多多野講, 佢話減肥話左好多年, 未見過佢實行…
我叫佢實際d唔好咁大想頭
最後叫佢自己唸個方案, 想做多ｄ就做多ｄ先囉，再慢慢調節
上身重!? 呢個借口真係第一次聽 唔重就唔洗減啦~
ReplyDelete[版主回覆08/05/2008 23:34:00]咪係…真係頂佢唔順…
又話自己天生唔貪靚…咁唔駛減啦…= =
situp有咩用呀?
ReplyDelete[版主回覆08/06/2008 00:02:00]SITUP用舉啞令一樣係增肌運動, 消脂之外減肥要用增肌運動一齊做, 愈多肌肉消耗卡路里愈多, 而且SITUP可以收緊腹部肌肉, 坐低唔會打褶
哈~~~減肥真係要好大恆心架
ReplyDelete[版主回覆08/06/2008 08:53:00]其實減肥好簡單, 就係做返應該做既野, 健康既生活本來就應該做呢d野, 要減肥既時候更加唔可以有藉口
昨日和學生講開減肥, 唉!!! 點會吾郁可以瘦呢 ????
ReplyDelete[版主回覆08/06/2008 09:57:00]可以~blog友 yamaha咪冇運動之下減左百幾磅囉
你個朋友啲減唔到肥既藉口好好笑!
ReplyDelete有啲人一直都肥,又一直都話要減肥,係有原因既.不如開開心心地肥下去啦!
[版主回覆08/06/2008 14:17:00]如果唔影響健康其實係可以架
她 2個月減11磅，全身減去10吋
ReplyDeletehttp://hk.myblog.yahoo.com/kotracy/index?l=f&id=29
[版主回覆08/06/2008 19:50:00]慢左D喎
因為她有便秘問題嘛 所以會先調理身體 改變左呢個問題先
ReplyDelete[版主回覆08/06/2008 20:59:00]oic
私人屋苑泳池 ? 在 公共的泳池, 我親眼見救人好快
ReplyDelete[版主回覆08/07/2008 16:44:00]公共呀, 唔慢呀
d水好似好烏糟咁既
ReplyDelete[版主回覆08/08/2008 11:19:00]地面黎架@@球場黎…
你而家減成點丫？我而家冇減食，但就盡量早食晚飯，食完就行下或洗碗，唔比自己坐，因為自己懶，咁樣都好過冇喇！
ReplyDelete[版主回覆08/12/2008 09:29:00]呢排都食好多野呀, 等極都未黎…= = 尋晚仲整左我一定忍唔倒口既mrs fields cookie :p 體重同減左2星期時差唔多啦, 不過今朝度過對腳幼左少少, 其餘都差唔多
呢幾日有d傷風冇去游水, 尋日又腳痛, 出左門口都要折返冇跑到步:p keep住拉下筋做下situp咁, 尋日就o係屋企扭下腰扭左半個鐘, 好想買條心跳表
加油~見到你咁努力減，我真係有D慚愧，成日話減又唔努力，哎~
ReplyDeletehello, 見您幾次都話拉筋, 其實個動作係點做咖,
ReplyDelete我本身已經唔係輕, 果排去完美國返來,一個月重左8-9磅,
total 一年重左15磅好驚啊,所以要減, 可唔可以詰我知雜菜湯落d咩料, 點煲咖? thanks, 我廿幾歲,已經就尼130磅真係好重, 因為我係零運動咖, 所以唔知係咪因為咁 , 成日都好累啊, 我e.mail:a_see85@yahoo.com.hk thanks
[版主回覆08/21/2008 21:32:00]我減之前都過130架, 最重試過140, 你睇我早幾個月D相都過130, 依家都12X, 你幾高先
一年重15磅唔誇XD 我都重左差唔多廿磅, 不過唔係咁多人覺:P
個動作係一腳向前屈膝, 一腳向後拉直, 2隻腳既腳趾都係向前, 腳板貼地, 唔知係明唔明, 呢個係拉小腿筋, 跑步好易緊晒
至於累呢, 我覺得我做運動O個排易累D ^^"
我都算矮啊, 得159cm, 我中三之後就無高過, 唔知係唔係咁, 因為人地話25歲之後新陳代謝就會慢,
ReplyDelete不過而家未到已經覺得好慢, 可能真係因運動少呢~ 哈哈, 我d生活節奏,除左o係office 隻手要快外,其實都郁得好少, 成日都好累, 好無精神,特別是眼~ 但我已經訓到8-9個鍾咖啦~ 同埋細細個就食完訓, 個肚腩同胃腩有左好耐咖啦, 所以有d困難啊!!! 同埋我小腿都好大舊, 實實地~ 哎呀, 話左咁多年要減都未開始, 本身個胃又唔係好得, 成日有胃氣, 特別係一起身個肚好頂~ 所以而家試下食多d乳酪, 食少d飯(因為本身好愛食飯^^") 您知唔知邊隻乳酪會好d? 我食過牛奶公司同nutrigen , (nutrigen 就有寫住active live curltures 的)不過其實我覺得乳酪都幾難食~
[版主回覆08/22/2008 18:53:00]我又唔覺25前後有咩分別, 少運動一定有關係, 不過要減重注意飲食重要d, 運動就修身
小腿方面, 你提腿放鬆, 用力睇下谷唔谷倒肌肉, 其餘mit唔mit倒, mit倒即係脂肪, 企o係度就個個都實架啦
乳酪最好食低脂無糖, 不過無糖o個隻都幾難食
減肥冇excuse, 多多藉口唔駛減, 要解決身體其他不適, 首先要糾正飲食同作息習慣
好啊, 等我試下先, 過一排再話您知結果啊, 同埋上網發現左[寒天粉] ,您有咩睇法啊? 同埋睇左您之前寫d野, [壽桃牌]真係不經油炸咖 ^^", 係烘出尼o既~ 如果你成日食, 其實我都可以幫手買, 因為我有員工價,但係就要一箱箱買, 一箱有幾多(規格)就上返[新順福]個網頁睇, o係yaoo搵到咖啦, 不過一個月我地只可以買十箱, 同埋5箱以上先送返, 通常我買完, 幫朋友買完就自己抬返家~ (公司o係元朗)
ReplyDelete[版主回覆08/22/2008 23:09:00]寒天粉你想講咩睇法?寒天咪即係大菜
係呀其實好多麵本身都不經油炸, 只係即食麵經油炸之嘛, 同埋油麵河粉銀針粉呢D多油, 唔駛啦~ 一箱咁多我驚厭 ^^" 唔該晒你先
一箱圍返幾錢個?
我小腿提腿放鬆都係同企o係度無咩分別, 雖然唔係超脂肪, 不過d肉好厚, 唔係太[mit]得落~ 但[擰]d肉就有見到d脂肪粒~
ReplyDelete[版主回覆08/22/2008 23:06:00]咁就大鑊喇…肌肉好難減
未煮既都係白色咖?不過我O係公司收到D整麵,整粉果D INVOICE就有好多油囉， 咁即係食河粉其實都肥膩？
ReplyDelete[版主回覆08/23/2008 12:20:00]緊係啦
河粉係最肥架
不過壽桃牌O個隻就寫住0FAT, 但係洗野O個陣就有少少油, 不過都比一般河粉健康