我! 賣! 餅!

o既話

邊個有興趣買?

 

其實只係想睇下大家反應, 有冇人show 我 ^^" 我仲未落實架, 再苦練下先啦 ^^ 多謝晒咁多位既支持

fw: 唔想男友送返屋企

轉自笠谷--琪子

我是一個好怪的女仔
我中意一個人行街..中意一個人做運動..一個人聽歌..

男朋友送來送去..我想一個人思考..都沒時間


"點解會想有男朋友

第一: 和他一起去玩的感覺很好..
第二: 在相處上大家可以提升
第三: 我都想錫我愛的人


只是我會將我的生活習慣和運動..和思考放得好高

那拍拖是怎樣的哦~?

點解我會各自各食飯:
因為我對食物的要求唔同..我晚餐唔吃的..
我有定期運動生活模式..無論咩運動都會做
我會看書,,,看畫...畫畫..睇畫展...

睇movie 個d 我都會..
只是有時候人人去做的事我反而唔想去..
別人早上9點回到公司食早餐...我會6.30起身食埋早餐做晒所有野......
人人趕住返工.我人8會多左時間都會行多一陣先上去..
人人收工話累..我一d 都唔累..我會去做gym...去行街...
星期六我會執野...行街..和gym...
星期日都一樣...
係唔係太...怪


係生活的模式的一起做?
如果心理的一起..唔可以咩?

回應：有人話: 佢唔怪, 只係唔愛佢男友既正常表現

佢愛自己咁多, 愛男友咁少, 又咁忙, 都唔適合拍拖, 或者唔適合同呢個男人拍拖
可以搵個同樣愛自由, 或者佢愛多d既男人

西餅班示範鳥結糖

阿sir試範之作, 放學都未硬, 帶返屋企再雪, 點知雪到星期六都唔硬, 朝早放左上冰格, 夜晚只係硬左少少, 切完又軟返晒, 最後要筆黎食

不過daddy仔話好味~ 味道係唔錯, 作為一個甜品黎講~ 我地仲好快ko晒~ 不過都要問問阿sir點解會咁…

31/1 今堂再整過, 上次唔成形因為太多蛋白

可惜今日唔舒服冇上堂, sms同學叫佢幫我問咩原因, 點知阿sir打黎同我講, 問我做咩唔返, 話今堂整左好多野, 不過今日周身痛作感冒, 好唔舒服咁, 所以都係唔好出去吹風, 留o係屋企休息下啦

紙包蛋糕III

已經係第三次整, 都係跟返歐倩兒個譜, 都係縮, 不過攤凍左又冇上次咁肉酸

2隻蛋份量過下癮

呢個星期整左3次清蛋糕, 真勤力~

《萬世歌王》

"靚仔"提議5月組團去睇, 5/2前訂票有75折, 大家有興趣嗎?

http://www.theatreensemble.com/02news/performance-singing0508.html

綠茶戚風

終於整左想整成個星期既綠茶戚風, 用返同紅茶戚風差唔多既譜, 多左少少奶粉

入模已經冇紅茶咁滿, 焗完都係矮D實D… 好似實反彈得冇咁快

小飛飛

相約小飛飛借電話卡

點知一去到見倒好多人呀~ 仲以為佢地已經唱完走人XD

收多小飛飛既伴手禮呀~^^ 食左心心同蛋糕仔~好味呀~ 朱古力好靚~ 唔捨得食呀~>0<

 

紅茶戚風

原本其實係奶茶戚風, 隨意加上奶粉同紅茶粉, 不過出到黎冇奶味…索性當係紅茶戚風XD

上次檸茶戚風冇茶味, 今次轉左用紅茶粉, 好夠茶味又冇奶味…再改良…

今次用刀甩模樣衰衰…下次都係用返mit啦…

切開原來可以裝倒2盒~ 聽日帶返去請同事食先~^^

專員食評：幾軟呀～有茶味不過冇奶味

本來唸住帶出去俾小飛飛佢地架，不過出門口先出爐倒扣，返到黎先甩模:p

收多小飛飛既伴手禮呀~^^ 食左心心同蛋糕仔~好味呀~ 朱古力好靚~ 唔捨得食呀~>0<

杏仁紅莓夾心朱古力

第一次整調溫朱古力, 不過整得太少個溫度計唔係好接觸倒D朱古力…今次小試牛刀, 下次整多D~

朱古力面有D白, 可能因為個模有D水抹唔乾

個餡係改自朱古力謎, 16g忌廉 煮滾+約60g牛奶朱+白朱(用左隻朱古力本身有呢2種朱古力), +少少百蘭地, 再加入杏仁片同紅莓乾, 份量隨意

整好個殼之後加餡, 不過呢隻餡本身唔係for加入殼中, 唔加杏仁片會比較填得滿, 可改成原粒杏仁。最後抹上外層朱古力, 呢個時候d朱古力又要再調返溫

雪一雪等佢稍為收縮就可以甩模, 之後朱古力唔駛放雪櫃(因為調左溫)

舊年都整左d情人節朱古力返學校, 不過當時仲未知咩係調溫/有咩作用…所以d朱古力要雪住…而且太苦…唔係人人受倒…今年識做喇~ 不過情人節放假…= =

炒蛋多士K聚

好多年冇同你唱過K喇~

今日因為要約AUNTIE拎羽絨, 於是約出黎食澳牛, 約埋RICKY同阿茵, 不過阿茵唔黎, 結果3人行去左食美味炒蛋多士! 同第一次黎一樣, 嗌左炒蛋多士+奶+燉奶+公治, 不過今次多一個人, 嗌多2份常餐, 好鬼飽…
今次等左AUNTIE好耐, 等佢唔緊要, 唔好約我O係門口嘛…黎到先打俾我嘛…搞到後面有2PAIR情侶以為要排隊跟住我地…其中一PAIR醒目識得問, 另一PAIR又唔SURE佢係咪真係排緊隊定好似我地咁等緊人…所以都冇理佢, 但又有D過意唔去…好在AUNTIE冇耐就黎到咋…
靚仔話炒蛋一般, 我問係咪唔夠佢整O個D好食, 佢話佢地風格唔同, 佢鍾意見倒蛋白既, 不過我同AUNTIE都覺得尋日D炒蛋鹹左D…

食完野行去旺角買手套, BF join埋我地之後就去唱K, 幾年冇同佢唱過K喇!佢今次主要都係上去食野打機, 我地3個唱到飽!
靚仔真係唱得好似鄭伊健, 我當然特意點左D鄭生既歌佢唱啦XD仲拍埋片~~

估唔到佢會點林峰既歌XD佢完全唔記得咩事XDDDD 呢首當然亦都有拍低啦~~ 我仲叫佢佐埋去俾我同佢地影合照XD
AUNTIE幾O岩唱JOEY D 歌喎~我就愈來愈懷疑自己係女低音XD
好耐冇聽過BF唱歌~ 回程車上聽倒幾許風雨, 唸起當年錄左佢唱既版本XD
9點唱到接近2點先走人, 點解得我一個要返工呀!>0

蜂蜜紅莓果仁批

西餅班(八)第四堂

今晚整2樣野都勁落果仁同粟膠, 仲有大量砂糖同牛油!

呢個批係凍食既~好多同學個底都穿左, 懷疑俾D果仁餡吉穿, 包括我~! 有個仲粉碎左結果俾我地試食, 要左阿SIR O個個…

除左呢個批仲有鳥結糖，依家雪緊，不過好大工程，頭先幾個人先搞得掂…＝＝

今堂基本上係示範班，仲整埋下堂用既紅酒燴啤梨～好香好吸引呀～:D~~~~~

 

課外話

1. 矽膠戚風模原來係MOUSSE模, 用黎整MOUSSE @@ 雪凍左就可以甩出黎…好難以置信…

2. 調溫朱古力一般都令面, 令唔令關乎溫度問題, 朱古力模唔好用洗潔精洗

假如...組團去台灣

唔知大家有冇興趣?

3月尾復活假期間

4日3夜/5日4夜

日式芝士蛋糕

(最靚仔既角度XD 條邊就幾靚既)

初初學整餅時已經學識呢款蛋糕, 係跟pri既食譜整既, 佢話好味過伊x家~ 後來食過伊先發覺所言非虛喎~*0* 犀利呀~

好耐冇整過, 每隔一年倒又會想整, 上次整已經係舊年復活節~

不過之後焗過幾次都冇第一次咁靚仔…次次都爆口, 今次亦唔例外…

日式芝士蛋糕一（簡單好味）
材料： 忌廉芝士250g 雞蛋3隻 淡忌廉100ml 粟粉30g 糖50g
做法 : 1. 忌廉芝士+3個蛋黃打勻； 2. 淡忌廉打起，加入粟粉； 3. (3)個蛋白+糖打勻； 4. (2)加入(1)； 5. (3)慢慢加入(1)； 6. 170度，座熱水焗45-60分鐘即成。 食譜來源："Pri §^_~︴" <一.一>

食譜話用170度隔水焗, 我較到250度個爐溫計都只係150倒, 見佢爆口加左錫紙, 跟住較返去200度, 隔一陣個計跌到落130度倒...? audrey話太熱先會爆, 咁我應該唔好睇個爐溫計? 又會唔會d蛋白打得太企身所以脹爆? 上面食譜冇話要打企, 只係話打勻, 唔知我打譜o個陣有冇打錯…但照計應該要打企架?

依家整蛋糕都係手打cream, 尤其是又要打蛋白又要打cream, 懶得洗打蛋器又驚洗得唔乾淨抹得唔夠乾所以cream用手打, 少量都唔係打好耐。

出爐冇耐甩模之後食個心好軟好濕咁, 懷疑焗唔熟, 不過已經焗左一個鐘, 食左幾片之後放涼後再食就正常返喇~

後記: 今日問左阿SIR爆面原因, 同卓卓一樣係要熱水焗, 因為我用凍水所以個爐唔熱, 不過爆面就唔係因為太熱, 如果由頭到尾都咁熱係唔會爆, 只有當你焗焗下加熱先會爆, 焗太耐又會

滑蛋鰻魚飯

整左daddy仔至愛鰻魚飯同腸腸 ^0^

星期六掃街食唔倒, 今晚補返 ^0^

原先並唔係唸住整呢2味架~XD 原先唸住整沙茶蘿蔔肥牛同蕞菠蘿雞粒炒飯, 點知放工個肚勁痛, 就近O係大昌買送, D火鍋肥牛又勁唔抵, 豬肉片都勁貴(急凍駛唔駛呀…)買唔落手, 臨時轉呔:P

依家仲焗緊一款幾年前已經識, 不過又有一段時間冇整過~估唔估倒係咩呢~?:P

講唔講減肥

出減肥post係咪就要俾人督促住呢…

出每日食咩, 唔係俾人話你食咁少就係話你食得多

減肥唔駛食野既咩

減肥一定要食冇味野既咩

減肥一定要迫得咁緊既咩

話俾人知你減肥就多野講…好煩…

一俾人話我就想放棄架喇, 做咩je~ 唔該各位見倒我食野唔好問我「又話減肥既?」

我知幾時應該做d咩架喇, 我想的起心肝o個陣自己就會做, 想放鬆下都得呱

減肥都可以食好d, 都可以食自己鍾意食既野既je~ 我做運動o個陣唔會話你知, 唔駛擔心我喇…我減唔倒都好閒je

都係唔好話俾人知我幾時減肥好…反正我唔係要人督促住先達到目標既人, 反而輕輕鬆鬆自然d就做到

其實肥左瘦左自己最覺, 見倒我瘦左可以頻下我, 肥左自己知…唔駛激勵我…冇用架…我唔會俾激脤法刺激倒決心…只會自暴自棄

記得我06年開始減肥都唔係因為有人話, 當時都冇人話我肥, 不過突然上磅見倒重左咪減囉, 一減廿磅, 減肥4個月後先開始寫blog

其實除左減肥之外好多野都唔鍾意俾人迫, 愈迫愈反叛

佳記小食

除左「肥媽」之外仲食左佳記既椒鹽魷魚, $12包, 都驚佢唔知脆唔脆, 點知又香又脆, 魷魚又唔un。

呢間野鋪仔細細有成十個阿姐, 好搏命

之後又返黎買左十蚊煎釀三寶, 圓形扁身o個款最好味, 蕃薯都好好味

肥媽小食店

好耐冇介紹過出面D食肆, 尋日出旺角掃街, 試左「肥媽小食店」

幾個月前睇谷見倒佢重開D人盛讚, 不過自己經過都冇幫襯過, 可能見佢鹵味都冇咩特別, 尋日同DADDY食買左廿蚊, 2串生腸1串鴨腎1串墨魚試下, 好味喎~爽而不UN~

前面個阿姐話佢特登兜一大個圈黎幫襯, 老細「肥媽」話「都係食得下你先會特登黎JE~」阿姐們話「以前你擺街邊o個陣已經幫襯架喇~!」

真係唔錯~

被揭與11歲女生開房 52歲教師今提堂 校方懷疑有其他學生受害

好耐冇post過新聞, 呢單真係好轟動!教師非禮學童聽唔少, 但係帶去開房差人查牌查出黎就好少見, 好奇怪點解個女仔會跟個中年阿sir去, 阿sir又點解咁蠢, 睇到某篇新聞話懷疑涉及金錢交易就明喇。

我係家人真係支持佢唔住…難怪太太因病缺席…佢個仔仲慘…老豆衰十一…

家人教師都信唔過, 依家d細路仲可以信邊個…

【明報專訊】警方昨日正式落案起訴一名52歲教師一項「與13歲以下女童發生非法性行為」罪，涉案男子經通宵扣查後，今日在屯門法院應訊。

鴛鴦

估下咩湯底?(答案O係底)

天氣凍想打邊爐又怕肥, 食乜好呢?

肥牛呢D就梗冇架喇, 不過D肥羊粉都幾肥, 最慘係唔好食…唔知係急凍過定煮得耐, 總之就好糊…

魚皮餃係DADDY仔打邊爐必食之選唔少得

近年跟左個FD食爽脆蘿蔔片好正~呢度幾乎我自己食晒~

珊瑚蚌又係我打邊爐至愛, 不過可以既話買少D冇咁厭:P

今次菜丸邊爐主角唔少得菜菜子同丸丸~大約每種丸買2or4粒可以食多幾款

本來仲有芋絲不過冇開到, 丸蚌蘿蔔都KO晒~

 

 

講返個湯底, 左邊其實係蕃茄湯~ 用左3個蕃茄+半個洋蔥+約1/3樽仔茄膏同少少雞粉, 煮出黎好濃好杰~ 要筆咁D蕃茄同湯再加D水先6倒野~:P

右邊係小肥羊湯包(原味), 大約用半包都夠, 開頭落晒太鹹又筆走D, 加水~ 加左約18粒蒜頭+3條蔥白+少少薑汁~ 唔好味既~~ 又鹹又勁胡椒味!! 同第一次O係小肥羊食一D都唔似, 又一D都唔白~ 好在O係吉之島買只係$16.X

左邊好味好多~係咁飲D湯~~ 不過同D菜又唔夾…

暖笠笠

今日凍到屎, 三個寶貝決定休息一天唔返華記打理業務喇~

暖暖~ ^0^

西餅班(八)III~薑味芝士蛋糕+甜薯餡切餅

上堂整落D糖薑, 2日煮一次, 要成個星期前預備~!都幾難O係屋企整…

剩左D薑糖水要左黎沖滾水飲，熱辣辣暖笠笠 ^0^ 唔係人人有架~

2層海綿蛋糕+2層薑味CHEESE餡，朱古力同糖薑碎裝飾

試左阿sir o個個~ 幾好味喎~*0* 有我至愛既sour cream~ yummy ^0^ 阿SIR D譜難得有個咁好味XD 平時O個D唔係個個咁好食架:P不過就學倒好多技巧野~

同學入口都食倒薑味, 反而我先食倒sour cream同cream cheese味~ 可能因為我飲左好多薑茶XD

聽日帶返去同同事分享~^0^

呢個睇名以為好似之前O個D圓批仔, 帶左個好FIT既盒仔去點知裝唔倒><用錫紙褶左個兜裝住, 聽阿Sir講冇焗住架喇, 不過個皮都係淋

熱辣辣出爐我同PARTNER一人試左件~ 好似食緊煨蕃薯呀~ 今日咁既天氣~ 有熱辣辣煨蕃薯同暖笠笠薑茶飲~飲飽食醉~真爽 ^0^ 冇計喇~ 今日咁凍~~~~~ 肥D都冇計:P

 

0113~1月之星又北上

話咁快已經黎到我地第六次生日之星BLOG聚

今次目的地係深圳, 出席既有我、auntie、丁屎+1、小飛飛、壽星卓卓同uncle~

同930o個次一樣, 先去飲茶, 再去廚安居, 書城同小肥羊

今次去左羅湖城梨園飲, 燒賣一籠15個幾頂點都幾貴, 不過每粒有2大隻蝦!!又好味~ 埋單每人都係2x蚊其實又唔貴~ 我寧願貴少少食好d, 好過好似上次咁貼錢買難受…雖然上次d糕又幾好玩…

蛋糕前一篇提過…最後得uncle一位主角~ 唔似得上次咁大班記者同4個明星影相咁墟冚~XD

飲完茶之後去接返帶漏左回鄉證既卓卓之後我地就搭地鐵去老街站向廚安居進發~ 原本冇唸住黎既我, 行得最耐= =唔好意思… 買左幾個朱古力模, 當中有好抵買既朱古力屋模~只係$2.7咋~ 皇冠模係我今次買既野入面最貴架喇, $14.X, 佢D模有唔同質地, 價錢可以相差好遠~ 由2個幾去到2百幾蚊個都有~可能係一樣款個喎… 另外仲有葉形模同復活蛋模~ 仲買左2個鯉魚模整年糕 ^0^

跟住到我此行目的小mousse圈~ 都幾貴…$12-$13個~買左5個~又買左2張不黏布, 抵過香港好多~do即袋$12/100個! 香港要成$5-$10/10個…第一次買生日牌~ 因為懶得整…又見呢款幾靚~好似5-6毫一個~仲買左2個胡椒粉樽~你地估下愛黎做乜?XD我仲介紹左auntie買架~~當然唔係裝胡椒粉咁簡單啦~~

下一站去到科學館站購書中心, 我地分2架的士, 點知uncle, 小飛飛同卓卓去左大劇院站o個個書城~ 我買左幾本旅遊書~之後用左2個字倒去睇下手工書, 原來都冇咩o岩睇~ 不過旅遊書就睇左個幾鐘~ 除左2本北京1本東北書之外, 仲買左一本唔關事既~:p 介紹內地一do岩情侶去既地方, d相好靚, 原來入面仲有愛情故事~

為左98折…申請左張卡XD sunny話, 我地幾個人, 都慳成幾蚊架~~ 咁又係~ 唔駛錢就申請埋啦~

6點先出發去小肥羊, 比上次遲左可能有半個鐘… 我同uncle急急腳去羅位先, 好在唔駛等, 不過已經坐到上樓上廂房~

湯唔夠上次濃…冇上次o個陣驚為天人…今次終於試左麻辣…不過食唔出2邊有咩分別…反而d前菜仲辣… 上次唔知有前菜~ 又幾好味~ 其實晚飯時間小飛飛表弟加入左我地~佢做左十幾年麵包師傅~~ 又同我地介紹菜色~

第一次食皇帝菜~ 蘿蔔依然係咁好味~ 不過今次d羊我食唔倒喇, 好羶… 食第一塊…唔得…俾多次機會…都係食牛啦…第三塊「羊黎架…= =」搞錯左…今次亦冇再食上次食過記得好羶既羊肉餃, 主力食牛, 不過唔記得好食do個款叫咩名…估唔到呢度d丸幾好味, 唔知手打生o個d喎, 黎到已經係熟既, 好似一款蝦丸同魚丸都好味~今次圍返每人$7x 另外我同auntie都嗌左d野打包~ 佢嗌左2碟肥羊粉~(今次試埋幼既, 煮極都唔透明…都係粗既o岩食d~ 我就嗌左一碟肥羊粉+1客羊排+2串羊肉串俾daddy仔食~幾乖~^0^~)

食飽飽臨走丁屎亮出佢既溫暖牌頸巾俾uncle~ wow~~~

「短已經係佢既缺陷架啦…仲要唔同色…早知我等冇人先拎出黎啦~」XDDDDDDD 有呢D蝦碌野先可愛先難忘嘛XD

uncle戴起黎真係勁短, 原來佢係照自己既size黎織XDDDDD好可愛呀~~~XDDDDD

藍莓益力多芝士蛋糕for1月之星

講你都唔信! 我居然從未整過雪既藍莓芝士蛋糕!

呢個譜係之前o係美味diy討論區save低既~唔記得係來自邊本食譜~原來人地個譜係方拱型…唔怪得唔同啦…搞到我心思思>3<

餅底:
消化餅乾碎 100g
無鹽牛油溶液 50g

藍莓芝士:
忌廉芝士 (室溫) 195g
砂糖 65g
淡忌廉 170g
益力多 130g
急凍藍莓果茸 130g
魚膠片 5片(每片2.5g)
原味乳酪 80g

裝飾:
藍莓果餡 100g
薄荷葉 2片

做法:
1. 用電動打蛋機以中速將淡忌廉打至7成軟身,備用;(我用手動)
2. 以中速將忌廉芝士打至軟身,然後加入砂糖,再加入原味乳酪繼續打勻;(個兜唔夠大,芝士打得唔夠軟…好在加左益力多都ok)(原味乳酪改成藍莓乳酪)
3. 加入益力多,以慢速打勻;
4. 把急凍藍莓果茸放入微波爐加熱溶降,然後將果茸們入芝士混合物,用膠刮拌勻;(冇急凍藍莓, 用左鮮藍莓一盒)
5. 然後拌入(1)中已打起的淡忌廉;
6. 預備魚膠溶液,加入(5)內拌勻;(改成魚膠粉10g+水約60g, 阿sir話國際標準魚膠粉同水既比例係1:7, 粉開水/片浸水都係,片浸水後體重變成7倍即附合標準。)
7. 將混合物倒入餅模內,放入雪櫃冷凍1.5小時,在享用前,加上藍莓果餡及薄荷葉作裝飾,便成!(果醬改成黑加侖子果醬+餘下的藍莓乳酪, 薄荷葉換成威化葉, 可惜第日溶晒…= =)

唔知係咪甩模時火力太猛…有一邊開始塌= = 切餅後發覺個餅夠硬, 應該唔關魚膠粉事…

本來呢個係一月之星蛋糕, 點知HENRY病左黎唔倒, 卓卓又漏左回鄉證要返屋企羅, 蛋糕等唔切塌緊…於是去到茶樓就喇喇聲切~XD 變左好多amy舊年o個個咁, just for U添 XDDDD

雖然個蛋糕樣衰D… 不過我覺得都幾好味丫~:P 益力多、乳酪、藍莓同cream cheese幾夾~希望你鍾意~ 亦都希望幾位同行既團友鍾意~ ^^

肥o都o都走左

T_T

最後一隻小露寶

下個月先三歲

 

02年11月30日, 第一隻小露寶O係我屋企出現, 到今日 08年1月15日, 最後一隻離開

肥o都o都RIP

做返隻可愛乖巧活潑既肥o都o都 ^3^

食譜~藍莓乳酪芝士蛋糕

8吋x8吋正方形蛋糕:

餅底:
消化餅乾碎 100g
無鹽牛油溶液 50g

藍莓芝士:
忌廉芝士 (室溫) 195g
砂糖 65g
淡忌廉 170g
益力多 130g
急凍藍莓果茸 130g
魚膠片 5片(每片2.5g)
原味乳酪 80g

裝飾:
藍莓果餡 100g
薄荷葉 2片

做法:
1. 用電動打蛋機以中速將淡忌廉打至7成軟身,備用;
2. 以中速將忌廉芝士打至軟身,然後加入砂糖,再加入原味乳酪繼續打勻;
3. 加入益力多,以慢速打勻;
4. 把急凍藍莓果茸放入微波爐加熱溶降,然後將果茸們入芝士混合物,用膠刮拌勻;
5. 然後拌入(1)中已打起的淡忌廉;
6. 預備魚膠溶液,加入(5)內拌勻;
7. 將混合物倒入餅模內,放入雪櫃冷凍1.5小時,在享用前,加上藍莓果餡及薄荷葉作裝飾,便成!

希望幫到你!

 

西餅班(八)II~Royal Charlotte

原來charlotte係指圍邊, 一般係用手指餅, 有d地方同蛋糕, 而royal charlotte就用呢d細卷蛋~入面一般用紅色果醬, 我地今次用左士多啤梨~
入面有2層清蛋糕, 鍾意放一層, 兩層甚至唔放都冇問題~
中間係菠蘿忌士mousse餡~
o係個蛋糕模底名邊圍牛油紙, 跟住鋪呢d卷蛋圈圈, 底同邊都鋪, 之後倒mousse, 加蛋糕, 面層係一塊蛋糕底~ 雪硬~倒轉甩模, 掃果膠之後加生果裝飾~
得左~

原本D卷蛋仔要卒左陣皮先卷會靚仔D, 不過太薄喇痴晒O係D"牛油紙"度>< 卒埋冇得剩…

上次第一次手打CREAM, 300ML打到傻, 今次打200ML, 原來少量既話手打真係快D, 今次慢慢左右左右打, 6分鐘就打起~^.^~

自家巨無霸

睇返blog先發現成年冇整過漢堡包, 麵包機好耐冇用, 今次搓左400g粉, 整左4個巨無霸~今次塊扒用左2份牛肉+1份豬肉。預備左4種醬汁食o個時先落。

大過OOO
要2隻手捧住先食倒…
直徑長過2隻手拍埋…
食一個已經飽晒XDDDDD

漢堡係2份牛肉1份豬肉, 加少少洋蔥, 一隻蛋, 平時醃野咁調味, 跟住落左黑椒同香草, 放入膠袋達一達, 造型再雪一陣先煎

下次自己煮埋個汁好d, 同埋都係唔好落豬, 牛肉可以唔駛煎咁熟

我個係35L爐喎…想唔想倒得倒D包咩size...XDDDDDD

WII FIT

星期五問同事借左部WII FIT返黎玩~ 星期五同今晚都有玩~星期六就有FD黎玩~

上次運動年齡唔知3X定4X, 頭先玩係24~ 呵呵

跑左長跑… 索晒氣…其實又唔係真係好長…不過冇著鞋都有D唔舒服, 下次著返鞋跑, 最多拖地…我以為燃燒率最高100%…點知長跑玩到108%@0@ 短跑就91%, 跟住佢, 唔好跑咁快反而高效率D~

玩左幾樣都NO.1, 行鋼線啦~呼拉圈啦~跑步啦~有D就好難玩, 十名不入…例如頂頭"除"…估唔到碌珠珠O個個玩左一次都有第二名~(不過其實好多個第二名XD)

都幾好玩, 不過可能好快悶, 但當做運動都唔錯, 追住佢跑下幾快過, D YOGA又可以跟住佢做下, 不過每個時間好似太短。

仲有4日玩, 唔知開唔開得晒D關呢~?

相認

今日daddy仔d舊同學入黎bbq, 其中一個同學既女友~居然有訂閱我個blog XD 又一次證明世界真細小XD

其實早幾日已經發現~從該同學既FB link左入佢女友個fb, 再link入佢個blog, 一入到去就見倒我個blog XD 仲要係daddy仔發現~ XDDDD 我呢幾日都有re佢d post ~ 不過佢唔知道係我XD 我地4月已經見過架喇~XDD 又係BBQ~ o係另一個同學屋企~ 佢係9月訂閱我既~

今日整左2個蛋糕, 之後一齊包粟米o個陣, 話佢知我有睇過佢個blog~ 佢好驚訝咁問點解~ 我先同佢相認XDDDD

雲石戚風蛋糕(附食譜)

17個人bbq, 整成日先得一個6寸蛋糕仔...於是加碼整個穩彈見得人既戚風, 簡簡單單整左個雲石~(原味, 朱古力, 綠茶都係最簡單既選擇, 磅晒粉先唸起…整雲石就最o岩XD

好軟好彈~反應好好 ^0^

材料: 4個蛋白(+糖48g), 3個蛋黃(+糖21g), 低粉69G, 發粉, 1/4茶匙, 奶粉1茶匙, 水48g, 菜油39g, 香油1/4茶匙

蛋黃+糖打勻, +水+菜油+香油, 攪勻, 蛋白打至企身, 1/3蛋白加入蛋黃漿中, 再加入1/3粉, 再加蛋白, 加粉, 加蛋白, 加粉。用手動打蛋器, 最後用刮刀兜勻。

話時話, 呢個模好似係第一次用…

香橙芭菲蛋糕

杏仁蛋糕圍邊, 海綿蛋糕2層, 香橙芭菲餡, 裝飾改成橙、糖、朱古力

外層杏仁蛋糕太厚, 要一開二…芭菲餡剩左好多, 可以將份量減1/3, 整唔倒焦糖裝飾, 下次睇埋片再整, 可以用o係第二款蛋糕既裝飾上~ 唸住改用珊瑚糖, 點知第一次太少, 第二次又瀉晒出黎…最後整左朱古力裝飾… 不過頭2次用假力都太快乾, 最後用返真力~不過最o個陣先發現唔記得落開心果做裝飾…冇香橙醬落左檸檬果醬, 掃面果膠用都係用返果醬加少少水。

總共整左5, 6個鐘…預左係一個幾花時間既蛋糕:p 想整好耐終於整左, 試左想試好耐既蛋白糖霜飾面, 不過可能打得唔夠滑, 唔得靚~ 下次試下火焰雪山! 亦係第一次試杏仁蛋糕圍邊~ 最鍾意佢既焦糖裝飾, 可惜唔成功…><

好味, 橙酒味真係好香甜清新~ ^0^ 幾鍾意呢個蛋糕, 不過唔係好知芭菲同慕絲既分別…

食譜~美味diy

新年添新衣

其實B頭O個件仲未完成, 不過天氣咁凍都著住先~ 同哥哥影返張合照~

依家仲鉤緊對耳仔~ ^.^"

香麻法國忌廉可麗餅

呢個係08年第一CAKE~ 唔係同學講起都唔為意
面頭鋪咁多士多啤梨遮晒個面D可麗餅其實係因為塊餅唔夠大要遮醜…XD
入面係海綿蛋糕, 芝麻餡, 淡忌廉+糖霜(法國忌廉)層層相間而成。

學左咩：
1. 魚膠粉同水比例好似係1:7, 魚膠片浸水都係發到7倍重量為標準, 而魚膠片好處係冇咁腥。
2. 打淡忌廉比甜忌廉稀, 可以落少少魚膠粉水。
3. 第一次手打CREAM, 阿SIR話少量既話手打仲快, 唔駛打咁快, 同埋要左右打唔係打圈; 機打就用中速。我仲堅持要一個人打企!!打完隻手好似唔係我既咁, 大約打左15分鐘, 300ml whipping cream...蛋白會快好多~

最後的豬仔

03年補習第一次出糧買左4隻小露寶, 冇幾耐, 其中一對生左寶寶, 之後愈生愈多, 高峰期養左十幾隻, 分唔倒邊隻打邊隻, 隻隻一樣樣…
因為太多又認唔倒既關係, 只有對個別豬仔感情特別深。
肥o都o都, 又名超音鼠, 係我家最後一胎既小露寶寶。1男3女, 佢係唯一一隻豬仔。
其實一向都有分男女, 唔想佢地再生…不過次次都分漏一隻, 今次終於分o岩, 又可能最好生養o個隻豬媽媽走左, 所以再冇小寶寶出世。
因為得佢個男仔, 所以自戒奶之後就過住獨居生活, 唔知係咪冇人同佢爭食, 所以特別肥大~比起隔離屋三姊妹, 佢真係肥好多 XD 所以改左~第一個名, 叫肥o都o都~
不過唔好睇佢咁肥, 不知幾靈活~ 佢係唯一一隻不停跑圈既豬仔~ 以為佢身體有毛病平衡唔倒先係咁轉圈, 丫又唔係喎~*0* 佢2邊都得個喎~*0* 好得意呀~~
佢又唔係點跑碌個喎~~ 唔會o係轉轉上面尿尿, 所以唔會搞到個身立痴痴~ 佢個身永遠都咁乾淨, 唔駛特別同佢白白個跍~ 佢間屋都係永遠咁乾淨, 冇臭味架~~
食得訓得又多運動又乖又乾淨~咁好既豬仔去邊度搵~~
不經不覺, 下個月就3歲喇, 鼠鼠黎講已經算好長命~ 依家大約係人類既9x歲! 已經好少見佢轉圈, 成日側身訓o係度, 大部分時間都係訓覺同r痕, 食下野飲下水。
尋日抱佢出黎, 都唔係好郁, 行路一拐一拐, 仲點轉圈…
一早已然唔再肥o都o都,又唔再仔超音鼠…最近既名字係--阿伯…
當佢走埋之後, 屋企就再冇小露寶。同之前唔同, 唔再有其他代替。以前就算幾鍾意都好, 點都叫做有其他一樣樣既豬仔要照顧, 但係今次同上次熊仔走既時候一樣, 只係阿伯冇熊仔咁辛苦, 冇甩毛, 冇傷口, 只係愈來愈老, 愈來愈瘦弱, 又令我唸起外公臨走既時候…
捱過呢寒冷既幾日之後, 希望你可以再生猛返, 至少過埋下個月生日好嗎?

「就算時光倒流幾多次 我都會娶你做老婆」

好感動呀~T0T

奉子承婚, 又要話一早訂左婚…2個都係新人又唔係有錢,  得倒祝福之剩難免承受唔少壓力。

之前聽過張繼聰做訪問, 講過佢一個老朋友既故事, 好傳奇, 咁O岩, O個位已故既好兄弟同佢老婆同一日生日。

「我愛妳~ KATE!」

聽完O個個訪問之後對佢幾有好感, 好有人情味, 佢今晚既致謝詞好有型! 唔肉麻唔做作!

讚~^0^b

《29+1》又來了

暫時睇過最好睇既話劇, 想睇多次添 ><

千呼萬喚,4次方來了...

2008年2月29日 － 3月6日  8pm  （3月3日休演）

2008年3月2日  3pm

香港藝術中心壽臣劇院


票價
成人            ＄195（堂座）＄165（樓座）　　
優惠票　      ＄150（堂座）＄100（樓座）　
（優惠票只供全日制學生、高齡及傷殘人士　限量發售）
門票18/1　起於城市電腦售票網公開發售

由即日起到1月16日接受優先訂票,享有最佳座位.
部分場次更可以優惠價 $ 175 購買原價 $195 的門票!!

請按 此處 下載表格

截止日期：1月16日 下午六時  （逾時恕不受理）

查詢熱線：9032 5272 / 9661 7573

關於29+1

故事講述一個即將步入三十的女子，本來一直保持著高度的自信，擁有美貌事業愛情；來到即將踏入三十的時候，卻為三這個數字的入侵而開始擁有大部分同年女子的憂慮。在友人介紹下，她搬進了一個陌生女子的家。然後，卻突然出現很多意料不到的經歷，讓她陷進了人生前所未有的低潮。這時她發現屋子的主人與自己乃同年同月同日出生。從這一天，兩個女子在空氣中互相融合，觀照，影響……最後，是誰闖進了誰的世界？

彭秀慧一人分演林若君和黃天樂兩個角色，把一個女人三十，屬於七字頭香港出生成長記憶的故事赤裸裸地展露人前。

今次演出，將會由《再見不再見》的作曲黃艾倫擔任音樂總監，將戲內音樂重新創作，胡玲玲亦會重新製作錄像。《29+1⁴》將會是一個不是重演的重演。