家長會面

早排阿媽話就結婚都未見過未來襯家, 於是星期六趁住預祝母親節, 約左未來老爺同媽咪飲茶~
阿媽一黎到就話: 哇~餅印一樣喎~
XDDDD
我都唔覺男友同未來老爺咁似樣~
跟住阿媽又用潮州話多謝未來老爺既照顧, (我個個星期上去食飯^^")跟住交流下按摩心得, 閒話家常咁, 潮州話同廣東話夾雜住咁XD (我地2家都係潮州人)
原來佢地仲傾埋將來生仔邊個湊@@ 唔掛得阿媽夜晚同我話可以拎返鄉下搵人湊 *0* 其實呢個都係一個唔錯既主意, 我細個都係帶返鄉下俾人湊到2歲半先返黎讀書, 不過我一定會好唔捨得呢><未來老爺就話o係香港都搵倒人湊, 我就好唔放心請外藉家務助理…睇新聞同聽同事既經歷都怕怕…
另外仲有一項驚人發現!!

原來幾十年前同未來老爺批命o個位高人就係葉問!!*0*連男友都唔知呢!!
尋晚上未來老爺度食飯佢話我阿媽幾開通, 成日笑, 我話佢成日笑騎騎XD 佢話咁咪好囉, 咁做人先開心家嘛 ^^

其實之前都唔係好緊張, 2位都係隨和既老人家, 今次氣氛融洽, 未來老爺仲話再約飲茶 ^^