無花果裸麥包

原本係跟17小時既無花果合桃包, 整完個種都好好地, 咁整主麵糰啦, 到加水o個part發覺好濕, 未加晒已經好難搓, 但我之前整過2, 3次機搓係冇問題既, 於是就轉機搓啦, 問題就出現喇!
我將d材料過左機之後就加埋剩餘既水, 加加下發覺點解濕到好似湯咁…雖然知道呢個譜係濕d, 都冇理由濕成咁…比較埋17小時白吐司既譜仲多水d, 都冇咁既情況!
點知!! 呢個時候就俾我發現左個裝左少少水既兜=0=|||| 呢個時候先知自己落錯水………

我開頭用量杯裝左d水, 將個兜放上個磅度量, 跟住大部分已經倒左入麵糰, 剩返少少o係個兜度。點知我過左機之後…居然加左量杯入面既水入麵糰 =口=||||| 多左勁多水…唔知似乜…
最後惟有用篩過左d水…之後再加粉…倒入焗盤發酵, 當然無法造型…結果就係大家見倒既咁喇

不過意外地又好好味喎~ 入面好軟好彈~ 當中加入裸麥粉, 而發現多左水之後廢事side左d無花果同合桃, 於是加左幾茶匙有果肉既無花果醬~ 又幾好味喎~
原來無花果醬整包都幾夾, 整蛋糕反而太甜