馬拉糕食得多影響生育呢單新聞我冇留意, 因為一早對食物唔安全已經麻木左, 成日話食幾多幾多乜乜物物就會有事, 試問你可唔可以食倒咁多呢…
今次馬拉糕一星期一件已經可能有問題, 算係比較可能食倒既範圍, 而且我地食既野入面唔係單單馬拉糕有發粉。
o岩o岩睇倒個blog, 原來有d發粉係不含鋁既?
引用自http://hk.myblog.yahoo.com/jw!Z9v43NaYHxvgItO3SD4yRzHOQy0-/article?mid=24832
"只有cornstarch, sodium bicarbonate(baking soda), monocalcium phosphate
至於含'鋁'的泡打粉, 成分會寫 cornstarch, sodium bicarbonate, sodium aluminum sulfate/ sodium aluminum phosphat"
究竟我用既有冇鋁既? 哎呀…我個包裝冇寫架= =購自烘焙店冇成份標籤…= =
有冇資料可以搵倒1g發粉有幾多鋁呢?
不過依家咩都話唔食得, 其實以前d人咪又係咁食, 咪又係咁生…
延伸閱讀--
知識改變馬拉糕
港食安中心抽查逾200款食品 97%含鋁或影響生育
之前o的人有良心o的, 科技又冇咁先進, 冇研究到咁多化學野出來, 但而家o的商家最緊要成本低又做到同樣既產品, 於是唔理對人會唔會有影響, 係咪都加o的化學野落去...人真係越來越多病多絕症越短命, 自己有得選擇就最好唔好加化學野...
ReplyDelete[版主回覆06/04/2009 11:33:00]其實有好多野以前都用開, 不過科技未咁發達, 所以未有咁多報導未有咁多學名je 依家d人點會愈來愈短命呀… 其實我真係唔覺得化學野特別有問題 不過戚風咁, 可以唔落發粉我都慳返:p 又唔係大量食, 依家豬牛雞米蛋都有事, 唔通唔食野咩~ 我比較相信整定, 該死唔駛病:p
人造牛油咪會食c人囉
ReplyDelete[版主回覆06/04/2009 11:44:00]食幾多先會死?我o岩先買左盒~ 如果咁易c就唔會咁易買啦~ 之前食勁大量先會出事既野都回收返
加理子係咪講緊反式脂肪定有咩新發現? 食物安全中心 為減少攝入反式脂肪，是否應選擇進食牛油而非 人造牛油 ？
ReplyDelete否。因為牛油含高飽和脂肪及膽固醇，兩者均不利心臟健康。相反地，大部分人造牛油均由植物油製成，不含膽固醇及一般含較少飽和脂肪 。
軟人造牛油一般比硬人造牛油含較少反式脂肪。而且，近年市場上已出現採用新配方製成的人造牛油，這些產品只含小量反式脂肪。 http://healthinfo.mysinablog.com/index.php?op=ViewArticle&articleId=1332811 植物起酥油 （ Vegetable Shortening ） 俗
稱白乳油、化學豬油，一般由大豆油、粟米油、棉花籽油或棕櫚油等經過氫化而成，呈白色固體狀，無味，適合配製酥皮、餅乾、蛋糕、植脂奶油忌廉等，亦可作炸
油用。根據美國農業部營養素資料庫的資料，每 100 克烘焙用的植物起酥油可含高達 40
克反式脂肪。為配合市場需要，近年市面上亦有不含反式脂肪的植物起酥油。 人造牛油 （ Margarine ） 人
造牛油亦常稱為植物牛油，俗稱「馬芝蓮」，用經過氫化的植物油再加入色素、增味劑或奶製品而成
，顏色和味道仿似牛油。人造牛油分軟（餐桌用）及硬（烘焙用）兩種，軟的可用作塗麵包或粟米，而硬的通常是紙包裝，用於烘焙麵包西餅或製作西式湯。而消費
者一般在超級市場上買到的人造牛油多為膠盒裝的軟人造牛油。根據美國農業部營養素資料庫的資料，每 100 克烘焙用的硬人造牛油可含高達 25
克反式脂肪，而軟人造牛油一般比硬人造牛油含較少反式脂肪，反式脂肪的含量會因應氫化程度而有所不同。與植物起酥油的情況相似，近年市面上亦有不含反式脂
肪的人造牛油出現。
現在好似食又 c 吾食又 c, 咁點算呢?
ReplyDelete[版主回覆06/04/2009 12:43:00]所以我唔理囉:p
其實好多泡打粉都無寫明有鋁架, 有些外國牌子就會寫明不含鋁的.
ReplyDelete講開可能而家科學昌明左,有好多以前唔知咩事既,而家都發現到問題所在,我都想知 1 g 含鋁有幾多,政府真係講d 唔講d.
[版主回覆06/04/2009 12:44:00]烘焙店買o個d又冇寫…:< 不過本身其實都唔係好多野落發粉je, 都唔怕既
eeeeee...噤我又真係唔知=.="
ReplyDelete我都對野食既安唔安全冇哂感覺了..
家下食菜又怕農藥..食豬又怕h1n1.. 牛又怕瘋牛...雞又怕h5n1..
真係邊驚得噤多..
反正又唔係一日3餐都食佢..冇事既=w=
[版主回覆06/04/2009 18:03:00]所以其實我都唔怕左好耐
...咁我哋呢班整餅人係可能會早死啲架!!哈哈!!事實上現今市面大量生產的食物有那些是真係有益呢!!甚麼食得多都有副作用...看耶!十個小孩八個都話敏感濕疹等等...唔理得咁多...知道就注意囉!!
ReplyDelete[版主回覆06/05/2009 00:05:00]我反而覺得整得多既人反而知道得比較多, 起碼知道用咩材料做, 識得揀 不過都係O個句, 該死唔駛病:P
你講完…我即刻CHECK下二記果D 咁又發現唔到有 sodium aluminum sulfate / sodium aluminum phosphat
ReplyDelete不過……又避得幾多 出面果D食物……都好難知道邊D有害……
[版主回覆06/05/2009 07:02:00]二記o個d有寫成份架?唔係自己pack? 我o係cake diy買好似唔覺
2005年7月出版既"不使用沙糖的自然派sweet甜點"一書,它提到: 泡打粉(不添加明礬)ALUMINUM-FREE BAKING POWER 泡打粉主要是用於烘焙點心的澎脹劑,可以簡單又快速地做出質地纖細的蛋糕彧鬆脆的餅乾。由Rumford公司製造,不添加明礬的泡打粉最為優質。它是於磷灰岩所取下的鈣和蘇打粉裡,添加防止早期反應的非基因改造玉米澱粉所製成的。其他公司出品的泡打粉,多半添加了硅酸鈣及為了防止結球並方便使用的硫酸鋁。目前已知鋁會被腸子吸收而滯留在身體各組織內,而且在阿茲海默症和柏金森式症患者的大腦裡,也發現了大量的鋁。還有,鋁會造成骨質蔬鬆並降低腎臟機能,所以煮飯用時的鍋具也應盡量避免使用鋁製品,建議使用不銹鋼製品較好。此外,泡打粉會使腸功能變弱,耗盡維他命B並防礙維他命C的吸收,所以即使是較優質的泡打粉,也最好不要過度攝取。另外也應避免日常頻繁的使用,特別是治病中更應避免。
ReplyDelete[版主回覆06/05/2009 11:26:00]哇咁多問題…最得人驚係柏金遜… 不過我尋晚整西樵大餅又落左2g:p 咁一日可以食幾多唔會有事? 而1g泡打粉又有幾多鋁呢
sorry呀這個"咁一日可以食幾多唔會有事? 而1g泡打粉又有幾多鋁呢"冇提到,我都想知呢:p
ReplyDelete[版主回覆06/05/2009 13:00:00]^^
其實我覺得都唔理得咁多，不過前幾日咁啱去citysuper買嘢時見到不含鋁的baking powder，所以至順手買咗包同其他人分咋....XP
ReplyDelete