9天假 part II

又放完今年既第2個9天假

1/8: 男友屋企換電線, 自己o係屋企訓覺, 起身煮左個冷麵, 跟住悠閒咁過左一日, 夜晚過左去同佢屋企人食飯

呢個假期都煮左幾次麵…

估唔到咁大既雜菌雜菜鍋! 仲有片皮鴨同珊瑚玉帶西蘭花, 飽到傻既時候佢居然黎個糖水同西瓜@口@ 返到大埔終於試左daddy想試好耐既牛奶雪糕, "唔奶既…" XD

2/8: 帶肥豬返診所拆線, 同埋傾返心絲蟲既問題, 應該都會打針架喇, 2個幾星期後帶D尿返去驗, 再過幾日返去打心絲蟲針, 要留院2日呀…跟住要靜養3星期><

同場加映好耐冇出場既豬肉仔~ 佢見我檯面擺左D炒飯同龍利柳走出黎八卦, 於是俾左件魚佢食~ 平時連鼠零食魚乾仔都唔食既佢, 我地都話佢食齋, 居然又食龍利柳喎! 肥豬都好鍾意架~ 原來龍利柳就咁叮熟都好好食架~

"我要出黎食呀~~~"

3/8: 1號風球, O係屋企繼續冇咩做, 都係睇結婚野

4/8: 3號風球, 7點幾醒左, 洗洗下頭醒起出左去跑步, 結果一朝已經沖左2次涼洗左2次頭… 繼續食冷麵, 今次轉左綠茶冷麵, 整左個囍餅, 整理返上個月D數, 執左想執好耐既書架, 完成埋學校帶返黎既工作~

5/8: 起身已經落左8號風球, 跑完步就出去食晏, 跟住第一次試妝, 算唔算有少少概念呢?麻煩晒你呀 ^^

6/8: 有要事一早出去辦唔成, 難得同daddy食晏~

食左茶餐廳邪惡孖寶!!

乾炒牛河同我以前唔食既西多!!!

跟住買埋送先返屋企。可能尋日對眼玩得太耐, 勁支力…返黎又自己化一次…勁驚嚇!! 跟住頂唔順訓左2個鐘~

食完呢餐飽到夜晚, 夜晚食雜菜湯同蘋果(完全唔甜!)

7/8: 今日食清d, 食左雜菜湯, 蘋果, 麥皮同蕉

原來快熟麥皮係咁好味~ 同即食O個隻真係完全唔同架~ 咬口好好多~~

下晝勁肚餓, 整左d腸仔包同肥仔食XD 佢真係好麻煩…成日肚返D藥出黎, 塞入麵包度餵係最好既方法!!

另外總算換左部份牆上既相(左邊係新貼既4R, 右邊係原有既A4)全部都係舊相XD

8/8: 繼續辦理未完成既要事, 跟住去左飲茶, 之後出沙田睇花車,

買左幾件衫, 之後出左旺角意外地買左戒指喇!!! 食埋野

再買埋肥豬shampoo, 跟住仲行埋金都!好充實呀^^

9/8: 一年一度既afternoon party呀~ 今年出席既有媽媽、小刁、飛飛、馬丁、米卡路同皇子~當中小刁、皇子同馬丁都係第二年出席喇~ 今年冇特別跟返afternoon tea既食物黎準備, 今次有我既cupcakes同吞拿魚餅, 小刁既金寶蘋果撻, 皇子既車厘子芝士蛋糕, 米卡路同飛飛既車厘子、龍眼同飲品, 仲有冇食到既西瓜:p 壓軸出場既有媽媽帶黎教我地包既燒賣~~~

 第一次整燒賣~ 原來係咁簡單~ 又好味 ^皿^

跟住玩大富翁, 真係俾皇子由第一個幾乎破產最後贏左…我第二, 冇踩中過貴地, 反而有一塊起左3間屋, 一次收萬七XD