是日完成任務

1. 開聯名戶口!
早2日冇住址證明開唔成, 今日等左2個鐘終於搞掂喇! 原來依家中銀有種戶口可以唔理入面有幾錢, 張卡又免年費

2. 睇花車!
第一次睇車試車, 外型幾好幾特別, 入面係細d不過我地都ok, 唔頂頭就得, 男友話好過睇相~不過佢都係想睇下有冇甲蟲先, 仲要係舊款!車主好好人, 同我地講6月可以唔駛咁早決定

3. 買戒指!
詳見呢度。

4. 金都視察!
第 一次同男友行金都, 之前同朋友行過一次, 好多鋪都閂左, 不過仲有唔少營業中。見倒一款好靚既婚紗, 佢都話幾好~ 不過又係同我心儀既好唔同, 直身有d似睡衣款, 有袖, 上身有d吊飾, 全身有d lace咁, 只係望左2眼已經唔係好記得:p 下次如果去試妝可以睇下。

5. cosco問價!
問 過原來samantha試妝費要$500而唔係之前睇倒既$268。有個後生女問我幾時bd幫我查下有冇booking, 我話出年619跟住佢問我係咪今朝打過黎@@　「下？又有人619?」跟住話有期, 問我book唔book埋, 話唔可以電話預約。我其實唔係好信, 點解唔可以電話預約?? 咁我都係話睇下先。佢同我講解左個plan, 問我駛唔駛註冊, 我話要, 不過唔擺酒, 佢預出門一個註冊一個妝咁就$2888o個個plan, 都幾好, 攞左張單張返黎參考~ 下次可以再去~ 戒指慳左, 呢度如果只要2888又唸得過, 不過唔想咁快又試, 遲下減肥有d進展同埋訓返好d皮膚先:p

好勁呀!!今日做左好多野呀!!!\^0^/