跟團/自由行/跟團+自由行?

自由行
優點: 自由, 唔駛早起身, 唔駛趕鴨仔可以慢慢影相, 唔駛去d你唔想去既景點, sweet d
缺點: 要自己編行程, 訂機票酒店, 搵車搭, 言語不通, 治安問題, 貴, 冇團友同你影相

唔知東歐會唔會好難成團?

其實東歐主要想去布達佩斯, 布拉格同維也納, 可以報7天團, 再stay倫敦, 咁就可以去埋男友至愛既英國喇~~~ 如果今次唔去都唔知仲有冇機會去:p 今次反正途經真係一個最好既時機, 不過就要加接近$2000(未計酒店駛費只係停倫敦既附加費)不過咁樣我地就可以只係搵倫敦既資料, 簡單d, 又有晒2樣既優點^^"

我個人最多可以去16日, 佢就要睇下到時鋪頭生意如何, 唔想請咁多日假, 但係話晒一世人一次, 仲要難得唔係過年既旅行, 我緊係想去耐d啦:p

有冇人去過東歐?跟團定自由行? 自由行有冇困難?上次去哈爾濱都遇倒治安問題令佢全程唔得安樂, 呢個都係我想報團既原因。如果只係o係倫敦唔跟團應該好過成個trip都唔跟呱?

坊間唔多東歐自由行書仔, 要plan行程冇咁方便, 反而西歐都幾多人自由行, 遊客區英文冇問題, 亦唔太貴。

參考資料
http://hk.myblog.yahoo.com/poohpooh0805/article?mid=52&suc=1
自由行好定跟團好?
http://travellife.org/forum/viewthread.php?tid=33559&extra=page%3D7&page=1