又係daddy order!
好意外佢居然話想食香蕉蛋糕! 佢不嬲都唔食蕉同蕉製品!!不過佢強調唔要咁濕
之前o係麵包鋪買左個俾佢, 似戚風多d, 但係勁大陣發粉味定梳打粉味…也母喉既 >_< 我食左一啖頂唔住, 佢就覺得冇咩野, 不過都係唔好味…
之後o係惠康買左隻蕉, 本身已經有少少梅花點, out左一日之後焗左一底
出奇地好味呀!!! 牛油蛋糕從來都唔係我強項…我本身好少食…都係鍾意戚風呢d鬆軟彈性佳既蛋糕, 牛油蛋糕又heavy又實淨, 間中食下都ok, 不過極少整…相反daddy就鍾意食呢種多d~
之前整過幾次自己都食倒發粉味…或者苦苦地…無論用發粉定自發粉都係咁…今次完全冇事呀!!!
新鮮出爐仲脆皮架!! 勁好食!! 不過我地亦勁飽食唔晒…最後係切晒d皮黎食XD其餘第日先食:P
原定時間40分鐘之後中間都係液態, 於是加多十分鐘同加熱少少, 可能就係咁有層脆皮喇~ 好像唔係即時食可能會硬左D。
話說我今個星期日都要返工, 呢個蛋糕係放工之後出發去食飯之前整既, 以為好快點知都攪左半個鐘先入得爐…得返4個字要出門口唔夠40分鐘焗…於是焗左2個蛋糕仔先, 其餘材料放雪櫃順便可以等佢揮發下D發粉味:P
No comments:
Post a Comment