肥豬險遇色狼記@@

頭先隊完半個月餅之後帶左佢落去行公園，遇倒一隻八哥仔，未夠一歲，佢好痴肥豬，我地走左佢都老遠跑跑跑跑過黎，幾次都係咁，我又驚我拖肥豬走佢主人捉唔返佢…

呢隻八哥本身有個ＦＤ叫肥仔，後尾肥仔黎到我唸住終於甩難啦…點知３隻野一齊團團轉，都唔緊要…點知隻肥仔擒上肥豬背脊！！＠＠好恐怖！！！雖然佢屬於細種狗，細隻過肥豬少少，八歲…不過佢既舉動實在太嚇人…佢主人又得個睇字完全唔理！！！我幾驚呀…肥豬又唔理佢，我拉開肥豬，佢再接再厲！！我搵隻腳欄一欄佢，雙手拖肥豬走，佢唔知係咪行得耐支力得滯又唔郁！！！肥仔主人叫我唔好咁拖佢！！我幾想話你「抱開你隻野啦」＞＜我已經話左佢聽人地係女仔黎家嘛！！！我真係驚架！！！真係好似遇倒色狼咁！！

後來肥仔都好似八哥仔咁追左一段路，不過追得冇咁狼！搞到我都唔敢再行返轉頭…好怕再遇倒佢地…＝＝|||