日期: 12/8下午大家有冇問題? 我考慮過平日晚同星期日下晝唔知點取捨, 大家prefer邊段時間?日子又有冇問題?
地點: 旺角/尖沙咀
選擇一: 菓一道 http://www.openrice.com/big5/sr2.htm?shopid=7559 (請投票及提名)
活動: 晚飯/午飯(有冇d食唔肥/比較健康既餐廳建議? 抑制邊度都冇所謂?)
報名:
1. 蠍
已報名的blog友請confirm, 未報名既齊齊減肥大行動之友有冇興趣報名呢~?^^
係紅磡既一間小麵包店~星期日間中會黎買下午茶食~尤其依家呢D減肥放縱期:P 好地地又唔會買個喎:P
買左一個酥皮蛋撻~呢度既蛋撻可以話係我試過既當中數一數二架~好出名既九龍城豪華同泰昌都唔錯, 不過可能太出名既關係又覺得冇咩特別, 反而呢間不為人知既我覺得好好味~
佢既豆沙餅好多豆沙, 有1.XCM高, 同旺角奇趣既好唔同, 佢係大塊D薄D少餡D既, 不過奇趣就係個皮出名~原味冇餡都好好味架~
仲有就係皮蛋酥~我成日分唔倒皮蛋酥同蛋黃酥~不過佢既皮蛋酥真係好皮蛋~~!
最後仲買左一件馬仔未食~
total$8.5
地址: 馬頭圍道43A
舊年男友黎過之後飲食男女又介紹過, 終於尋晚去左TSTO個間, 原來旺角雅蘭都有~
好鬼好味~細細件~一口一件剛剛好~(開飯有人嫌佢的式, 不過阿蘇話靚既壽司要細細件一口一件, 大大件O個DNO GOOD)
佢D普通壽司反而比特色壽司出色~22蚊2件O個D驚喜過35蚊件O個D
1. 蟹棒壽司($18?/2件)--印象唔深, 可能之前o係峰食過d咁高級既蟹柳已經驚喜過, 而且峰抵食d
2. 紐約藍鰭吞拿魚壽司($22/2件)--最好味最驚喜~2口同聲推介
3. 海膽toro碎壽司($2X/2件)-- 都唔錯, 第三好味
4. kingkong卷($35/4件)--4件都唔同款, 2件有牛油果,其餘有三文魚、吞拿魚、黑色小魚子之類, 勁薄, 唔係好深印象
5. 蟹膏壽司($2x/2件)--個樣…衰左d…同張相好唔同, 不過好味過峰, 冇咁腥
6. 芒果三文魚青瓜卷壽司($2x?/2件)--幾清新, 不過冇咩特別印象唔深
7. 炸軟殼蟹壽司($28?/4件)--好味~第二好味8. 吞拿魚腩壽司($35/1件)--同樓上O個件差唔多, 冇咩驚喜…
食唔飽再嗌:p
9. 5A黑和牛壽司($35/1件)--DADDY試食先~(影片後補) 「入口即溶囉…不過冇牛味…唔講食唔出係牛…」我都覺得係多肥膏所以都幾溶化, 牛味知道都食倒少少既, 不過好少好少
10. 香草油金魚壽司($20/2件)--好味喎~估唔到呢d普通款仲好味~都係第三好味
11. 火灸三文魚壽司($20?/2件)--其實呢個時間DADDY已經飽飽, 我想食三文魚又唔想咁普通食$9o個款所以試左呢款, 都幾好味, 不過好普通…熟既三文魚囉~都係$9o個隻o岩我d, 已經好飽既佢話好味
12. 西柚荔枝特飲$18, 唔記得係咪荔枝, 我冇飲~DADDY評價麻麻… 佢仲有巨峰提子汁同一款綠色既, 好似分別係20同22蚊~2杯$35
下次去可以試多d平d普通d既款色, 可能仲大驚喜~
埋單2個人$320/$340(唔記得清楚…)
入去o個程巴士度有個女人帶住2個女走黎問去海洋公園係咪呢度排隊, 個男人答左佢, 之後佢又行上前, 原來係想打尖…車黎O個陣插隊上車, 仲嗌埋2個女(1X歲), 我叫個女排隊, 佢懶緊張咁話「我媽媽O係前面」「嗌佢返黎排隊」跟住佢冇理我就跟埋阿媽上車…點知上到去仲坐我地隔離…男友冇佢地咁好氣, 撥個風口吹住我等我消消氣, 佢話費事同佢地嘈, 一陣5個都唔駛上車就麻煩。
跟住入到去麥記排隊又遇倒一個阿嬋, 開頭插左O係我地前面已經引黎2個外國人側目, 跟住仲捐過圍欄過埋2個外國人同佢地之前既人@@
多左自由行…呢D事都見怪不怪, 點知黎到一個類似觀光塔咁既野, 到我地俾人誤會打尖…
呢度開頭O係出面排隊都好地地, 點知過左度閘之後D工作人員就叫D人唔駛排隊行入去, 應該係計好人數夠上晒所以入到去唔駛再排。我本來企O係閘口排緊隊, 佢咁講就行入去啦…點知真係俾人嘈, 2個師奶O係度叫人排隊, 粗聲粗氣, 我咪同佢話出面話唔駛排囉, 後面O個個就大大聲話「冇人話唔駛排」!勁唔好聲氣, 男友出聲叫佢自己出去問人, 點知個C奶大大聲話「收聲啦!蝦女人呀!」咁就我出聲啦~我又叫返佢收聲, 跟住佢仲好野, 另過黎挺晒胸咁話「打我丫~」見倒佢成身汗又咁好肉地我都好驚=口=: 「唔好呀…我驚呀…」仲有句未講出口, 心唸「一陣食住左我隻手點算…」咁O岩行到門口, 好在呢度都有個工作人員,佢地話我地唔排隊, 我地又話係出面叫, 跟住佢就同佢地解釋返~排我地後面O個家人仲火過我地…D細路O係度咒個C奶…2便都好嘈…我都冇佢地咁好氣…等左一陣都未開, 原來個工作人員慢慢同佢地解釋緊…最後仲要講句:「多謝你地意見…」其實佢都好慘…不過我都覺得呢個「唔駛排隊」政策好易惹人誤會…成件事其實都只係一場誤會…我地都好睇唔出眼D人打尖, 不過最頂唔順係佢O個句「蝦女人」同「打我丫」…真係呢DC奶先講得出…= =
黎ocean park~~^0^
等左4年~仔仔終於有得返鄉下喇~\^0^/
今日一家大細帶埋B仔、粉粉果果同笨豬一返返仔仔鄉下~~第一次同DADDY仔黎咋~不過我都有接近4年冇黎過~今次係一次完全冇玩機動遊戲之旅XD 一來我驚~二來又熱又曬排到傻…睇見D摩天輪先辛苦…好似燒雞翼咁…轉一個圈之後熟晒XD
早排新年親戚黎香港玩, 我地發現左有九鐵套票優惠~198包全日九鐵任搭同紅磡到海洋公園既接駁巴士2程~唔知教協/工聯買淨飛幾錢, 不過就咁睇都好抵又方便~~
我地往返都係尾班車~假日回程尾班車去到8點~
一點倒入到去~
(睇完就去買野食~)
(雙手拎住杯野差D入唔倒XD)
(之後搭纜車落山)
(好好天~)
第六站--黎到一座類似觀光塔咁既野, 發生左一段小插曲。
第七站--O係塔上見倒海獅館, 呢度真係靜過鬼, 得D勁唔活躍既海獅同一D傾閒偈歎冷氣既遊人。唔知呢D住既係咪退役既表演海獅呢?
冇玩到夏水禮~不過睇見都幾得意~十幾歲後生仔女應該幾o岩玩~見倒佢地玩得都幾開心~又多泡泡~好似以前既水上樂園~~以前好鍾意去水上樂園架~仲去得多過海洋公園, 依家冇左真係好可惜…得個角仔點都玩得唔夠過癮…不過冇經歷過水上樂園既就可能覺得幾好玩…亦因為d泡泡, 我始終都係未去過集古村…
差d漏左纜車~呢個都係其中一個好開心既環節, 真係好舒服~好天又好風~^^ 仲同粉粉果果仔仔笨豬影左相~^^
最後黎到我地此行既主要目的~帶大B仔返屋企~^0^ 其實一黎到已經搵倒佢~不過緊係玩完至帶佢走啦~沿途行左好多間商店(其實睇D野都大同小異~)臨尾發現倒小熊貓BB, DADDY睇中先~話要帶佢返去陪仔仔~^0^ 點知去到最後O個間鋪頭見唔倒, 好彩俾我搵倒一隻!!*0* 喇喇臨帶佢走~呵呵呵~ 本來想順便帶埋大BB走, 不過都係掛住入門口第一次抱起O個隻, 於是上返電梯搭返纜車返去另一邊門帶佢走~^^"
今次我地6個黎~8個走~^0^ 企鵝仔既勢力又增強左喇~XD
又到左上磅既日子, 先度尺寸 (33.5, 24.5, 29, 34.8)
都冇咩肥到, 肚腩仲細左@0@不過一上磅…
117.4.....比上星期+1.6磅~18日total-5.8磅
睇見自己重左, 不過仲未收拾心情…唔通真係第三week胃口好左? 抑或俾人讚壞左???
早餐: 大梨1個
午餐: 西炒飯大半盒+雞扒鰻魚飯小半盒+紅豆冰一杯+羅宋湯一碗
胃口依然好好, 睇黎呢個星期要加運動至得喇~唔好再嫌趕而唔去游水, 尤其是好天! 睇怕唔好天得幾耐, 曬左咁多日應該好快會落雨…
下午茶: 皮蛋酥、酥皮蛋撻、豆沙燒餅各一件(繼續不肥不食)
唔知點解食左咁多野都係見暈, 有D似食西柚餐O個時既感覺, 尋日曬完就開始, 之後冇事, 頭先落去買野食之前又係咁。
晚餐:白飯半碗、黑欖一粒(因為要食佢所以食左飯…真係好鹹:P), 大眼雞、冬菇菜煲~雞翼2隻(一隻走皮)、布冧一個
宵夜: 新出上湯龍蝦味粟一燒半包(好味喎~)+馬仔一舊(呢個麻麻喇)
參加版友: (25人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨、靚表姨、雪雪、Kocy
俾人話完瘦度氣洩晒= = 其實之前O個晚已經好想搵野食…咁講一講今日又去玩~完全將減肥拋諸腦後=口=
早餐: 火龍果一個、自製合桃提子包小半個、KFC鬆餅大半個、葡撻大半個(本來想食晒成個餐架~不過過左鐘買唔倒咋…)
之後出發去海洋公園~園內食左刨冰一大杯、麥記大汽水半杯、麥記脆香雞翼雞鎚各一隻、麥記芒果士多啤梨新地各半杯、自備麥香紅茶半支、綠力半罐
夜晚去左TST一壽司~好鬼好味~不過好細件~一口一件剛剛好~食左紐約藍鰭吞拿魚壽司一件、吞拿魚腩壽司一件、炸軟殼蟹壽司2件、kingkong卷2件、海膽toro碎壽司1件、5A黑和牛壽司半件、火灸三文魚壽司件半、白草油金魚壽司2件、蟹棒壽司1件、蟹膏壽司1件、芒果三文魚青瓜卷壽司1件, 飽~又未至於頂XD
返到屋企仲食左伊利牛奶雪條大半條>0<
完完全全唔係減肥既生活~不過仲未完…
參加版友: (24人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨、靚表姨、雪雪
黎緊31號係幾位同事既LAST DAY, O個日大家都唔會請假, 有位舊同事仲特登請假返黎參加我地既大食會~順便同RACHEL慶祝埋~
當日大家都會整D野食返黎~ RACHEL ORDER左個蘋果批( 其實我未整過 ) 不過有食譜~但唸唸下又熱食喎~我地依家冇焗爐, 連微波爐都有DMUN… ( 又唔知叮返熱好冇食) 佢話總之批底就得, 大家話整咩批好呢? 佢地多數都唔食士多啤梨…
其他人會整雞翼，咖哩薯仔，冷麵，壽司，三文治，你地話我整咩好呢？
舊年聖誕整左火農火農地既NY cheese cake+串燒, 不過當日最受歡迎既係瑞士雞翼~除左個批之外, 仲整d咩好呢? 究竟我識整d咩?@@ 唔敢試咁多新野XD 咁多人食一陣衰左好樣衰XDDDD
大家有冇好提議?
(33, 24.5, 29.5, 34.75)
早餐: 60g
+燕麥鈣思寶250ml+火龍果1個當初我係o係減重超快期開始, 所以減得幾快, 黎到第三個星期係平緩期, 可能冇咩進展, 加上我又鬆懈左, 都唔敢有咩期望…下1, 2個星期仲死…儲水期…唔知減唔減倒…不過唔緊要~過後又係超快期~^^ 只要飲食均衡d, 我唸唔會停經呱今次…
午餐: 滑蛋鰻魚飯+咖哩豬扒飯 (3個人分) 我食左2件炸豬扒, 2口鰻魚, 大約一碗飯(連汁)+3件三文魚刺身+一碗麵豉湯~(好在唔係一人一個餐, 我都煩惱緊杯JELLY同餐飲點算! 依家唔駛我食呵呵呵~)
下午茶: 雜菜湯2碗
運動: STEPPER 40分鐘
晚餐:雜菜湯1碗
食完都仲好想搵野食, 之後食晒原來焗黎整包既合桃=.= 都叫做有益d...
今晚搓左包包~依家做緊第一次發酵, 仲未唸定焗左佢好定發完第一次雪起佢遲d焗好(仲要發現冇蛋= =)...
夏天咩都唔開之下搓包真係熱開住風扇/冷氣過踩stepper= =
嗚…半夜食左半個新鮮出爐腸仔包同半個合桃提子包…D提子乾浸左好耐酒好好味…T^T
參加版友: (24人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨、靚表姨、雪雪
曾在世界 匆匆偶遇過 今天告別你 甚難受
從前共你為這生命狂歌 我卻是無緣為你逗留
唯輕輕的哼這首歌兒 娛樂自己 給你做伴兒
靈魂如疲倦了 造夢吧任意飄 不必知當中意思
今時如迷惘 漂流而無岸 明天始終找到法子
既有笑 也有哀 誰人能無感慨
絕望是低級的主意 快鬥快說笑話 當傷心洒淚時
Wo......Wo......Wo......Wo.....
福福電台好耐冇播過歌喇~呢首歌應該係我小學時代既歌, 不過我係中學時代先初次認識。當時憑住幾句歌詞, 從yes卡中搵倒另一首歌, 繼而買左o個隻碟, 碟中發現呢首, 深深愛上。係《快樂的小雞》既主題曲, 但我未睇過呢齣戲。
有d切合我呢刻既心情
王靖雯既鬥快說笑話
(2年前o岩o岩黎左半個月, Grace做左一個月就走左, 之後Karen黎左)
聽日有2位同事請左假, 有一位就由後日到下星期五我都唔會見倒佢…
雖然話做到月尾, 但係大家返工既日子只係剩返幾日…
識左2年…最後共事既日子就只係剩返幾日…
今次走既都係平時同我一齊坐教員室既同事, 黎緊全部轉晒新面孔…唔知玩唔玩得埋, 合唔合得黎呢? 仲話要我做大家姐…即係冇人俾我問之餘仲要問返我…我唔識咁點算…
last day有一次大食會, 8月會去食自助餐~之後呢? 之後仲會見嗎? 不如每個同事生日我地都出黎食飯, 我都整蛋糕好冇呀?
之前karen走既時候話過, 8月約滿之日就係我地各散東西之時, 如今只有我留返o係度…前路茫茫…我都唔知自己想點…
(去年7月Ice last day…之後Elaine黎左)
(去年聖誕聯歡)
(今年Elaine生日, Karen走左之後, Jenny黎左, 如今Jenny都要走lu…)
115.8 (33, 24.5, 29, 34.5)
早餐: 火龍果一個, 丹麥酥1/4個
小食: 水餅數塊
lunch: 同左同事出去飲茶~8個人嗌左好多野, 好耐冇試過咁飽~~冇食到蝦伊麵、鹹水角、小籠包、叉燒包同金錢肚~食左牛柏葉, 燒賣, 蝦餃, 奶黃包, 福建炒飯, 菜心全走, 蝦腸, 牛肉腸, 少許好油既生菜(食o個陣唔知油成咁...)
dinner: 明爺請食飯~去美心大酒樓~6點幾就食所以唔駛食T~(結果等到8點倒先有得食>0<)~不過亦未必有時間做運動~~ (~0~)
(33, 24.5, 29.25, 34.75)
早餐: 小木瓜一個, 啤梨一個(2樣都勁甜><) 水餅幾塊(好飽)
午餐: 水餃麵@津津
下午茶: 梨一個、芝麻鹹卷@超群 (唔熱真係差幾皮… ><)
運動: Stepper約30mins
晚餐: 雜菜湯一碗
食得太多木瓜...加上今日飲唔夠少...個肚好痛...依家好谷好脹好辛苦...><
睡眠: 21:44-7:50 (呢排都訓得好多XD)
參加版友: (23人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨、靚表姨
尋日睇左本書話, 想知自己究竟係真瘦定假瘦, 唔係要磅重, 而係要度腰圍。
目的係睇脂肪比, 有先進準確可信既儀器當然好, 依家d測脂磅都唔知邊個可信, 最簡單既方法係量腰圍~
本書話唔正確既節食, 例如戒澱粉質, 會有礙脂肪燃燒, 減既可能係瘦肉而唔係脂肪。
冇度開三圍等尺寸既你~快d去度下喇~尤其是腰圍~幼左先係真係瘦, 而唔只係輕~
你係想減重? 定減肥呢?
參加版友: (22人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨
(33, 24, 29.5, 34.8)
早餐: 小木瓜一個、水餅十塊
小食: 蘋果一個
午餐: 有老師請食飯, 食左好多野~~(西檸雞, 京蔥雞, 金銀蛋莧菜, 海鮮豆腐煲, 椒鹽鮮魷, 用斑腩既非一般魚香茄子煲, 仲有一個唔記得左)食得最多既係菜, 豆腐一件, 斑腩一件, 京蔥雞食左幾件, 其餘都係每樣一小件倒)
今日精神唔錯, 不過仲係手軟同好多鼻鼻kamkam…
聽日開始教員室整窗冇冷氣, 我地今日執好野封好檯, 搬左黎緊會用既野落電腦室, 黎緊呢個月應該都會o係度過~
人地暑期好得閒, 我年年暑假都好鬼忙…8塊易拉架要o係屋企做, 好在只差2塊; 工作卡400張, 痴剪過膠之後再剪, 今日先開工; 仲有課室壁報用既大圖畫, 好在今年仲未收倒order整禮堂個大壁報~~希望唔駛做啦~^0^唔係就大檸樂><
下午茶: 大芝麻包一個*0* 真係好好味呀~~暖暖地~~仲軟架~>0<
又去圖書館借左3本講飲食同營養既書, 之後買完包包就去買送煲雜菜湯, (結果係留返聽晚先煲:p)跟手買左十蚊4個火龍果, 十蚊5個啤梨同十蚊幾個雪梨(?)
晚餐: 灼菜心點冷麵汁
睡眠: 21:00-8:00
參加版友: (22人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨
又到上磅既日子~(不過我呢個星期已經上左3次XD 今次第4次XDDDD)
體重: 115.8lbs, 比尋日又輕左一磅~*0* (11日total減左7.4磅, 離目標仲有5.8磅)
17.6% (33, 24.5, 29.5-30, 35)
早午餐: 小木瓜一個+半個大提子包
呢個星期病左, 連續三日冇廁所去…今日都係…不過我又冇谷住谷住既感覺。
尋晚已經識得聞歌起舞喇~^0^ 我唸住埋最後一次藥應該好返晒喇~\^0^/咁我又可以做返運動喇~~希望聽日繼續好天啦~^0^
下午茶: 蘋果一個, 木瓜仔一個, 水餅6塊(一冇獨立包裝就唔得了…)叮翠玉瓜2/3條
今日好返d就執下屋啦~! 洗左2機衫, 晾左3機~褶左d乾左既~換埋床單被鋪~巢左張竹蓆出黎洗擦一番, 趁住咁好太陽極速曬乾左~^0^鋪埋~~yeah~跟住執左個n記唔執一次既藥櫃, 執埋衣櫃, 搵返好多衫~^^ 換埋木糠洗埋籠~執好張書檯~當然唔少得掃地拖地啦~咁搞一搞用左我6個鐘=0= 依家好鬼支力…頭先換床單o個陣都想訓架喇…依家真係要白白交豬喇~zzzzzzzz
又訓左晏覺~
晚餐: 大家樂扒餐1/2份+灼菜心
參加版友: (22人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨
體重(又偷步): 116.8lbs, 17.8% (33-33.5, 24.5-25, 29.5-30, 34.8-35.2)
換完衫準備出門o個陣男友望住我話: 「妳瘦左!」
次次都係佢最早發現我瘦左, 少少都發現倒@0@ 好眼利!!
早午餐: 蘋果一個、玉子鰻魚壽司一件、三文魚壽司一件半、唔知咩魚生壽司一件、龍蝦沙律軍盤壽司一件、海膽魷魚壽司一件、鐵板牛扒3件
新達開左間bluestar, 買左2件背心~^.^ 之後行左過大埔中心, 曬死人, 仲有d暈暈地, 不過出去行下街買下衫人都精神d開心d, 好過o係屋企訓到頭都暈><(原來今日大埔35度@口@)
晚餐: 大提子包半個
參加版友: (22人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby、車梨
今日精神d冇咁痴呆, 不過好多鼻涕同痰…
冇度, 24.5, 29.5, 35
早餐: 純味無糖乳酪75g+雜錦果麥40g+蘋果一個
小食: 蘋果一個
午餐: 烏冬+菜心+魚蛋牛丸各2粒
依家情況又冇咁好, 好眼訓…明明已經訓得好多, 食完藥想訓o個陣又唔係好眼訓喎… 暑假o岩o岩開始, 依然有好多野做…工作卡、壁報圖畫、易拉架(星期四就要…聽講已經買左photoshop, 不過好似未裝…)，仲要執好個位等人整窗…
呢2日呼吸動作同思考都好緩慢…冇氣冇力…呼吸既氣力都冇…
今日都仲係冇咩心機, 不過已經比較集中倒精神, 快d到聽日放假啦~
晚餐: 訓到十點(其實好似只係碌到十點…)終於等倒daddy仔愛心外賣豬膶魚片粥喇~^0^+2小口蘑菇飯(好飽…粥粥食剩左dd)
參加版友: (21人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby
尋晚訓得好好~今朝起身好好多喇, 冇尋日咁嚴重, 不過都係痴痴呆呆@@
33, 24.75, 35.2 (30)
早餐: 雜菜湯、蘋果一個
小食: 超群芳叔蛋撻一件
午餐: 豬瞤魚片粥
下午茶: 又整多件蛋撻
呢幾日既運動都係…訓覺(訓得唔好…個幾鐘醒左幾次…)
晚餐: (UNCLE生日) 蠔油1鮑片數片, 芥菜, 中蝦3隻, 蒸魚, 芒果MOUSSE CAKE1件
聽日學生放暑假喇~~我可以8點鐘起身喇~^0^V
參加版友: (21人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby
體重: 118.4lbs, 18.4%fat(腳踏式) 34, 25.2, 35.25 (30-30.5) 心思思想睇下有冇落返磅^^" 落返放心晒~希望可以等到星期日再磅啦~
早餐: 牛奶公司純味無糖乳酪100g(57kcal)+雜錦果麥40g(154kcal), 感冒熱飲一杯
午餐: 瑞士卷, 牛油蛋糕各一件, 感冒熱飲一杯
好鬼病, 仲衰過尋日, 左眼係咁流眼水…聲沙, 咳, lunch之前食左前副校請既西餅好飽, 訓左9個字…第一次o係學校訓覺, 好在圖書館有個好多咕o臣同公仔, 可以俾我打平訓既角落…飲左藥就訓, 訓醒冇咁唔舒服, 不過唔係好出倒聲…好唔好走呢? 定係聽日先請假呢...?
下午茶: 蕃茄一個, 放工前再食多件雜餅+一杯感冒熱飲、臨訓再食多碗雜菜湯
訓左大約3個鐘
晚餐: 蘋果一個, daddy仔愛心豆腐排骨菜菜湯~^.^ 知我病又顧慮到我減肥特登買送返黎煮過我食~抵^333^~
食飽又訓~zzzzzzzzzzz
今晚訓得好好多~不過訓到個人吽晒…@@
參加版友: (21人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby
做咩咳呀…尋晚做完運動o係度吹左陣風就有少少鼻水…= =
體重: 119.2, 18.8%fat (係咪呢! 都話唔好磅架啦…= =)
三圍: 34, 25.25, 35 (肚腩30)
早餐: 雜菜湯~
小食: 橙1個
午餐: 去飲茶, 食左皮蛋瘦肉粥, 百花釀節瓜一件(未食都考慮左好耐唔知會唔會有肥豬肉, 一食就知死喇…吐左差唔多半舊出黎, 好難分佢邊D瘦肉邊D肥肉…邊D蝦…), 生菜一著
下午茶: 維多C一杯
點解每次都係唔舒服先黎OT…
運動: 是日休息一天
晚餐: 雜菜湯、感冒熱飲一杯
睡眠: 7:44-9.35
9:35-- 醒左見餓又食雜菜湯
11點幾再訓, 點幾又醒, 醒左陣又再訓, 4點幾又醒, 熄左電腦再訓到天光
參加版友: (21人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk、
Tabby
手握式測脂機: 25.x%
早餐: 牛奶公司純味無糖乳酪100g(57kcal)+雜錦果麥40g(154kcal)(原來之前打漏左XD)
小食: 啤梨
午餐: 鮮牛肉片湯麵(好耐冇食過幼麵, 好味喎~)、生菜半碟(全走)
下午茶: 小火龍果1.X個
運動: stepper1hr(睇左3集日式麵包王^0^)
晚餐: 雜菜湯
想盡量每日食倒2個生果同2杯奶(/乳製品), 不過好難安排呢~杯奶都唔知擺O係邊個位好…
睡眠: 十點幾訓到未夠六點就起左身
參加版友: (20人)
蠍、yan1984、Amy、Cherub、魔女、丁屎、suki、rankura、魚子醬、嘉露物語、blingbling、
甜睡寶寶、kinki、 阿心、同事A、martinmak銳、史力奇、茜茜、FanFanKylie、lydiangelhk
臀部: 身高x0.542(cm)
大腿肚: 身高x0.29~0.31(cm)
小腿肚: 身高x0.2~0.21(cm)
我既標準數字應該係35.8寸, 19.2寸同13.2寸
我既實際數字係35.5, 18.5同13.25
最初以為自己係大骨架, 跟住睇過個表, 話15cm手腕係中骨架, 跟住o岩o岩睇左本書話身高/手腕
女性: >10.9小骨架; 10.9-9.9中骨架; <9.9大骨架
男性: >10.4小骨架; 10.4-9.6中骨架; <9.6大骨架
我係11.2, 原來我係小骨架???@@
游完水去左superstore入貨~(相片後補)
煮食用代糖一樽(40g)--一茶匙砂糖有20kcal, 而佢只有2kcal ^^整甜品都得咯呵呵呵~其實我主要係愛黎整麵包既~打算整提子乾合桃全麥方包~不過今日冇時間可能聽晚先~
烏冬一包--冇咩特別, 擺o係學校平時做lunch~
五穀麵1pack3包--一包320kcal, 同一包通粉差唔多~有多種穀類, 燕麥, 白米, 糙米之類, 頭先食左一包~幾好味~
大排檔玄米茶一盒--佢話可以消脂, 不過我係因為鍾意飲而買既~得閒飲下d有味野開心d~
水餅一盒--之前都有o係度介紹過~一塊只有14kcal~佢叫水餅係因為用水代替油份去生產~味道ok架~
江西糙米線一包
之後去左街市:
潮州魚蛋、牛丸共18粒~平時o係學校煮麵食時每餐加4粒~飽肚好多架~唔知潮州魚蛋有冇落肥豬肉呢? 有人話有不過好多營養師或者減肥餐單都有, 而我又唔鍾意食炸魚蛋~呢隻o岩晒~其他腸同豬肉丸墨丸都唔駛唸~不過牛丸就襟飽d~
北京菜心一斤
最近借左幾本減肥書返黎睇, 其中2本都有提到如果你係細細個(一本話7-12歲 一本話9-13前)已經肥, 咁就會難減D, 因為呢段時間發育緊, 脂肪細胞既數目會增加, 但慢慢長大就會唔再增長, 只會增大。
人體脂肪數目生長既時期分為3個: 出生前、1-4歲同埋7-12歲, 脂肪細胞生左出黎就唔會消失, 除非你去抽脂。所以如果O係步入青少年階段之前你已經係肥仔肥妹, 咁大個左要減就會難好多, 亦比較容易復胖。唔知各位參加者係邊一種呢? 我就係中二先開始肥, 當時身高160, 體重已經去到125lbs, 亦開始我第一次減肥~好在已經過左脂肪細胞數目增長期~XD
參加版友: (19人)
蠍、yan1984、Amy、Cherub、魔女、丁屎、suki、rankura、魚子醬、blingbling、嘉露物語、
甜睡寶寶、FanFanKylie、kinki、 阿心、同事A、martinmak銳、史力奇、茜茜
忍唔住上左磅:p
體重: 118.4lbs, 脂肪比18.4%(腳踏式)三圍: 34, 25, 35.5 , 肚腩: 30.25
上磅前都幾驚…一陣仲係12幾或者冇輕到我會好唔開心>< 好在~都輕左5磅~^0^仲有8.4磅!!.\/.
早餐: 自製蕃茄香草全麥多士2片(終於食晒LU)(約300kcal)
運動: 游水15個來回(1500M)43分鐘，都係慢左，之前係39分鐘
午餐: 小火龍果1個+蒸娃娃菜點冷麵汁一棵+五穀麵一個(320kcal)
下午茶: 安怡雜莓低脂乳酪一杯(120kcal/150g)、西柚一個
晚餐: 冬菇芥菜湯+潮州魚蛋一粒+蒸左口魚(冇淋熟油)+涼粉一碗(走糖走奶)
參加版友: (19人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳、史力奇、茜茜、FanFanKylie
難怪呢款湯有「消脂湯」之稱, 睇完呢篇有關負卡路里既文章就明白晒喇~原來當中既材料都係屬於負卡路里食物~
以下呢段文字應該係節錄自我今朝睇O個本「XX瘦麗EASY JOB」, 我舊年飲左9個月, 憑星期一二晚餐飲幾碗, 打算黎緊星期一又食返~好味架~起碼好味過蒸菜:P
減肥：負卡路里是食物燃燒多餘的脂肪... 例如:蘋果,含有50卡路里,不過需要用75卡路里來消化和吸收它，也就是說你身體會消耗額外的25卡路里,所以當你主要的食物屬於負卡路里食物,你的. 減肥速度會因此加快二至三倍。
食負卡路里的食物....越食越瘦!!!!!!!!!!!!!!!!!!~~
有蔬菜、生果和果仁類食物
蔬菜類：茄子、甜菜根、西兰花、豆芽、椰菜、萝卜、椰菜花、芹菜、糖白菜、绿豆、韭菜、生菜、冬菇和洋葱等。
生果類：
苹果、杏仁、香蕉、樱桃、红莓、西柚、葡萄、番石榴、奇异果、荔枝、芒果、木瓜、士多啤梨和橙等。
果仁類：
巴西果、栗子、椰子、夏威夷果、花生、松果、核桃等。
最近借左幾本減肥書, 睇左2本都有問到點解你要減肥, 亦提到你要有好大既動力, 要好討厭肥胖既自己先會成功。
對於呢點我又唔係好認同, 點解一定要咁極端去到討厭自己先可以減肥呢?
我舊年開始減肥係因為重左幾磅, 咁就順便減18磅啦(後來買左電子磅又要減多5磅…) 我開始既時候都唔係覺得自己好肥先去減, 當時唔係我最肥既時期, 身邊亦冇人話我肥或是叫我減減佢, 只係想FIT D, 唔想只係俾人話「你都唔肥丫」~ 所以依家都有人同我講「你都唔肥, 唔駛減啦~」但我要既係FIT或者瘦又唔係「唔肥」。
太討厭自己我覺得會壓力好大又唔開心, 減肥只係做D你應該做既事(清淡飲食+適量運動), 唔駛成日磅住, 過得一段時間自然會瘦。
不過最近睇KEEPFIT谷有個版友減左大約有一個月, 一星期兩日做GYM, 飲食亦OK清淡, 不過一磅都冇輕到…@@ 我都好疑惑!
參加版友: (18人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳、史力奇、茜茜
之前大家都報過目標體重, 唔知大家既目標尺寸又係幾多呢?
尋日借左2本書, 睇完其中一本, 係一位營養顧問兼健身教練寫既, 佢話磅數, bmi都唔可信, 最可信係肉眼, 你照下塊鏡, 睇下自己係咪真係肥。
我一向都話磅數唔重要, 尺寸先係重點! 所以我舊年減肥定俾自己既目標係著得落24腰牛仔褲~結果都買左2條, 有一條鬆一條緊~唔同牌子唔同cutting都有分別, 我2隻都係giodano, 不過唔同款~(聽yanyan講uni d褲碼好細~24腰都著得落22寸既褲@@吸引XD), 最瘦O個時仲低過24添~不過腩腩都仲有29, PAT都有34.5, 依家當然係唔止啦T_T
唔知大家既目標三圍又係幾多呢? 同時講補返大家既身高(cm) , 之前唔記得問
蠍: 目標--33c, 23, 33( 呢個係最理想架~我覺得33, 23, 33係perfect~! 不過我唸都好難, 尤其是patpat, 所以初步先減到24, 34先啦~上圍就之前最瘦去到32c, 依家發覺呢度都肥埋…32有d mun, 要戴返34o個d…) 不過最大問題係對脾…之前最瘦都有17.x…上身最唔滿意見倒2行肋骨…點算… 不過反而最近覺得小腿好似瘦左, 可能其他地方肥返小腿冇乜肥到所以覺得好似瘦左XD
參加版友: (18人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳、史力奇、茜茜
結婚都唔駛節食既同學最近肥左, 尤其手臂, 佢又學人減肥, 不過佢係搽野~佢話有效喎~係for手臂既~不過成6xx蚊一支, 搽8-10日, 話用一支就見效, 佢已經用緊第三支, 佢自己都話瘦左
之前佢又有個姊妹結婚前搽野瘦面, 又係話好work, 不過一唔搽就肥返…
咁…點搽一世呀…
三圍: 34, 24.85, 35 (肚腩: 30.5)
早餐: 牛奶公司純味無糖乳酪100G(57kcal)+雜錦果麥40g(約154kcal)
小食: 小火龍果一個(好似個橙咁大…)+小橙一個
午餐: 叮翠玉瓜一條(唔駛點野)+壽桃牌麻油味燕麥拉麵一包走麻油(310kcal) 食呢d即係粉麵我會落粉唔落油同醬
下午茶: 啤梨一個、小火龍果一個、蕃茄香草全麥方包一片
運動: 是日休息一天, 可能一下子做咁多運動衝得太勁, 對腳行路都有少少事…睇書都話最好係一星期三至五日, 隔日做好D, 等身體有機會休息下效果仲好, 一開始就每日做個幾鐘又冇好好拉筋, 今日放工返到屋企5點幾, 6點就訓左訓到8點…想同男友去拍拖跑步都唔係好頂得住…
晚餐: 蒸南瓜一碟點冷麵汁, 好好味喎~不過好飽…洗左D娃娃菜可以留返聽日
參加版友: (18人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳、史力奇、茜茜
之前未開始減肥成日覺得好熱, 記得舊年返工放工條路好似冇咁熱, 夏天真係適合減肥, 冇咁熱都好丫~
唔知關唔關事, 開始左3日, 好似覺得D冷氣勁左好多, 夜晚訓覺連風扇都要熄埋(當然係冇開冷氣啦)~問同事覺唔覺冷氣好似勁左, 又冇人覺, 我又練成寒冰掌喇~
腰圍: 25.25, 腩: 31, 臀: 35.5
早餐: 純味無糖乳酪100g(57kcal)+雜錦果麥40g(157kcal)+新鮮藍莓37g
小食: 中橙一個、啤梨一個
午餐: 小橙一個、牛肚粗麵
下午茶: 自製蕃茄香草全麥方包1片
運動: 半急行30分鐘+游水55分鐘(20個來回)+行返去搭車15分鐘
晚餐: 蒸西蘭花一棵+蓮耦4薄片+翠玉瓜一條(點老抽都幾難食, 點左2野放棄左, 就咁食好過)
終於去左游水喇~\^0^/ 不過點解會咁慢架…>_<好苦惱, 唸極都唔明!! 平時游開27分鐘20個來回, 今日用左55分鐘呀~>口<
另外游完水去圖書館借左2本KEEP FIT書~本來想借三本, 點知借O個陣先知原來我之前借落4本書…仲以為得3本……要快D還咁D食譜先~
後記: 唸唸下唔通我以往係游開20個直池而唔係來回? 我又好似冇理由可以游咁長途都keep倒40秒一個直池喎@@ 原來我一向只係游咁少??唸極都唸唔起…究竟我游開幾遠…
參加版友: (16人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳
你減肥最大既敵人係咩呢?
雖然我為食又大食, 又受男友反對, 不過我減肥最大既敵人係………
停經…!
早幾個月停過2次, 都咪話唔驚…第一次食勁飲五青汁之後, 第二次係食西柚餐之後, 唔知係d餐單唔均衡丫, 定係同BMI過低有關?
話說低過18.5就係過輕, 我2次都係18.3倒就停喇…>口< 有冇咁準呀?
我目標係110磅既話…BMI得17.X…咪永世都唔駛旨意?? 我一停經就食返多野, 咁佢先正常返…
雖然參加者有14位咁多, 不過有減肥日誌既只有我, YAN1984, amy, cherub, 魔女同丁屎, 唔知其他人發展如何呢?
早餐: 蕃茄香草全麥多士x2
小食: 蘋果1個
午餐: 即食河粉一包約3xxkcal, 橙一個, 黃皮多粒
下午茶: 橙1個, 放工唸住去游水又咁大雨…怕凍>< 不過真係好想游呀!! 今年仲未下水禮~!行返屋企o個陣手軟腳軟, 返到黎食左塊自製蕃茄香草全麥多士:p +蕃茄1個(咁先有力做運動嘛~~) 不過好好味>< 好想再食…
運動: stepper 40分鐘, 緩步跑40分鐘
晚餐: 蒸冬瓜
10:45 覺豬
參加版友: 蠍、yan1984、Amy、Cherub、魔女、丁屎、suki、rankura、魚子醬、甜睡寶寶、kinki、 阿心、 同事A、嘉露物語
終於開始齊齊減肥大行動喇～～遲左大家幾日要加倍努力至得喇～！
開始時磅左量左之後打算一個月後先再磅再量, 做返我應該做既野就夠！
體重：呢一年黎既新高123.2lbs 脂肪比：20.4%(屋企個磅) 三圍: 34.2, 26, 36 (肚腩31.5)
早餐：自製蕃茄香草麥方包1片約140kcal
小食：大蘋果一個+自製蕃茄香草麥方包半片
午餐：穀麥皮+高鈣低B奶
下午茶：橙一個、自製蕃茄香草麥方包1.5片
運動：Stepper 40mins+Dancing 40mins
晚餐：烚左條白蘿蔔又唔夠喉, 烚多2棵娃娃菜
(下晝睇開飯話近年開左好多間鳳城, 不過得太子同北角係正宗~)
呢個幾月黎第三次食, 約O係旺角唔知去邊度食又帶左餅去切就會黎呢度~
今次嗌左D之前嗌過同一D之前未嗌過既野
嗌過既有炸子雞, 炸粉果, 蝦多士~粉果好味過上次, 其他依舊
未試過既有炒鮮奶, 睇開飯見倒有得拼蝦多士就嗌左個~不過炒鮮奶麻麻, 大家都食唔出係咩黎, 食剩左
家鄉桂魚卷, 呢味好似第一次黎食有嗌過? 唔係好記得, 一條魚得幾件魚卷, 入面好似卷住火腿? OK啦冇咩特別
雜菜粉絲煲, 其實之前都嗌過一次, 主要係想食下D菜, 粉絲都幾好味
福建炒飯, 為左唔想食七而嗌既, 當然係食唔晒, 我打包左返黎
椒鹽鮮魷, 同學隨意嗌既, 又幾好味喎~一黎到就聞倒好香
乳豬拼生腸(跟海浙), 下晝睇開飯先知呢味咁出名, 又試下~乳豬皮脆肉嫩, 唔錯
食埋我帶去既蛋糕, 最後送既綠豆沙已經食唔落~不過今次冇咁識做, 唔記得俾刀, 俾左刀又唔記得俾熱水…之前幾次都有俾~
不過依然覺得呢度服務好好, 阿姐哥仔都好好人, 下晝睇開飯先知原來好多人唔滿意呢度既服務水平, 我覺得好好喎~黎左幾次都覺得好好
今次本來有8個人, 嗌左8個送, 點知有一個甩左底…佢黎埋就O岩O岩好喇~
開飯前望見人地既西米焗布甸好吸引, 黎之前都有唸過訂, 又唔知佢地食唔食唔敢亂嗌, 黎到見倒人地有即管問下, 結果賣晒…佢話一黎到早D落order都仲有…好在冇嗌到, 唔係食剩得仲多, 下次再黎一定要試勻佢d要預訂既菜式! 不過下次都唔知幾時, 一來減肥, 二來黎得太密喇~抖一排先喇~~:p
體重: 122.8lbs
早餐: 蕃茄香草全麥方包3片+低脂蛋沙律(約466kcal)
午餐: 尋晚食剩既意粉同意大利飯少許, 穀物片+高鈣低B奶, 黃皮數粒, 酸味青提好多粒、PIZZA 薄批半件
下午茶: 橙1個、荔枝1粒
運動: stepper40分鐘
晚餐: 鳳城+焗熱情果白朱古力芝士蛋糕
(聽日開始喇~~期待期待~^0^~)
繼上次個熱狗之後又有一段日子冇整過麵包~今次整左方包~加左D黑椒同香草, 再加茄膏, 唔知成果如何? 依家焗緊, 好緊張…好驚佢塞爆個方包模><(點知閂左蓋之後就唔發一.一同之前整紅蘿蔔方包一樣, 都係用左300g粉都係咁矮…但之後用250g粉+2舊50g粉既老麵又爆得滯…)
黎緊幾日早/午餐有著落喇XD
本來想整好多人整O個款雪既熱情果白朱古力芝士蛋糕, 之但係唔夠CREAM…又驚盒CREAM打唔起…結果用返之前焗藍莓同紅桑子芝士蛋糕個譜, 加熱情果汁(以為係茸原來係汁)+白朱古橙酒整左呢個焗既熱情果白朱古力芝士蛋糕, 不過好似同之前O個個焗白朱芝士蛋糕一樣個心唔係好凝固咁…唔知雪下會唔會好D? 好就好在今次呢個好似冇咁高身, 不過又比之前既紅藍莓高喎, 唔知D汁會唔會太水令到佢焗唔硬? 已經焗多左時間, 風扇又唔知開唔開好, 搞到D色好似PIZZA…
放涼之後O係面加左層熱情果JELLY, 不過因為個蛋糕有D離模, 所以只係O係蛋糕面加薄薄一層, 加唔倒厚。
焗左D橙片裝飾, 唸下再加D咩好?(最後只係加多2塊薄荷葉, 放棄左白朱古力電線同藍莓)
(80度先先後後我唸都焗左4-5個鐘…食譜話焗2個鐘…我尋日突然發現原來部新爐有80度!!即刻試下啦~~點知焗極都未乾!!下次再切薄d先~)
後記: 真係好酸XD 好在我食得酸XDDD 不過在場唔係個個食得咁酸XD 有D開頭問佢話唔係, 點知愈食愈酸XDDD
因為今晚同聽晚都有飯局, 4號先正式開始~
今日體重落返去121.2lbs
好放肆咁食蛋糕~香腸~燒賣~~過2日唔食得架喇XD
今晚會去LITTLE ITALY食飯~仲會帶埋個香橙戚風去~^.^
本來想整個豪華d既俾佢地, 不過一來要去little italy食佢既tiramisu, 二來唔想俾切餅費, 所以要整d唔駛雪既野, 棉花蛋糕俾我切開左, 試下呢個想整好耐既香橙戚風~
之前rankura黎我度整過,當時只落橙汁(唔記得有冇落橙肉) 今次就加左橙皮橙肉同橙酒, 果然好橙~! 不過模底o個d橙好似切得太厚…= ="
今次轉左景喇~我地約左出去又一城食飯~之後竄左去城大切蛋糕~:p
食評:
試食團員1, 2: 苦既…d橙皮呀…如果冇左d橙皮就好好食喇~!
試食團員3: 不過有橙皮靚d
試食團員4: d橙皮係咪浸左糖水呀? 因為我見唔苦
我: 1同2話苦喎~
4: 係咩?我o個塊唔苦喎~~
4一切就話: 好軟熟喎~食完話: 你覺得係咪進步左呀? 之前食過你O係大班買O個D都冇咁鬆軟~
(編號次次唔同, 視乎同我反映既先後次序而定XD)
我唸戚風都差唔多成功, 但係日本棉花就整極都差D差D…
久唔久就想整:P 本來唸住整黎聽日俾同事做生日蛋糕(因為出街食又唔想俾切餅費~所以要整D唔駛雪既可以食完飯出去切~)不過焗完個面好濕…甩左模之後翻焗左一陣, 之後批左個面~都似似地樣~
專員話: 「成功左喇?」「未呀…」「幾好味丫~」「都OK…」
硬係唔知點可以令佢冇咁多大氣孔
今晚去uncle度食飯, 整左個蛋糕仔去佢度切~簡簡單單整左個雲石戚風~本來唸住擠cream裝飾, 不過打唔起, 用左朱古力淋面~
話說之前用左淋o係mousse面既朱古力淋面淋o係海綿蛋糕面索晒XD 今次用返朱古力+WHIPPING CREAM整~(2:1) (cream隔水加熱之後再加朱古力慢慢整溶比o係朱古力溶液中加凍cream黎得滑好多~!)
戚風上下切開一半, 中間塗藍莓醬, 不過由於朱古力味太濃, 完全食唔出藍莓味...^^"
用左amy幫我買既薄荷葉同3粒銀珠裝飾, 棵野俾我搞到就死咁款><
個蛋糕肉酸左d…d字又寫到樣衰衰…不過都幾好味~蛋糕好軟~好朱古力~uncle話出面買邊有咁多朱古力~不過我嫌甜左少少, 但都食左幾件:p
一早計劃好29號帶埋唔怕溶既拿破侖同29個蛋糕仔去接佢放工之後一齊過澳門, 結果改成即日來回。又因為近日天氣唔好打定輸數, 點知起身又出太陽喎@@結果食完早餐之後決定如期出發!
搭2點船, 一上船就落雨, 仲愈落愈大, 又大浪, 本來聽歌就唔會暈既我冇歌聽, 改為聽電台節目, 原來係唔work既…估唔到既係, daddy仔比我更早陣亡@@ 我訓著o個陣佢已經嘔返個麥當當早餐出黎…><慘…
差唔多埋岸o個陣又停左雨, 一路到夜晚回程先再落, 都算係咁~不過全程冇太陽都已經熱到濕晒…
今次冇特定目標, 四圍行, 落船冇耐我已經見餓, 去左買葡撻食~仲試左佢個薯仔布甸(完全食唔出有薯味, 亦食唔出係布甸…)不過個葡撻好好味~daddy仔食左半個, 我食左個半…^^"
跟住行左去議事亭前地附近, 本來想去義順食豬扒包, 之後香港未有o個陣食過一次好好味, 不過今次去左一間茶餐廳買, 不過係軟豬黎~塊扒都幾好味~過左隔離7仔買左支冰糖豆漿飲~
之後o係附近行, 見倒好多賣手信既鋪頭, 有好多間鳳城, 途中仲見倒一間賣台灣小食既鋪頭, 有胡椒餅同麵線~個餅係酥皮, 印象中唔同台北食o個d, 個餡勁胡椒~都幾好味~豬腸麵線雖然好熱, 不過又幾好味喎~仲拍左daddy仔既試食片~^0^ 睇見就知有幾好味(影片後補)
順手買左條裙, 之後就去左買發財手信, 個阿婆好好野, 由一磅搞搞下變2磅, 跟住又(待續)
12點吹完蠟燭之後, 第二朝較左鬧鐘9點起身買麥當當早餐俾爹地仔食~^.^
又驚太早買左返黎攤到凍晒, 又冇理由嗌醒佢~佢平時都十點幾起身~我就將近十點倒出發, 慢慢行落去, 買完搭小巴返黎~不斷留意佢有冇打俾我呢? 幾驚俾佢發現我偷走XD
起身沖左個涼換好衫就竄出去~原來佢聽倒我起身沖涼同餵肥豬~不過就唔知我出左去~呵呵呵~
返到黎佢都仲做緊豬~唸過換返衫扮晒野~不過冇換到佢都以為我只係換定衫~
醒左我話有好野益佢~唔起身就冇架喇~A.A叫左佢出廳睇~
「你幾時竄左出去架?」
呵呵呵~任務完成~^^V
之前成日話想食, 但你起得身黎都冇得賣~叫我買俾你~
呵呵~呢D野成日做就唔驚喜~開唔開心先~^.^v
(佢話要個個星期食...XD)
我仲未開始, 呢3日都有飯局又要整蛋糕, 4號先正式開始
不過經過連日來既攻勢, 我重左…>< 去到123喇…= =
唔知大家又開始左未呢?
體重: 123lbs
腰圍: 25.5
肚腩: 30.5
pat: 35.5
