去玩~去癲~

黎ocean park~~^0^

等左4年~仔仔終於有得返鄉下喇~\^0^/

今日一家大細帶埋B仔、粉粉果果同笨豬一返返仔仔鄉下~~第一次同DADDY仔黎咋~不過我都有接近4年冇黎過~今次係一次完全冇玩機動遊戲之旅XD 一來我驚~二來又熱又曬排到傻…睇見D摩天輪先辛苦…好似燒雞翼咁…轉一個圈之後熟晒XD

早排新年親戚黎香港玩, 我地發現左有九鐵套票優惠~198包全日九鐵任搭同紅磡到海洋公園既接駁巴士2程~唔知教協/工聯買淨飛幾錢, 不過就咁睇都好抵又方便~~

我地往返都係尾班車~假日回程尾班車去到8點~

一點倒入到去~

(排緊隊入場睇熊貓)

第一站--熊貓館~唔記得安安佳佳幾時黎, 不過上次黎玩夜場冇得睇, 所以今次都係第一次見佢地咋~男友就見過一次~不過離到好遠又背住佢T_T XDDDD 今次唔同喇~雖然安安佳佳同盈盈(估計O個隻係盈盈…未見過正面冇得同樂樂比較XD)都係交豬緊~不過安安佳佳都叫見倒樣~當佢鋪士擺得好定咁俾你影相XD 不過樂樂就超級乖仔!!!O係我地最接近個籠O個時行落黎飲水食野爬樹仲連最私癮既野都表演埋俾你睇XD 簡直係全套做齊XDDD 男友睇倒瓜瓜叫好興奮XD 在場有個女仔都話「我好滿足喇~」真係夫復何求XD(相片影片後補)

(估下佢係邊個?XD)
(懷疑佳佳訓左~其實佢唔係唔郁, 佢同安安都係擺甫士擺定定等你可以慢慢影JE~)
(最後到安安)

(假呢隻瘦D~)

(睇完就去買野食~)

(雙手拎住杯野差D入唔倒XD)

(之後搭纜車落山)

(好好天~)

 

第二站--水母館~排得最耐既一個館! 又熱又曬XP 不過真係好靚~今日成日都丫大個口~一係熱到合唔埋, 一係靚到合唔埋XD 不過呢個冇熊貓館咁大驚喜~因為冇咩互動又睇唔倒佢地特別表演:P(相片後補)

第三站--海洋館~呢度D魚魚都好乖~好多都好似樂樂咁走埋黎表演XD 貼到我地好近~不過睇見佢地就唸起平時食D魚~:D~~~流晒口水…結果夜晚真係去左食魚魚XDDDD好衰XDDDD(相片後補)

第四站--排左幾個館都幾支力…去麥記買左野飲野食, 4點2走左去海洋劇場~唸住睇4點半場~點知坐低先知原來5點先開場@0@ 不過坐低左唔想行住…一陣返黎又驚FULL晒睇唔倒~所以都係等下~好在等開場有D表演睇下~有幾個女仔出黎跳舞, 又有幾個外國人唱下歌~不過最正都係變臉!!(影片後補) 不過DADDY仔去左買雪糕我食~睇唔倒~我影左少少片佢睇~^^

終於等倒正場~3隻海豚同2隻海獅表演~好乖好得意~覺得D訓練員O係度做應該幾開心~睇見佢地同D小動物都好有交流~小動物又聽話~好好感情咁~^^ 所以我都好開心~呢個係第二個最愛既場館~

第五站--鯊魚館, 掛住噴水行過左都唔知XD兜左一個大圈先搵倒~之前夜場黎好清靜~成個館得我同班FD, 今次黎好多人呀~人迫人D細路又嘈個館又細…

第六站--黎到一座類似觀光塔咁既野, 發生左一段小插曲。

第七站--O係塔上見倒海獅館, 呢度真係靜過鬼, 得D勁唔活躍既海獅同一D傾閒偈歎冷氣既遊人。唔知呢D住既係咪退役既表演海獅呢?

冇玩到夏水禮~不過睇見都幾得意~十幾歲後生仔女應該幾o岩玩~見倒佢地玩得都幾開心~又多泡泡~好似以前既水上樂園~~以前好鍾意去水上樂園架~仲去得多過海洋公園, 依家冇左真係好可惜…得個角仔點都玩得唔夠過癮…不過冇經歷過水上樂園既就可能覺得幾好玩…亦因為d泡泡, 我始終都係未去過集古村…

差d漏左纜車~呢個都係其中一個好開心既環節, 真係好舒服~好天又好風~^^ 仲同粉粉果果仔仔笨豬影左相~^^

最後黎到我地此行既主要目的~帶大B仔返屋企~^0^ 其實一黎到已經搵倒佢~不過緊係玩完至帶佢走啦~沿途行左好多間商店(其實睇D野都大同小異~)臨尾發現倒小熊貓BB, DADDY睇中先~話要帶佢返去陪仔仔~^0^ 點知去到最後O個間鋪頭見唔倒, 好彩俾我搵倒一隻!!*0* 喇喇臨帶佢走~呵呵呵~ 本來想順便帶埋大BB走, 不過都係掛住入門口第一次抱起O個隻, 於是上返電梯搭返纜車返去另一邊門帶佢走~^^"

今次我地6個黎~8個走~^0^ 企鵝仔既勢力又增強左喇~XD