最近借左幾本減肥書, 睇左2本都有問到點解你要減肥, 亦提到你要有好大既動力, 要好討厭肥胖既自己先會成功。
對於呢點我又唔係好認同, 點解一定要咁極端去到討厭自己先可以減肥呢?
我舊年開始減肥係因為重左幾磅, 咁就順便減18磅啦(後來買左電子磅又要減多5磅…) 我開始既時候都唔係覺得自己好肥先去減, 當時唔係我最肥既時期, 身邊亦冇人話我肥或是叫我減減佢, 只係想FIT D, 唔想只係俾人話「你都唔肥丫」~ 所以依家都有人同我講「你都唔肥, 唔駛減啦~」但我要既係FIT或者瘦又唔係「唔肥」。
太討厭自己我覺得會壓力好大又唔開心, 減肥只係做D你應該做既事(清淡飲食+適量運動), 唔駛成日磅住, 過得一段時間自然會瘦。
不過最近睇KEEPFIT谷有個版友減左大約有一個月, 一星期兩日做GYM, 飲食亦OK清淡, 不過一磅都冇輕到…@@ 我都好疑惑!
參加版友: (18人)
蠍、yan1984、Amy、Cherub、魔女、
丁屎、suki、rankura、魚子醬、甜睡寶寶、
kinki、 阿心、同事A、嘉露物語、blingbling
martinmak銳、史力奇、茜茜
呵呵~~包括我在內啦~~我都想瘦...唔想人地淨係講我[唔肥]囉~~
ReplyDelete我冇點睇個啲書啊. 係啊~~我個午餐係好唔掂啊.但冇計啊. 晚餐有修正,係一個熱狗[在ok買的] 跟住去了游水~~~唔係好hea啊~~~我係入水能游個種啊. 我讀得晝少,你唔好睇少我 跟住去了食了個糖水[西瓜涼粉啫哩]我都知游完水係唔食得.但班fd叫到又係冇計. 所以我在走之前,去玩了十五分中的籃球機.都算係咁啦. 今天的減肥係失敗的 ~~~明天再努力
ReplyDelete查查, 咁你有冇減呀?
ReplyDelete銳, 我減肥會睇好多呢D書, 有靚身材MODEL明星相既雜誌同SHOPPING睇多D衫, 有激勵士氣既作用XD 你都未答我游左幾多個池, 都唔算失敗啦, 日日計住自己今日係咪失敗唔係咁好
ReplyDelete一磅都無輕過@@ 咁可能佢淨係收到個shape囉~
ReplyDelete減肥又吾系真系要減重, 其實系去脂 / 去水 / 加瘦肉 朋友話我好瘦, 但系由做 gym 開始重左 6磅, 因為肥油燒左, 瘦肉加左, 成個人好似結實左, 外觀線條靚左, 以是一個 減肥 的好效果啦
ReplyDeleteblingbling, 所以我問佢有冇瘦度, 好似都冇乜 豬太, 所以我都同cherub講, 佢修下下身冇問題, 不過唔好再減重喇~佢已經好瘦, 肌肉多左係會重左~而且肌肉多d代謝都會快d
ReplyDelete唔..其實我覺得減肥和增肥同體重無關既...要睇外表既效果為準! 就如減肥時可能肌肉結實左,體重都未必減架,但外型真係會瘦架!
ReplyDelete唉唉唉- -減肥真係好難.. 我成日得個講字.. 講左N年了.. 家下得番1個月番HK啦.. 唔得啦..真係要減啦= = 減得幾多得幾多=.=
ReplyDeleteｒｉｏ ｓａｎ，係呀～肥唔肥係睇尺寸，重唔重先係睇體重，不過尺寸未必度得咁準，體重就顯而易見！
ReplyDeleteｔａｂｂｙ，ｅ？你８月返黎呀？咁ｏ岩晒喇～快ｄ加入我地既齊齊減肥大行動，我地８月會出黎版聚呀～＾０＾
ReplyDelete蠍, 係啦...要攪到討厭自己就真係唔好喇, 咁樣好易有抑鬱症架...
ReplyDelete每個人體質唔同，肥既原因又唔同。我之前 keep 住做 gym，後期都冇瘦到，而且夜晚好多時做完 gym 先食，所以仲肥左。有 d 人做 gym 會重左，因為減左 fat，加左肌肉，要睇返果個人既脂肪同肌肉比例喇 !
ReplyDelete嘉露, 同意~肥都可以開開心心, 減肥只係想靚D健康D, 唔代表依家好差呀~肥定瘦都應該要有自信 雪雪, 做完GYM食野肥就唔難理解, 但如果唔係呢個原因, 均衡飲食+適量運動我真係理解唔倒點解會一D都冇瘦到…
ReplyDelete