玩左yahoo blog５個月，同大家傾左一排，又經過幾日網絡擠塞既掛念，大家可有興趣來一次不分類版聚活動聯誼聯誼？
上次第一次減肥版聚大成功後～今次想搞一次不分類聚會～大家有冇興趣？
活動可以係bbq、打邊爐、長洲食海鮮、cafe(mecca)(Ying)、buffet(tea/lunch/dinner?)~大家有建議可隨便提議^^（請投票）
日期：１月？２月？（請投票）
時間：平日夜晚(mecca)／假日下午（請投票）
報名：
1. 蠍
2.mecca(13/1除外)
3.Libby
4.Ying
5.yanyan
6. happy ca~ca 보고싶어
7.
.
.
.
.
.
報名後請以私人回覆留下聯絡email, icq, msn或電話號碼 ^^
各位有興趣出席活動的版友可先到其他版友的blog互相交流一下~了解一番~增進友誼^0^
繼上次人少少但感覺好好既第一次減肥戰友聚會大成功後~咁o岩3home newsgroup方面既版友又話想搞一次版聚, yan1984提議聯版搞一次~大家意下如何?
不過版友coey27/1要返外國, 希望可以21/1之前搞一次~有冇人ok?或者唔ok?
日期時間：12/1 - 7:00pm
地點：旺角ｃａｆｅ(水瓶座?)
報名：
1. 蠍 ok
2. COEY(21/1前) ok
3. 肥兔(吃乜都得) ok
4. Yan1984(平日夜晚cafe)ok
5. Michelle=a (cafe, 平日晚旺角19:00之後 or 星期六下午 after 1300)
6. Ying (星期五、六或日晚，Cafe)ok
7. ｃｄ(19/1前星期四唔ok, 19/1後只有星期二六日ok)ok
8. yanyanok
9. happy ca~ca 보고싶어
10.GUNONE
.
.
.
幾日login唔倒yahoo blog, 上唔倒自己newsgroup, MSN ICQ, 好似啞左咁…斷六親…平時有咩想講都會第一時間上谷或者blog講, 呢2日有口難言...
依然經常上yahoo blog, 其實一直都開倒睇倒, 仲見倒有人可以繼續update同re post, 只係我自己login唔倒...每次都期望有奇蹟咁試下log唔log倒…好掛係大家!!好想re返大家既留言, 好想同大家分享我冇得上網既感受, 見倒有野想re都出唔倒聲…唔多舒暢…="=(結果都今朝終於log得返!!勁開心!不過估唔到返到學校又係乜都做唔倒=0=)
重過冇得上網既生活, 結果係多左一個蛋糕, 睇左一本漫畫。
第一日放工時已經o係度唸夜晚做乜好呢?睇碟?睇漫畫?織野? 結果當晚食完飯整左網頁既首頁, 不過未整好亦冇得upload。尋晚就用分蛋法整左個海綿蛋糕。想整蛋糕, 但又唔想整芝士蛋糕或者裝飾蛋糕, 先發覺原來我係想整清蛋糕。
呢2日都係一個人o係屋企, 唔能夠真正體驗冇得上網既樂趣。其實我認為, 咁樣冇得上網反而可以促進感情, 無論係同家人或者情人之間, 少左一個人對住部電腦, 另一個訓o係側邊冇野做或者自己搵野做; 多左時間同人真正相處。
第一次親身體驗地震帶來的影響，但比起台灣當地的災民，我們少一點娛樂又算什麼？沒有網絡世界的日子，是時候重建現實世界的人際關係了。
我最喜歡第一張，他最喜歡第二張～
這是我們的第四個聖誕了，第一年買了焗爐回家做曲奇，可出來的卻是雞蛋餅ＸＤＤＤ佢向來不重視聖誕，不明白與他何干，更討厭慶祝；而我卻是那麼重視這個節目，認為是比情人節更情人節的一個日子。那天他原本打算回家，結果我們焗曲奇曲得興起，他留下來了。
第二個聖誕，我們原本打算到澳門一天遊，可是真的如媽媽所料買不到船票，結果由尖沙咀走到太子，走累了便回家午睡，拍了很多照片！
去年聖誕我們也是簡簡單單的到大埔中心逛街購物，在吉之島買了牛扒意粉回來煮，感覺出奇地溫馨甜蜜！
今年的平安夜我接他下班後一起到沙田吃飯，回家後拍下以上照片；今天則吃過壽司後回家看影碟。在聖誕樹的微弱燈光下依偎著，格外溫馨醉人～～
繼上次睇中既好鬼貴northface 黑色短身羽絨後，尋晚又睇中左對黑色中筒暗花boot，接近千五蚊…又係睇到我心思思…
試完身後放棄左件羽絨，買唔買對boot好呢…?真係幾貴，又偏型，唔係咩衫都襯倒…不過主要都係貴啦…唔捨得 :p
尋日再遇之前見過既north face黑色短物薄羽絨，之前見佢咁貴都冇試到，今次終於試著上身，又唔係幾好睇…男友話著上身已經好ｄ，掛ｏ係度好肉酸…我本身想買一件薄ｄ既黑色短身羽絨，呢年ｏ岩晒，不過又貴又唔好睇，之前見倒要$1850，尋日見倒已經平左差唔多一舊，結果打消念頭～
試左件細碼，ＳＡＬＥＳ姐姐想羅埋年加細俾我試，不過個款唔Ｏ岩，冇試到～
依家試衫居然係細碼唔Ｏ岩要俾年加細碼我試～^~^
^0^
節目回顧：
主要都係大家合力煮野食, 食完野玩左一陣好有CAFE氣氛我堅持要玩既層層疊之後, 上半場派對就結束左, 希望大家唔會悶親 ^^"
我好少去CAFE, 又唔知屋企有咩可以玩, 覺得層層疊好有CAFE氣氛呢~其實我好驚玩呢D野架XD壓力好大XDDDD
有時間既話仲可以玩下UNO同大富翁, 我屋企又有張買大細同魚蝦蟹既紙XD 下次如果新年大家有興趣都可以再入黎玩~如果唔想花太多時間整野食, 想多D一齊玩既話可以嗌外賣 ^0^
至於下半場, 最後剩低河童、鼠鼠、K星同我地2位版主, 同河童影左陣相之後就打牌~2樣都好好玩~第一次影女A0A好玩~有冇人有興趣俾我影~A0A
好耐冇打過牌, 我唸至少都有2年~雖然一如以往都係輸XD輸左40蚊XD食左一鋪, 打出左一鋪, 其餘都係輸自摸~輸少當贏XDDD
可憐河童又俾我家既唔知係麻將定麻將檯搞到鼻敏感(?), 下次再打我會洗過晒D麻將同檯先架喇~XD不過下次都唔知係幾時喇XDDDD
美食回顧：
先講我整O個D
牛尾（原來冇影到相）: 臨時加左呢味萬眾期待既紅酒會牛尾, 結果O係冇壓力煲既輔助下真係唔林...其實唔係炆左好耐, 攪過一次, 之後去左串串燒同聽左好多個電話, 跟住已經發覺有火農味= =好
在唔算太犀利...不過就唔林...睇黎未買返個壓力煲之前都係唔好整住喇...一係就好得閒攪住佢
其實好易整, 大家都可以O係屋企整
切碎洋蔥甘荀各一個用牛油爆香待用, 牛尾上粉煎香, 加紅酒煮一陣, 加埋D甘荀洋蔥同煮, (水乾可加水), 大火煮15分鐘之後轉中細火炆林即成!
鳴謝男版主幫忙我今日所有菜色既刀切功夫！^3^
NY CHEESE CAKE:預早起身整, 今次都算成功, 第一次用新買既8吋易潔模, 係幾好用喎~~份量係6吋模既2倍!今次冇火農喇!XD不過唔夠SOUR CREAM~同埋俾人嫌薄= =我真係特登買個大D既模整咁薄架~~大家都
係食飽先食, 如果厚D會好飽呢~今次個幾鐘就整好~熟手左XD同埋冇整餅底~~一來屋企冇餅, 二來唔鍾意食, 三來見倒有D譜都冇餅底, 於是試下, 同埋跟一個BLOG友既做法焗
過下面頭D SOUR CREAM, 我覺得都幾好味:P 唔知大家滿唔滿意呢~
串燒:最冇難度, 整過4次。豬頸肉雞扒菠蘿切粒或者條醃好就可以串埋焗（200度焗20-25分鐘), 鳴謝勞苦功高既河童幫手串豬頸肉, 豬頸肉難串過雞好多架~好難吉!佢仲俾D刺吉
倒手指>3<
雞翼: 今次係第一次將隻雞翼一開二, 鳴謝男版主切到手跛XD又幫手炸, 我只係負責醃同埋炸左頭十隻, 有冇人估倒係用咩醃呢XD駛唔駛開估?XDDD
麵包布甸: 今次係我第二次整, 浸左好耐, 結果焗完完全睇唔倒麵包XD 不過味道都唔錯, 但個面就平滑晒XDDDDD
去皮白方包約6-7片、一開九切方塊鋪在焗兜上, (可加提子乾, 本來今次想加, 不過有版友唔食所以冇加到)屋仔奶2盒+蛋3-4隻+雲呢拿香油少許+糖約6-7湯匙攪勻，注入焗兜。180焗40分鐘，出爐後加煉奶即可！
暖笠笠熱朱古力: 交左俾河童主理, 材料係1/2杯可可粉(已經好濃, 差D變左超級特濃XDDDD)
煉奶一罐(好邪惡!!)、1/8茶匙鹽、1茶匙雲呢拿香油、6杯水(我都識背喇XD)中火煮熱慢攪, 唔好煮滾!!
吞拿魚薯茸餅：鳴謝檸水走檸，不愧為得獎作品！好味～不過步驟都幾複雜，要好有心機整呢～薯仔煮爛壓成茸＋吞拿魚、鹽糖胡椒粉調味，搓成球狀，撲上麵包糠炸至金黃色即成。（有錯請更正）
泰式粉絲沙律：鳴謝藏藏！我曾經整過一次，不過已經唔記得點整喇…^^" 睇你尋日整好似幾多功夫~又係D切粒切到傻既菜色! 印象中我整出黎比較乾身, 你呢個似炒粉絲, 我都幾鍾意食~可以
代替意粉~^^但係你話係跟我個網既食譜整, 點解我搵唔返既...^^"你係O係邊一PART搵?我O係粥粉麵飯O個PART搵唔倒...
煙肉多士：鳴謝藏藏＆男朋友！煙肉洋蔥切粒鋪在法包上，加芝士粉同焗至香脆！我三年前除夕party都有整過~我當時用片裝芝士，出爐芝士熔晒即食冇得頂！！>0<尋晚一出爐我又係第一時間食！！鬆脆可口！
yummy~~^~^
豉油雞：鳴謝藏藏！其實係藏爸整定係買呢？下次食之前焗一焗可能更受歡迎呢～～^^
煙三文魚、三文魚刺身：鳴謝河童＆鼠鼠！鳴謝檸水及河童主理ＸＤ煙三文魚好好味呀～>0<我食buffet最愛之一！
紅酒：鳴謝K星~你自己有冇飲到呀？個塞唔見左．．．我可以搵咩代替呢～？我依家搵左Ｄ廁紙塞住咋ＸＤＤＤＤ
尋晚食完飯照鏡，見倒自己塊面紅卜卜！好耐冇見過喇！！
我以前係做完運動一定會紅到似關公Ｏ個Ｄ人，所以跑完步一定要即刻返屋企。但自從減肥以黎，連好熱冇冷氣咁打完羽毛球，塊面都可以紅都唔紅下！呢排食左好多野，又飲左好多紅棗杞子水，食羊腩煲同飲多Ｄ湯水之後，尋晚居然紅卜卜！
以為係食完飯既關係啦，點知返到屋企都係咁，其實會唔會係熱氣呢ＸＤ
昨天在學校找不著吃的，很苦惱…結果把同事一整包椰圈幹掉…最近好像吃極不飽…
結果放工買了很多零食回來，其實看了很久也挑不中，在吉之島買了一pack曲奇給同事，報答他救命之恩XD 而自己則買了一包馬仔，是從前在百佳買的大大粒的那一種，不是細細粒實的的的隡棋馬！最後來到廣福道一間零店，因為想吃點鹹食，買了很多米餅、還有我至愛的旺仔小饅頭，都是獨立包裝，正合我這些一吃少不免幹掉半包至一包的大食積！ＸＤ這種只是四十多元呢！^0^
今日會去男友屋企做冬，一如去年，今天將提早放工，三點走人！開完PARTY之後冇耐就走得~\^0^/
可憐既同事今日請左半天假…2點走．．．舊年好似都有人放左假，蝕左…不過請一日好似冇咁覺得蝕，請半日嘛．．．＝０＝
19號功輔班聯歡之後20號到學生聯歡，下晝係教師聯歡，而今日終於到左每個同事要預備一樣野食既ＴＡ同事聯歡喇～^0^
尋晚9點開始整野食，估唔到個簡簡單單既芝士蛋糕整左咁耐，淨係鋪餅底都搞左好耐…第一次用左三塊oreo整鋪唔晒要整多2塊，跟住就打軟cream cheese，應該加糖先，我睇漏左==加左sour cream先，打勻，跟住先加返糖、再加隻蛋，打好晒就可以入模！不過用打蛋器打好麻煩，d cream cheese未加其他材料時杰撻撻捲晒修個打蛋器度要liu返出黎…好後加晒野稀返先ok~
倒模前搽左d橄欖油，不過同之前ｏ個次整一樣個邊都係痴痴地，今次仲心急甩模冇用風筒吹，個邊巖巖慚慚…焗ｏ個陣又掛住切肉…唔記得睇火…焗到25分鐘都ok，仲好淺色，跟住拎走個水盤焗多10分鐘，仲有３分鐘完成之前去睇，發現弊喇！火農晒=口=!!!即刻熜火啦…原來我唔記得睇住佢有少少轉黃就加錫紙o係面......=="
出爐後打返sour cream就雪，只係焗前試過d味，唔知個味得唔得呢…==" 聽日再整個八吋，今次會小心架喇…其實今次已經係第二次整，不過第一次已經係幾年前，同一個譜用五吋模所以好高，不過仲成功過今次．．．．．．
之後就整串燒，雞扒切粒、豬頸肉切條之後用沙茶醬+糖+蒜茸+生抽醃好(本來唸住醃過夜第朝先焗不過都係焗埋好d唔駛咁趕）串好一串串，總共大約有廿幾三十串，跟住分２爐焗廿幾分鐘，先焗雞串，出爐後加蜜糖，豬頸肉冇加！試味ok喎，雖然唔係醃左好耐，真係食o個陣會加返個沙茶醬+水+糖開既汁，應該夠味～呢味都係好耐之前整過２次，簡簡單單唔駛跟食譜自己唸，bf話好似出面食ｏ個ｄ，希望今次都成功啦～^^
兩樣野加加埋埋整左4個鐘=0=，係個蛋糕唔知做乜整咁耐…
去年學生也有要求舉辦聖誕聯歡，可是翌日還要交功課，因為必須先為他們解決功課上的疑難，我也很想一起開開心心聯歡，可是不行…
去年的學生畢業了，今年這一班再一次提出要求，這一次翌日是學校聯歡日，可以暫把功課放在一旁，因此我答應了。^^本來打算跟四五年級一同舉行的，沒想到他們異常抗拒：「下！唔好啦！佢地好曳架！！好大食架！！！」
五十步笑百步．．．
學生提議每人帶一種食物回來一同分享，結果大部分都是薯片蝦條汽水，只有一位同學預備菠蘿腸仔！我則買了日式芝士蛋糕、特濃朱古力蛋糕和爆谷～還預備了一些小禮物給他們～＾＾
跟他們玩了兩個遊戲，先來
不過期間也有一點不愉快的事件發生，有同學只吃腸仔並把大量菠蘿倒進垃圾埇，我跟他說這是人家的心意你怎可以這樣，已經不是浪不浪費的問題了！上次送他朱古力也是這樣！他垂頭不語。然後同學們在黑板寫上聖誕祝福，卻遭其他同學擦掉，糟蹋了人家的心血！這是我最討厭的事！！
有個品行一向很好，樂於助人心地善良的女同學隆而重之地跟我說多謝我的教導，我不懂給她反應，只說她乖，我其實是很窩心的！
整體而言，我是不後悔舉行了這次聯歡會的！是一個美好的回憶吧！＾＾
入場前所見影評一般，沒太大期望下入場，以看吳景滔為主！
完場後，我的觀後感是意外地好！小朋友果然沒有教我失望！沒有一刻不自然，小朋友心底裡都知道偷竊是不好的行為，然而父親一而再再而三的強迫他，最後被捕被毆打時，父親卻一走了之！同時間另一邊箱閃出拋夫棄子的母親柔情蜜意地餵捕新生女嬰，那強烈的對比有點刻意，我卻還是落下了淚。
父親到獄中探望，而被兒子狠狠咬了一口，兒子哭喊著：「點解你要迫我去偷野，我唔敢偷點解你都要迫我！」雖然畫面一閃而逝，但他的聲線實在太有感染力！這是我哭得最厲害的場面！
男女主角的表現我倒是沒怎麼留意，只覺兩場床戲有點多餘。我看的是普通版，聽說看了完全版便會明白它們的作用。第一場楊的還可以，到林的那場就真的覺得太長了，有必要花這麼多篇幅嗎？
入場是被小朋友俊秀的外表吸引，發覺他原來跟我從來實習學校的一個我很喜歡的小男生有點相似，現在小男生已經中二了，已經沒有小時候漂亮…吳的演投教人讚歎！媽媽說沒有教他演戲，不明白他為何會演得這樣好；爸爸說他很害羞，沒想到他演得這樣好！
相比之前看的《SAW III》及《妄想》，我認為這一齣最好！
依家先有時間出返報告
當日原本有7人出席，可惜結果有3人分別因生病及工作需要臨時缺席（大家都唔想，唔駛sorry啦~不過唔黎係你地既損失呢~
)，因此地點由水瓶座改為neway city(發覺呢間真係好貴，green box無論tea定dinner都平好多!!)
不過改黎呢度有個好處，就係當日bibi帶左個可以測脂肪、水份同肌肉重量既磅黎，如果唔係唱ｋ有間房都幾難逐個上磅呢～(不過今次磅磅下有個哥仔撞左入黎
)
o個日o係屋企磅其實已經重左, 去到116.2lbg, 著左牛仔褲+羊毛底衫既情況下磅bibi呢個磅結果係118.xlbs, 20.x%fat同88.8磅肌肉, 屬第8型--窈窕肌肉型!真係估唔倒原來我有咁多肌肉!!我唸同練pilates不無關係!我都有少少老鼠仔架!XD
估唔到最多人話我瘦既地方係手臂，分別有一個老師同事、一個ＴＡ同事、一個ＦＤ同埋呢日既rankura都係咁講!佢仲估我得8吋!其實有9吋, 而我從前係有11吋林gigi肥臂架!!!
呢日嗌左個焗豬扒飯同芝腿治share，我冇食到芝腿治，呢２樣野既配搭係我最唔鍾意既三文治組合呢！除非係新鮮出爐飛碟另計～熔左既芝士冇得頂呀！！＞０＜
不過個焗豬扒飯都幾好食，我就主力食呢味～飲左杯熱奶茶走甜同一支水！
由頭傾到落尾冇冷場（當然中間各俯都有唱歌啦～），２點開始至到６點bibi要返工我地先散band，之後同bibi同rankura去左信和買整蛋糕既材料，然後再同rankura行左陣街，傾左ｄ戀愛問題～
呢次女人聚會既話題都離不開減肥、男女問題、工作咁，期待下次聚會呢～可以到我家或bibi家玩，大家一月有冇問題？希望今次可以多ｄ人啦～
117lbs, 53.1kg, 18-18.1% fat
比2星期前重左5磅!!
幾餐聖誕大餐都未黎已經搞成咁...
雖然我都食左好多雪糕、蛋糕、乜酥物酥、燒餅、炸野、煲仔飯諸如此類既野，不過我又覺得冇上次生日食得咁勁喎！點會重得咁快誇架
尋晚同今朝食左雜菜湯，仲帶左一壺返黎做lunch，不過都幾想食野！其實唔想再節食得咁辛苦，冬天真係想食多ｄ野，加上十二月真係美食月
尋日學校教師聯歡明明飽左都食多3件蛋糕==芬姐話: 你咁瘦!食多d啦! 不過食完有減好似亂塞野入口既感覺..= =唔係享受o個種感覺...
睇住磅數係咁升都唔想戒口，不過就加多ｄ運動，尋日急行左個半鐘，不過夜晚冇做pilates，十點訓左，好眼訓…
唔知重左同我呢個月黎得o個dd有冇關呢？睇多個月先，呢排日日飲紅棗水，調理返好先～
今朝冇磅喇, 唔想花太多時間O係廁所, 又唔想太緊張, 打算以後逢星期三同20號先上磅
食野方面打算鍾意食乜就食乜唔好計住計住, 食多D郁多D
今日食左蛋糕同蛋撻呀~冇所謂啦~~加加埋埋急步或者慢跑左大約165分鐘+上左1HR PILATES
主要食糧係PROTEIN DIET同麵包, 晚餐有D瓜菜
