19號功輔班聯歡之後20號到學生聯歡，下晝係教師聯歡，而今日終於到左每個同事要預備一樣野食既ＴＡ同事聯歡喇～^0^
尋晚9點開始整野食，估唔到個簡簡單單既芝士蛋糕整左咁耐，淨係鋪餅底都搞左好耐…第一次用左三塊oreo整鋪唔晒要整多2塊，跟住就打軟cream cheese，應該加糖先，我睇漏左==加左sour cream先，打勻，跟住先加返糖、再加隻蛋，打好晒就可以入模！不過用打蛋器打好麻煩，d cream cheese未加其他材料時杰撻撻捲晒修個打蛋器度要liu返出黎…好後加晒野稀返先ok~
倒模前搽左d橄欖油，不過同之前ｏ個次整一樣個邊都係痴痴地，今次仲心急甩模冇用風筒吹，個邊巖巖慚慚…焗ｏ個陣又掛住切肉…唔記得睇火…焗到25分鐘都ok，仲好淺色，跟住拎走個水盤焗多10分鐘，仲有３分鐘完成之前去睇，發現弊喇！火農晒=口=!!!即刻熜火啦…原來我唔記得睇住佢有少少轉黃就加錫紙o係面......=="
出爐後打返sour cream就雪，只係焗前試過d味，唔知個味得唔得呢…==" 聽日再整個八吋，今次會小心架喇…其實今次已經係第二次整，不過第一次已經係幾年前，同一個譜用五吋模所以好高，不過仲成功過今次．．．．．．
之後就整串燒，雞扒切粒、豬頸肉切條之後用沙茶醬+糖+蒜茸+生抽醃好(本來唸住醃過夜第朝先焗不過都係焗埋好d唔駛咁趕）串好一串串，總共大約有廿幾三十串，跟住分２爐焗廿幾分鐘，先焗雞串，出爐後加蜜糖，豬頸肉冇加！試味ok喎，雖然唔係醃左好耐，真係食o個陣會加返個沙茶醬+水+糖開既汁，應該夠味～呢味都係好耐之前整過２次，簡簡單單唔駛跟食譜自己唸，bf話好似出面食ｏ個ｄ，希望今次都成功啦～^^
兩樣野加加埋埋整左4個鐘=0=，係個蛋糕唔知做乜整咁耐…
嘩好有心機整呀～要整成４個鐘 個蛋糕好靚呢？好唔好食呀？ＸＤ我最鐘意ｏｒｅｏ餅底
ReplyDelete癲后, 其實本應好簡單,唔知點解我都整咁耐…我覺得今次麻麻,上次好食D!同事話有D苦，懷疑係餅底問題，我第一次用OREO，之前一直都係用消化餅～不過我唸唸下可能係因為個面火農左所以苦＝＝本來聽日都係整呢個家嘛…依家有Ｄ想轉第二隻，不過材料就會ＳＩＤＥ左，都係整返呢隻啦～不過今次要小心睇火喇～！
ReplyDelete蠍: 下次你焗用牛油紙鋪邊同底, 出黎唔駛用風筒就可以甩模, 同埋new york cheese cake一定要用消化餅底做, cream cheese要喺室溫放起碼一個鐘, 初時會黐住個打蛋器, 你由得佢, 唔駛"liu", 不過要出力啲打係正常, 打到五分鐘到可以轉中速去打, 最好打軟晒啲cream cheese同糖先至加埋其他野, 同埋出面話要焗一個鐘, 其實我都只係焗50分鐘, 趁熱再放sour cream焗10分鐘 (sour cream一定要焗先至係new york cheese cake), 同埋起碼雪五個鐘先至好味啲架! 朱古力餅底通常做同朱古力有關o既蛋糕先至用架! 俾呢個website你望吓, 跟住佢做會順利啲! http://www.hello-crystal.com/recipe_301.htm
ReplyDeletebibi, 乜sip左入支棍中間仲打倒既咩?我差唔多全部sip晒入去喎... 點解ny一定要用消化餅?唔係會點?我見過有人用oreo, 最主要係我未試過加上屋企有~唔駛特登買~o岩o岩發現原來唔駛餅底都得>> http://www.rthk.org.hk/elearning/dessert/cake_nycheesecake.htm 我個譜就焗25分鐘, 之前都係咁, 成功的, 而且只係5-6吋又薄, 50分鐘死得! 今次完全唔記得加糖, 想問下加糖先同加sour cream先有咩分別? 我今次個底都有加牛油紙, 邊就冇, 唔想佢唔平, 又唔想裁咁麻煩, 你地上次話搽油得既, 唔知係咪我搽植物油既關係, 漏晒出黎喎...下次整8吋同上次d黑色易潔模係咪可以慳返? 港台呢個網就話加左sour cream之後"用餘熱"焗10-15分鐘, 不過我本身o個2個譜都冇話要焗個喎, 點解要焗左先係ny cheese cake?焗唔焗呢幾分鐘有咩分別? cream cheese o係吉之島買完行左個幾鐘返黎先整 今次個蛋糕整完之後雪過夜 睇左你個譜, 係幾寸模既份量? 其實步驟大致差唔多
ReplyDelete老師整d野食真係唔同d,唔係只有薯片... StEvE
ReplyDeleteSTEVE, 本來都想整俾佢地食架, 不過男友強烈反對, 話因間食左有咩事好大穫喎
ReplyDelete我一向做食的那個.... 中學學校bbq,我試過負責買棉花糖/飲品/甚至乎是炭的... 不會負責如此細心的工作 <--俾四粒星你,另外留番一粒下先再俾
ReplyDelete你個串燒好吸引呀
ReplyDelete懶貓, 多謝你~^^其實我地今次係幾個TA同事搞既PARTY, 每人都要負責整一樣野食架~^^
ReplyDelete嘉露, 多謝呀~呢樣好易整, 其實個汁好食就會好食~:P
ReplyDelete蠍: 哎呀! sorry, 呢幾日未停過, 無時間上黎blog添! bibi, 乜sip左入支棍中間仲打倒既咩?我差唔多全部sip晒入去喎... 打到架, 不過比較嘥力氣之嘛, 我成日都係咁做架啦! 點解ny一定要用消化餅?唔係會點?我見過有人用oreo, 最主要係我未試過加上屋企有~唔駛特登買~o岩o岩發現原來唔駛餅底都得>> http://www.rthk.org.hk/elearning/dessert/cake_nycheesecake.htm 我試過Oreo, 同new york cheese cake個味唔係好夾, rthk果個我都試過, 唔用餅底都得, 不過多左個餅底有多啲口感之嘛! 我個譜就焗25分鐘, 之前都係咁, 成功的, 而且只係5-6吋又薄, 50分鐘死得! 咁我未試過做咁簿, 做親都係八吋, 所以都起碼要50mins, 一個鐘個面會有啲燶同乾! 今次完全唔記得加糖, 想問下加糖先同加sour cream先有咩分別? 無分別, 不過有糖個sour cream會比較定型, 但係點解我就唔知! 我今次個底都有加牛油紙, 邊就冇, 唔想佢唔平, 又唔想裁咁麻煩, 你地上次話搽油得既, 唔知係咪我搽植物油既關係, 漏晒出黎喎...下次整8吋同上次d黑色易潔模係咪可以慳返? 用黑色易潔模淨係個底要鋪, 同埋整出黎真係靚啲, 現唔鋪個底好難剷出黎, 你搽牛油之後仲要加啲麵粉"登"勻個模先至得, 我試過淨搽牛油會好似你咁個邊唔靚! 呢個網話Sour cream之後"用餘熱"焗10-15分鐘, 不過我本身o個2個譜都冇話要焗個喎, 點解要焗左先係ny cheese cake?焗唔焗呢幾分鐘有咩分別? 一定要用餘熱焗先至係正宗new york cheese cake, 咁樣個sour cream先至會定型, 唔係會比較稀嘛, 人地食起黎咪水汪汪囉! cream cheese o係吉之島買完行左個幾鐘返黎先整 今次個蛋糕整完之後雪過夜 睇左你個譜, 係幾寸模既份量? 其實步驟大致差唔多 你跟足rthk果個整啦, 我覺得果個係最好, rthk果個係六吋模, 你可以去為食貓網站查份量比例去加大個份量!
ReplyDeleteBIBI, 我整左喇~今次好成功, 聽你話唔LIU返出黎繼續打, 加左糖之後就麻麻自己走返出黎喇D CREAM CHEESE, 而且大馬力易打D! 今次冇整餅底, 一來我唔鍾意食, 二來屋企冇餅, 三來方便好多 :P 特登買個8吋模就係為左整薄D, 點知整到出黎俾人嫌薄...好在我整咁薄咋~~唔係個個食飽再食呢個實食唔晒~照RTHK咁講焗到個面金黃色就OK, 果然係頭20分鐘冇野睇 因為今次同之前一樣咁薄, 雖然大個左不過一樣好快~ sour cream唔用餘熱焗都會定形唔會水汪汪架~雪過家嘛~不過今次都照你咁講焗一焗, 唔知有冇分別:p 我都係跟返本身用開個譜, 因為第一次整係成功的!今次冇火農到~又用易潔模, 個邊都靚靚呢~^0^大家都話好味~ 份量其實可以自己計返圓柱體體積 唔跟rthk個譜喇, 唔用souecream用檸檬汁之類好麻煩又要買過, 不過上次用多左sour cream, 搞到今次唔多夠...個面得薄薄一層= = 黎緊星期六要整多個cake, 可能再整呢個XD穩穩陣陣 :P
ReplyDelete點解妳地工作咁忙碌都咁有心機整野食嘅? 好厲害喎! 又係一個"服"字~~~
ReplyDelete神秘吉普賽, 過獎喇~^^其實我唔駛帶野返屋企做, 所以有時間做自己野^^
ReplyDelete恭喜晒! 我就會做厚版, 因為次次都係for十幾人食, 你吓加檸檬皮同汁啦, 香啲同埋有少少酸味, 好食啲架, 因為我試過兩隻分別喇, 啲fd話有lemon好味啲喎!
ReplyDeletebibi, 同sour cream代替whipping cream都有酸味喎~最緊要方便嘛~唔駛特登買檸檬又可以用多dsour cream唔駛只係塗面咁side~ 我開初都係厚版, 不過見出面o個d都係薄身所以先用個大d既譜, 人多可以用個再大d既模, 上次都用左個8吋, 平時人少少用5-6吋
ReplyDelete蠍: 唔係酸呢個問題呀, 係落啲檸檬汁落去個蛋糕料度焗, 個蛋糕比淨落sour cream係香啲架, 因為lemon本身有陣香味, 我啲fd話食落去有陣酸酸香香o既味架! 即係話, 落左檸檬汁係有陣清香o既檸檬味架, 你可以唔駛買檸檬架, 我都好懶, 不過我就去百佳買一支支果啲檸檬汁, 可以放幾個月架!
ReplyDeletebibi, 我都有買過, 次次都用剩一大半...同埋D SOUR CREAM又SIDE...唔化算呢....唔合乎我師奶仔既原則
ReplyDelete