九龍城半日遊

尋日放工daddy仔陪我出九龍城整牙~(黎慣黎熟XD) 繼04年生日第一次黎剝大牙之後, 今次係佢第二次陪我黎(平時我都係o係佢返工時間黎)~其實個醫生係佢d親戚, 所以收得好平~成日都唔收錢~又nice ^^

好快搞掂之後我地就去左行街街~首先去左我幫襯過幾次既靚靚麵包店參觀~ 不過今次唔食得野住, 加上買左麵包機都唸住自己整, 又要減肥唔食得d咩~所以今次冇幫襯~ 依然係咁多人咁好生意~^0^不過今次終於睇真佢d餅真係細件得很@@3, 40蚊件真係幾貴, 細過cafe d切餅…

之後經過公和, 落車前已經問定佢食唔食豆花, 點知我未食得野住, 只係買左支豆漿飲~好鬼貴! 成十蚊支~睇真d原來佢個樽都印住"公和" , 唔怪得咁貴!問左佢收8:30, 唸住晏d再黎食, 點知食完飯已經收左鋪... 記得中學時阿sir請我地黎食過, 都係5蚊碗, 但依家就要成10蚊! 對於食唔出邊間豆花特別好食既我黎講當然係貴…但daddy仔食得出都話佢同賣5蚊碗既大埔阿婆豆花差唔多~咁做咩要幫襯佢…大埔隨時有得食啦~

九龍城廣場(九場)以前讀書成日黎, 我又o係度住過5年, 都好鍾意行~會考(定高考呢?)都有黎過food court溫書~不過呢度唔同晒之後, daddy仔都係第一次黎~改左名叫咩KCP, 又由以前既紫色為主彩色燈變成依家既白色商場, 有D鋪位調左位, 有D就間隔唔同晒~ 我就由於要黎整牙既關係, 近呢2年都黎過十次八次, 不過冇正正式式行過, 多數只行吉之島十蚊店同埋幫襯過o個間土耳其朱古力~ 今次行勻成個商場, 先知原來有咁多家品店~

7點半倒去左泰發泰國菜館食飯~ 其實之前未聽過呢間小店, o係度住或者讀書期間亦冇咩食過呢度d泰菜~ 今次都係亂打亂撞試下, 又幾好食喎~ 2個人食飽飽(其實我仲有位XD不過已經食左好多)仲有得打包埋做宵夜同lunch, 都係百幾蚊~

最後行埋樂富豬豬島就返歸~

今次行程佢買左個靚靚紅當當背囊同2個燈膽~我就買左個掃同4支加埋只係5蚊既牙刷, 可以愛黎擦下帶子殼呀蟹呀之類XD

雖然今日大家都帶住隻痛腳行(佢起水泡我就腳板底痛), 不過玩得好開心~唔知你係咪呢~?