蛋糕吐司(湯種)

係咪好得意呢~^0^ 一直以為得個樣, 唔知夾唔夾, 原來2樣野質感可以咁似~~ 咁夾架~~~>0<

表面係一個平凡既蛋糕~

切開一睇~原來上層黃色係海綿蛋糕~下層係花生醬吐司黎架~\^0^/

《烘出麵包香》同《65度湯種麵包》都有呢個譜~專員話過好得意~今晚想整d特別野, 於是就整左呢個~^^

第二次跟呢本《65度湯種》整包包~(上次係北海道牛奶方包)

先整左半份湯種(250g水+50g高粉煮至65度放涼)

再整半份麵糰(高粉142g+糖24+g鹽半茶匙+酵母4-5g(因份量減半酵母相對要用多d)+全蛋30g+牛奶13g+湯種45g(重手左落多左幾克), 無鹽牛油12g)

上之馬卡龍之約聽joyce話二記d高粉吸水好勁, 第一次用, 搓起黎果然唔對勁, 慢慢加左d水, 終於o岩手感就發第一次, 發左40分鐘, 用手指點高粉插入粉糰, 收縮, 再發多大約10分鐘, 少少收縮, 等多一陣, 將佢一開二滾圓, 靜置10分鐘, 擀薄, 搽花生醬(叮叮佢軟身d好搽好多), 跟住捲起佢~分成2條入模。

發左25分鐘倒就整蛋糕漿, 冇跟《65度》用戚風(冇發粉版), 貪方便整左全蛋海綿蛋糕漿, 最後發酵30分鐘就可以倒蛋糕漿(呢個時候應該o岩o岩整好), 倒入吐司模。灑杏仁片。

170'C焗35分鐘, (焗至表面金黃可中間切一刀, 我遲左D…焗左25分鐘先醒起…^^")夠鐘出爐先佢條坑冇咩色, 竹簽插入冇野黏住, 不過完全FEEL唔倒個包@@ 好懷疑佢熟唔熟…於是再加蓋焗多5分鐘~出爐~

倒扣左一陣就甩模, 要界一界條邊先甩倒~跟住放涼一陣就急不及待切出黎試食喇~^0^

原來個包包同海綿蛋糕一樣咁鬆軟~~*0* 唔怪得插入竹簽完全FEEL唔倒啦~~*0*

今晚飽到死都要KO一片2cm厚既>0< 好美味啊~~~\>0</

食譜~香蕉提子多士

高筋粉475g 奶粉25g 鮮酵母21g 水135g 湯種150g 鹽7g 牛油40g 提子120g 香蕉一隻糖90g

呢個食譜嚟自65℃湯種入面嘅提子吐司，我只係加多隻蕉，注意呢個麵團超濕，妳用麵包機搓好至做形。

以上份量做兩條吐司

pizza hut

尋日行左成日支力到不行, 返到屋企企多陣都唔想, 嗌左pizza hut外賣~ 第一次快成咁!@@

8:15上網訂, 8:30打黎話5分鐘到@@

嗌左鮑片pizza, 傳聞細左一寸, 點解都係咁大既~~?

買滿百五蚊送左呢個釀蟹蓋, 細細件又幾好食喎~

仲有豬扒意粉, 白湯, 魚柳魚圈, 百事light

$208

好滿足~~ 唔駛洗唔駛煮:p 飽飽~

今日仲有lunch同tea食~XD 仲有2件o係雪櫃 ^.^

芥辣醬又幾得意喎~

魚柳唔得, 其他都ok~

電子溫度計

之前用溫度計整過鏡面朱古力同馬令, 未到o個個溫度已經火農火農地…唸唸下可能指針行得唔夠快, 聽講咩牌子唔緊要, 總之要係電子, 於是就想買返個電子。

唸返當初唔買電子既原因, 價錢都係其次, 一來唔知邊樣準d, 二來唔怕冇電…

尋日o係logon見倒座檯式, $280, 比我心目中既價錢平(唔知點解我記得要2k幾?)心思思想買, 不過俾daddy仔阻止左…佢覺得太貴, 於是帶左我去深水步d賣電子儀器既地方搵, 搵左好多間, 有幾間都有電子溫度計賣, 不過得第一間去到300'C, 其餘好多都係去到110'C, 唔夠整馬令…仲有一間去到2xx'C, 要$12x, 於是決定返第一間買~

就係圖中呢支喇~

只係68個大洋~~ daddy話好在冇買o個個咋~~ 可以買倒4支喇~

我地試過用手測試, 真係去到36.x度, 煲煲水就101度~

說明書話0-80度誤差1-2度, 其餘誤差5-10度。我唸點都好過之前o個支…只係用左幾次…

尋日見倒最勁o個支去到1300度呢~*0* 勁大支~又見倒d去到0.01g既電子磅~ 要5千蚊~~十分pro~~~*0*

Souffle

好耐好耐冇整過。

初初買焗爐就整呢樣野~ 比想像中簡單~ 不過隔好耐再整又失敗左…

焗緊o個陣

知佢縮得快, 出面自助餐食羅到返埋位已經縮晒, 所以特登準備好相機, set好晒野出爐即影~XD

今次食落有d肉麵包布甸~

原味梳乎厘(4杯)今次整左半份
　
材料：A
蛋黃 2 隻 
砂糖30 克 
牛奶 90 毫升
麵粉 20 克

材料：B
蛋白 4隻
砂糖 20 克

做法：
1. 蛋黃加入30克糖打勻，加入已篩好的麵粉攪勻成糊狀；
2. 牛奶煮熱，加入麵糊中快手攪勻，座於熱水上不停攪至稠糊；<<<攪唔稠…
3. 蛋白打至起泡，放下20克糖，再打至企身，加入麵糊中混合 ；
4. 將麵糊放入焗杯中，約8成滿，入焗爐以200C焗12分鍾取出，撒上糖霜即成。(未夠12分鐘就出爐)

豉椒肉片、炒雜菜、老少平安、雜菜飯

本來今晚想整咕嚕肉, 不過專員話想清清地, 就簡單整左幾味~ 留返D時間同個蛋糕裝身:P 食飽飽有時間再整甜品 ^^

蒜茸+豆豉+少許辣椒仔, 生抽, 糖, 醃一陣, 再落生粉, 麻油醃, 蒸約15分鐘或至熟透即可。

惠康買一包雜菜就最方便, 乜都有D, 雜菜洗淨飛水, 爆香蒜茸, 炒菜, 加少許雞粉, 糖調味。阿媽話落左雞粉之後唔記得落糖炒菜係咁好味。專員食o個陣都話點幾甜甜地既? 幾好味喎~ (咁都食得出@@?)

 

魚肉+豆腐+蛋白一隻+蔥花隨意拌勻, 加少許胡椒粉, 五香粉, 生粉醃一醃, 湯匙造型, 叮5分鐘。

包返黎已經係咁, 煲熟就得^^ 甜甜地好多雜菜~ 未煮o個陣好似鼠糧XD

passion friut raspberry mousse cake

尋日第一次自己o係屋企打馬令, 跟vanlily個譜, 26g水+80g糖煮至121度, 撞入已打起的40g蛋白中, 繼續打至杰身及冷卻。

由於唔係用電子溫度計, 未去到個度數已經收晒水…加水再煮, 加得太多…倒左落d蛋白度唔知似乜…

倒晒, 再黎

睇返《藍帶》同 Tony Wong都有教打意大利蛋白霜, 前者話點一滴入冰水, 呈圓球, 手指按下似香口膠就得, 過左火再加一湯匙水降溫再煮; 後者都用有孔匙點一點, 吹得出氣泡即成。2樣都試左, 唔知似唔似香口膠, 不過吹得出氣泡, 於是照用。有d糖水留o係煲內, 由佢, 集中打蛋白, 打到令晒面, 但又好似唔係好企…(相片後補)

照用, 加入打起cream中拌勻, 再分別加左紅桑子果茸(100ml)+魚膠水(5g魚膠片浸軟), 同熱情果果茸(100ml)+魚膠水(5g魚膠片浸軟), 做成2兜mousse漿~

倒入事先鋪好一片海綿蛋糕既圓模內, 倒入紅桑子mousse先, 雪硬, 再倒入熱情mousse( d mousse都攤左一陣…我唔記得攪返勻就倒落去, 所以都有d驚= =) 今朝甩模, 冇塌, 放工返去睇返冇事就照用。

本來唸住呢個係試整, 今日再整一個架, 不過時間唔夠, 今日主力整裝飾!! 誓要整好d狗狗為止! 我依家已經對佢地既外表有左某程度了解喇XD 畫左咁多隻…由本來完全唔知咩叫百威, 到依家唔駛睇相都畫得出…

試左少少mousse漿, 都幾酸, 配白朱mousse應該幾夾, 對方話唔要咁甜, 唔知酸酸地o岩唔o岩呢?

聽日送貨 ^^

朱古力狗狗IV(最終回)

今晚試下再跟住畫, 尋晚整左個蛋糕, 本來唸住試整, 今晚再整, 不過甩模見冇咩事, 放工返去如果冇塌就主力整裝飾!! 希望今晚畫好D!!

起稿

上色

有D位o即, 有d位用牙簽慢慢畫

都係o即, 尋日就係一pat撻上去搞到花晒…變左烏咀狗…呢d野都係唔可以懶。

乾左, 反轉

插上蛋糕上

加上HAPPY BIRTHDAY, 搞掂~^.<

下次唔好懶…一定要用熱水座…原來真係襟好多架d朱古力, 唔駛2野就去叮煩到喊…T廿T同埋要起草圖…

入貨@CAKE DIY III

尋日又去左入貨, 依家都鍾意去火炭(www.cakediy.com ), 近近地, 價錢又差唔多, 有D幾得意既模同包裝品(比起二記), 二記D野就普通D基本D, 不過個膠蛋糕盒都係二記平好多。

計過放工過去半個鐘, 行左8個字, 之後搭lift落樓再行返去火車站10分鐘, 火車車程10分鐘, 不過返到大埔等小巴又等左十分鐘, 返到屋企大約40分鐘回程。

同時出旺角, 放工行過去搭車要15分鐘, 車程(271)一個鐘, 訓醒一覺出到去買完野行返去搭車好多時冇位坐, 買得又多, 再轉埋小巴要個幾鐘…

價錢黎講, 佢地d材料大約差幾毫子, 不過呢度有d幾得意既蛋糕裝飾品, 同埋好靚既朱古力轉印紙~ 二記o個d真係買唔落…

講返買左d咩

今次主要去買cream, 買左一盒1L, 一包熱情果茸($2x;/248g), 一包紅桑子果茸($2x;/248g),(見倒血橙果茸$22包), 一包85%黑朱($38)

, 朱古力用膠片($4)試下有冇幫助,

星星同

梅花朱古力膠片各一張($10/2)即係好似泡泡膠整朱古力裝飾咁, 不過佢乾淨d同埋有唔同形狀, 2塊有得平; 買左一張朱古力轉印紙

, 舊o個張

所剩無幾, 都玩左幾個月($26@)。

依家用緊支孤寒刮都係呢度買, $14勁好用!

不過佢d mousse 圈都幾貴

呢個好靚呀~~ 不過唔見有

《不存在的女兒》

睇書一向好慢, 所以一係唔睇, 一睇特別鍾意睇成寸厚o個d, 睇完好似完成左一件事咁XD

呢本書初出時o係某blog見過(唔記得邊個blog…),o係書局都見過幾次, 終於上個月趁大眾8折買左~斷斷續續睇左3, 4個星期先睇完~不過真係好好睇

簡介

故事講一對新婚夫婦, 太太有左bb, 點知生出黎一個健康一個智障, 醫生爸爸暗自將佢送走, 話俾太太聽佢死左, 自此呢個家長中間出現左一道牆, 媽媽接受唔倒女兒死左都見唔倒佢一面, 繼而酗酒, 外遇, 亦由煮婦變成職業女性, 丈夫覺得責無旁貸, 包容太太既一切, 但關係十分疏離, 好愛兒子, 但係兒子卻覺得全家重心落o係已經不存在既妹妹身上。

原以為命不久已既智障妹妹, 原來被暗戀醫生爸爸既護士收養, 護士竭盡所能為「女兒」爭取公平待遇。

感想

故事中解釋左爸爸點解要送走女兒, 其實開頭我認為有錢人家, 養一個智障女兒唔係問題呀, 都可以無憂無慮, 過住好開心既日子, 但原來同佢童年既回憶有關, 佢唔希望兒子變成自己, 只想將最好既俾佢, 亦想保護妻子, 唔想佢承受當年母親既痛苦。但係好心偏偏做成無法挽回既壞事。

有時我地面對智障, 面對殘疾會感到害怕, 但係從書中睇倒, 原來健全富裕唔一定幸福, 智障, 被送走, 又可能另有一番天地。

如果

如果醫生爸爸當年冇做出呢個決定, 而係一家四口一齊生活, 係咪一切都會改變?一切壞事都唔會發生?

如果女兒唔係智障, 而真係死左, 妻子會唔會一直存有心結? 會唔會照例外遇酗酒?丈夫會唔會就出黎指證佢外遇, 而唔係啞忍?

如果根本冇生到個女, 只係得一個健康既兒子, 係咪就會係好健康快樂既家庭?

如果丈夫冇同妻子講佢之後仲生左個女, 會唔會根本唔記得, 以為自己寶寶好健康, 冇之後既酗酒外遇等轉變? 但係丈夫係咪依然會因為呢個秘密, 築起一道牆? 一家人始終都會咁疏離?然後破碎?

如果2個都係智障/殘缺, 呢個家又會變成點?醫生會點做?

 

睇到尾尾, 我又忍唔住, 因為感受到愛。

朱古力狗狗III

好難畫…畫到好想死…畫極都唔似…又扁咀…烏咀狗咁…T_T

好氣餒呀…

今次D朱古力係叮而唔係座溶既, 唔知係咪因為咁好快硬返…今晚都係咪制…

上次靚仔幾多…不過對方指定要上圖O個種狗狗…畫唔掂呀…

三文魚, 蒜蓉多, 麵包湯, 天使麵, 牛柳粒, 芝士條

簡單好味

呢個係party必食~:D~~~ 今次仲搽左o係city super買既蒜蓉牛油~不過可以再焗耐d~

想整好耐既麵包湯, 仲特登自己整埋個湯, 唸過粟米湯, 蕃茄湯, 粟米湯, 簡單d因為份量好少, 結果揀左洋蔥湯, 已經第二次整, 都係咁難飲 = = 於是後補一個煙肉有帶子蘑菇忌廉湯(同樓下個汁差唔多XD)。

想有蘑菇味又唔想煩, 於是用左罐頭湯, 仲平D~ 加左煙肉粒、帶子仔同香草~都係自己用牛油忌廉雞粉整既白汁好味D:P

跟呢個食譜醃既牛肉, 其實係早幾日BBQ既剩餘物資:P 專員話燒完加埋蜜糖都有7, 8成似喇, 最勁係樓上o個家人都聞倒燒牛肉味, 仲要係韓燒o個d燒牛肉味@@ 我覺得功神係味醂呢~~下次試下落埋梨汁睇下會唔會再似d~今晚就加左dcatfood送俾我既薑汁酒落去煮~ ^.^ 多謝晒媽媽~^0^

甜品

今晚2個人煮左5個送, 最勁係居然食得晒@@ (剩左半個麵包湯既麵包)!!

三月之星鳳城blog聚

今晚真係非常非常唔好意思, 我唔知道訂o個d野咁貴, 冇問清楚就訂, 令到各位失左預算, 好過意唔去…

_______________________________________________________________

已經第五次黎呢度喇, 上網睇見d人話服務態度唔好, 但係我次次黎都覺得唔錯, 係如果星期六多人既時候黎, 門口個阿姐會唔理你, book左位都要等。不過平日黎冇咁忙一般招呼都唔錯。仲認得尋晚有個阿姐食過我既蛋糕XD舊年朋友生日第一次帶蛋糕黎, 因為知道呢度幾好食又可以帶餅黎, 佢O個時仲俾埋熱水你浸刀! (不過之後只係俾刀碟冇俾熱水…)

由於第一次食D要訂既野, 之前幾次因為人少, 又唔知大家食唔食O個D野, 見今次人多就即管落order, 由於食開都係百幾蚊落樓, 一碟送都係一百幾十, 係d魚過百, 冇唸過佢原來有d野咁貴所以冇特別留意價錢就訂左亦唸住咁多人除返開應該唔會好貴, 點知原來一隻糯米鴨要$3xx, 一隻蟹鉗要$43!!! @@ 結果埋單位位250...三位生日之星見咁貴唔好意思, 每人夾返$100。對於請人同生日本應被請既人我都非常唔好意思…本來唔駛俾既要俾…唔駛俾咁多既俾多左咁多…尤其是攜眷出席o個d, 一餐飯要4xx, 500蚊都唔平…仲要係失左預算…對於第一次出席既blog友亦深感抱歉(當然出席過好多次既blog友我都非常唔好意思…^^")

其實呢餐都有14樣送(丁屎話既:p 我d相仲未過機),17個人黎講都唔算少, 不過亦因為咁可以試多幾樣, 每樣份量都唔係好大, 每次有送上檯大家舉機影完之後都要搶食, 下次再有機會或者可以嗌大碟d少幾款咁可能會食得舒服d。 

d送都幾好味, 其實一向都幾有水準既, 不過今次炸粉果冇咁好, 有d淋同太油。糯米鴨原來係將隻鴨起左骨之後釀糯米; 最貴既蟹鉗好後悔冇dup真d…終於食倒西米布甸, 果然唔錯~$2xx可以食倒一餐有「電視框」既自助餐, 如果唔嗌呢d特別野, 一圍17人只係$1900倒, 其實呢度絕對黎得過, 只係我太唔小心…

本來今次咁多人黎又冇人甩底, 影得開心食得開心玩得開心, 但係自埋單一刻起, 到返到屋企我都好唔開心, 因為係我既失誤令大家俾多左錢, 部分blog友甚至呻笨。雖然有人話我只係無心之失, 但係我都難辭其疚…今朝睇倒大家既留言返緊工都忍唔住好多謝大家既支持, 希望唔好嚇怕左各位。

黎緊既4, 5月暫定小魚家同旺角某cafe(待定)舉行, 請大家提出意見。

再一次多謝咁多位包涵。

生日蛋糕for 三月之星 (Cindy, Irene, Forever Friend)

_______________________________________________________________

太子鳳城 2007-05-30 11:35

又黎鳳城 2007-06-10 19:58

第四次到訪鳳城 2007-07-03 23:37

 

3月之星:Cindy(4)、sweet Irene(10) 、Ivany(23)、Forever Friend(28)、JULI

報名:
1. 蠍
2. 高小魚
3. 丁屎+1 (7:15)
5. catfood.com  (8:45前離開)
6. sweet Irene
7. Cheyi (Yinky)
8. Forever Friend
9. 小刁愛煮
10. Anne (九點前離開)
11. martinmak睿:[音:銳]  (可能會遲到)
12. rankura+1
14. Cindy
15. Amy (嗌多幾碟菜, 8點前)
16. 卓卓
17. athena (7:20)

American Cheese Cake for 三月之星

同之前整New York Cheese Cake既譜唔同, 今次冇用sour o係餅底, 換左牛油! 跟既係Tong Wong《五星級蛋糕甜點》既譜, 佢既譜一向可靠, 博一博！ 

今次三月之星blog聚有十幾個人, 整左８寸，第三次整呢個份量! 由於呢個餅都幾滯下, 於是唔係整左好厚。

食落同原本個譜好似分別不大…@@

幾位blog友見倒都話呢隻餅應該係高身D軟D冇咁實, 但係我整過幾次唔同譜同出面食都係咁上下質感, 整5寸同6寸就會高身D, 係因為出面食過見過既都好矮身, 先整矮身D, 亦覺得焗餅應該矮身D冇咁漏…

CINDY話佢整過都係咁矮既, 因為焗完要雪過夜所以係實D

之前整既加左面層sour cream都冇再焗, bibi話要再焗先係ny cheese cake, 今次就焗左, 但唔知有咩分別:p

有冇人可以話我知american cheese cake同new york cheese cake既分別? 同埋究竟係咩質感既呢? 

Charlotte Aux Fraises

《日嚐甜品》食譜

果蓉同AUNTIE一樣自己整, 我用左桑子+士多啤梨, 打起CREAM同蛋白糖霜, 蛋白打起後+粟粉慢速打勻, 1/3蛋白糖霜加入蛋黃漿中(蛋黃+糖打至奶白色), 篩入低粉, 拌入打起淡忌廉, 再拌入蛋白糖, 最後加入魚膠片(4片)即成。

份量後補

火槍甩模之後同一月O個個藍莓乳酪CHEESE CAKE一樣一邊塌左, 今次塌得仲勁以為火槍太熱, 今次塞返入個模再雪一晚, 點知第朝甩模即塌, 唔理咁多照圍手指餅, 加裝飾出門口, 返到去再放上冰格雪下, 之後先拎返落黎。

點知今次同一月O個個唔同, 上次切O個陣係硬既, 挺身冇問題, 今次一切係軟既…= =雪完冰格都係咁…食O個陣好肯定係魚膠唔勻喇, 食倒一粒粒= =同事仲以為係果肉…XD

我已經浸左魚膠片之後叮溶左, 再筆部分MOUSSE 漿落魚膠液撈勻先倒返落大兜撈都係咁…下次可以點做好呢?

試食團有人話似士多啤梨布甸, 士多啤梨乳酪, 仲有D似雪葩XD 味道係好既, 衰在魚膠!繼續努力!

熱情果

尋日第一次O係街市見倒熱情果!!

之前只係O係citysuper呢d見過仲鬼咁貴, 尋日第一次o係街市見倒!!寫住百香果~ 十蚊五個! 雖然唔知識乜好, 不過都即買!

買o個時有2個阿姐問老細呢d咩黎, 好黎做咩~ 老細話當生果食, 跟住問我買黎點食, 榨汁定切黎食, 我話整蛋糕, 跟住佢就同o個2個阿姐話整蛋糕整甜品好好食架~ (其實佢識唔識架XD)

(相片後補)

法國麵包

好似係今年第一次搓包, 冇油冇糖冇搓到佢起膜, 亦唔係搓到好滑, 反正都唔係軟滑包:P

為食mui食譜
材料: (我整左4/5材料)
高粉 250g、低粉 250g、酵母 8g、鹽 11g、溫水(30度) 300ml、檸檬汁 5滴
做法:
1) 混合高、低粉、酵母和鹽 (酵母和鹽分開放)
2) 倒入已加檸檬汁的溫水, 攪拌均勻
3) 揉至不黏手有彈性
4) 第一次發酵成2倍大,約1小時
5) 取出放氣, 搓圓, 靜置10分鐘
6) 造型, 第二次發酵約1小時
7) 在麵包上界紋, 噴上水, 210度焗約15-20分鐘(我焗左唔止呢個時間, 見佢冇咩色就再焗, 間中噴水, 噴左好幾次)
外脆內軟, 脆得黎略硬左少少, 可能噴太多:P 脆皮厚左D

依家先醒起!! @0@ 我好似完全唔記得落鹽呀>口<唔怪得咁淡! 仲以為唔夠鹽…

尋日特登整黎BBQ搽蒜茸牛油, 點知搽極都咁淡XDDDD 依家明晒喇XDDDD

當日出爐即切好散, 隔2日之後再切好齊口喇~ 搽D蒜茸醬焗脆佢勁好味呀~~ ^0^