馬卡龍之約

第一次出席唔係自己舉辦既BLOG聚~ 今次主題係"馬卡龍"~

angel今次送出佢拿手既馬卡龍~ 其實唔係特別嗜甜, 不過有機會講教大師, 當然要報名~^0^ 想見angel好耐喇~ 仲有貓姐陪~^^

地點係灣仔大有商場既鈴木咖啡店, 原來o係屋企出發轉2次車只需大約55分鐘~*0* 比意料中快呢~ 仲唸住要3:30出門口, 點知搵唔倒銀包…搞到成4點先出門口~~ 好在大去到大家都未到 ^^ 等埋貓姐就入去喇~ 跟住冇耐見倒2個女仔眼望望~果然真係一齊架~XD

是次出席既有: 搞手angel, 貓姐, Joyce, 汀★Skywalker, 蔚南同我~

之前搞親BLOG聚次次都會羅晒電話先, 好少估估下 :p

講返正題~

今次收倒三粒馬卡龍~分別係柚子, 玫瑰同朱古力味~ 唔好朱古力既我都覺得好好味呀~ 第一粒就食朱古力, 一路食一路忍唔住「哇哇」聲*口* 真係不同凡響呀~~~哇~~~

食到第二粒玫瑰味, 都未「哇」完…^^" 跟住又試下自己O個D…唔同架…我D面層硬身D, 佢D入口即溶~唔~~~~~>..< 好味過出面買O個D呀~~~

呢個angel既~

呢個我既~(紅桑子果醬餡又幾好味喎, 不過甜左d)

最後隔左陣食埋柚子味~好清新呢~

3種口味我最鍾意玫瑰~^0^

多謝晒呀~

今日angel仲帶左本馬卡龍書黎~原來用味粉就可以O係個餅度較味~ 仲有好多餡醬既食譜~NT270~ 好想去台灣買返本呢~

不過返黎同專員講, 佢話佢同我都唔係特別鍾意食…不如買D鍾意食既抵D喎…(例如蛋卷~)>3<

我覺得馬卡龍真係一門學問黎呢~~整得好覺得自己好叻架~>0<

唔理喇~去到睇下有咩O岩駛掃D返黎先~A.A

同場加映交換禮物 ^0^

各位都準備左伴手禮交換^^

除左angel既蛋糕同貓姐棉花糖未試之外全部試勻晒喇~ ^0^ 馬卡龍仲俾我KO左添XDDD

所有曲奇都好脆架~ 貓姐個BISCOTTE好香橙味好好味呀~影呢幅相O個陣已經俾左咬左半件, 因為當時就開飯所以先俾左阻止左冇食晒咋XD 蕉蕉muffin好香蕉味呢~ 我都唔知衰過幾多次^^" 好開心收倒貓姐自製既潤脣膏呀~~好香呀~~ 我用開o個支o係哈爾濱唔見左呀~>0< 依家o岩晒~ ^0^ 好~開心~ ^皿^

我的伴手禮:Mixed Berries Muffin