台北三日兩夜

第三次去台灣, 01年12月第一次去左十日, 去埋高雄墾丁 ;06年第二次去左四日三夜, 去左烏來; 黎緊清明節將會去第三次~

今次同2位同事去三日兩夜:p 一次比一次短! 一來同事唔想請假, 二來我都唔想離開daddy仔咁耐 ^^" 而且我一向認為台北應該係長周末去~今次fit晒~

不過由於只有2日幾, 佢地又未去過, 今次行程都幾緊密。

必去前"中正紀念堂", 鼎泰豐, 士林, 佢地2個都想去九份, 而我第一次去完都覺得最好玩係九份, 所以今次雖然咁短時間都要抽一日去~ 而且上次冇食過野, 今次要去食下阿柑姨, 牛肉麵之類! 影下相咁

仲有淡水漁人碼頭之前2次都去唔成, 我懷疑第一次冇去到淡水, 而第二次就入到去太夜冇去到漁人碼頭, 只係行左陣街, 食左炸榴槤!

第一天

6點起身, 6:30搭E41去機場checkin之後食burger king做早餐, 然後搭10:20機去台北。

今次打算第一日check左in就入去~ 不過就睇唔倒日落, 又想去下淡江中學參觀~ 食阿給!

出返黎就去鼎泰豐食小籠包, 再過隔離食冰館, 再行入師大夜市! (朋友推介好好行~)

不過呢我點都會去華西街夜市出面既廣州街買豬肉卷卷, 所以行完師大應該都仲早, 可以去誠品行下, (未定西門店定旗艦店) 去西門就可以食下阿宗麵線~

最後去龍華寺站行埋華西街夜市就可以打道回府, 預備第朝一早出發去九份喇~

第二天

o係酒店食完早餐就出發去九份, 搭9點鐘火車去瑞芳, 本來打算去埋平溪十分, 不過好似冇咩特別, 搭車又花時間所以應該唔去, 寧願多d時間o係九份逛下~ 夜晚出返市區, 去士林食野。

第三天

朝早去台北站書局街行下, lunch去我兩次都去唔成既度小月食擔擔麵!

點都要去一次!!跟住可能去西門町行下, 大約5點就出發去機場

day3仲可以加少少行程, 大家有咩好提議?

差D唔記得仲要去MR J以不能說的秘密為主題既分店呀!
包裝廣場

台北之旅2006