同之前整New York Cheese Cake既譜唔同, 今次冇用sour o係餅底, 換左牛油! 跟既係Tong Wong《五星級蛋糕甜點》既譜, 佢既譜一向可靠, 博一博！
今次三月之星blog聚有十幾個人, 整左８寸，第三次整呢個份量! 由於呢個餅都幾滯下, 於是唔係整左好厚。
食落同原本個譜好似分別不大…@@
幾位blog友見倒都話呢隻餅應該係高身D軟D冇咁實, 但係我整過幾次唔同譜同出面食都係咁上下質感, 整5寸同6寸就會高身D, 係因為出面食過見過既都好矮身, 先整矮身D, 亦覺得焗餅應該矮身D冇咁漏…
CINDY話佢整過都係咁矮既, 因為焗完要雪過夜所以係實D
之前整既加左面層sour cream都冇再焗, bibi話要再焗先係ny cheese cake, 今次就焗左, 但唔知有咩分別:p
有冇人可以話我知american cheese cake同new york cheese cake既分別? 同埋究竟係咩質感既呢?
hoho ~~ 我從來都冇整過cheese cake r ~~ 得閒都又要比個食譜我學下喇!!
ReplyDelete[版主回覆03/26/2008 10:40:00]我有一本芝士蛋糕食譜呀~~ 不過未跟過黎整:P
我覺得無乜分別，但我覺得紐約芝士餅應該係硬，同埋啲芝士味好濃的，同密度高。不過好食就得喇…我想問你的朱古力裝飾點整架？
ReplyDelete[版主回覆03/26/2008 10:41:00]O個片方形既係O係轉印紙上掃一層朱古力跟住未乾之前CUT出黎
圈圈係用保紙鮮底面夾住跟住捲O係棍上面, 今次係第一次試用保鮮紙, 係可以比較容易MIT出黎, 不過D朱古力就唔平滑有褶痕
原來係咁，啲轉印紙都幾靚，我都想苦練啲朱古力裝飾，成本太高，一直閣置緊…哈哈。
ReplyDelete[版主回覆03/26/2008 13:30:00]我多數用假力整, 平D方便D, 練習下先, 不過轉印紙都唔平, 而且唔係度度買倒靚 ^^
好多謝妳個蛋糕, 真係好好味...
ReplyDelete[版主回覆03/26/2008 17:57:00]你鍾意就好喇 ^^
其實呢你個雪櫃有幾大呀
ReplyDelete[版主回覆03/26/2008 17:57:00]我有2個雪櫃架 ^^
但我發覺出面買到的假力的純度太低，整出嚟都好核突，係工聯會度買就平啲喇又靚既假力，味道也很好…
ReplyDelete[版主回覆03/26/2008 17:58:00]係?你出面邊度買? 工聯好多野都o係二記買, 我都只係o係二記買過, 無從比較
而且假力冇可可油, 本來就唔可以叫做朱古力, 冇唸過仲有純度問題
我都覺得呢兩款芝士餅係一樣的
ReplyDelete[版主回覆03/26/2008 17:57:00]都係美國地方XD
係呀…因為二德太遠，我多數係屯門的製餅鋪買…屯門有好幾間，雖無二德咁平，減返車錢我都係賺。但自從貪平買左純度低既白朱古力，整唔成我想整的裝飾，就知道想整好野係無得平既。
ReplyDelete[版主回覆03/26/2008 20:37:00]有關係既咩? 點樣整唔倒?
我覺得有啲關係卦…或者可能我失敗左賴個純度低既朱古力唔得。我買左舊純度好似得20%-30%左右的白色朱古力，諗住整白色圈圈條，點知，乾左後，啲白朱古力有裂紋。我問過阿sir cheap假力係咪好難整到裝飾，阿sir話，都係架，會無咁靚。
ReplyDelete[版主回覆03/27/2008 15:09:00]假力唔用黎整裝飾…應該用黎做乜…?
白朱古力既純度係指咩呀?
龜裂係指乾左之後有裂痕呀?
我諗 new york cheese 同 american cheese cake 應該係同一款餅..不過唔同叫法啫......高矮肥瘦其實冇咩所謂..花咗一番心機做食嘅人嘅已覺心甜啦
ReplyDelete[版主回覆03/27/2008 15:09:00]^^" 但我都想知做得O岩唔O岩 :P
woow 好羡慕耶
ReplyDelete或者sour cream直接加入芝士漿之後 餅面加藍莓醬... 咪變另一個藍莓芝士餅
ReplyDelete[版主回覆03/27/2008 16:53:00]呢個我都有試過呀 ^^ 不過除左蛋糕仲可以整咩呢
聽講可以整焗薯
對呀…有裂紋…仲知唔靚喇…
ReplyDelete我好似聽過American同New York Cheese嘅分別係New York Cheese有頂層嗰"浸"酸忌廉, 而American Cheese就係冇, 唔知我有冇記錯呢!!!
ReplyDelete