大大話話已經第4次整
Macaron I 好多野冇注意
Macaron II 有一隻叫做成功啦, 送左俾第一次見面既yamaha
Macaron III 只係落左一半粉就o即= =執檯先見倒其餘一半…雖然最終都加左落去, 不過都係唔知似乜, 最衰呢次
今次第四次喇, 爆口, 而且只有放爐中間既有裙邊, 不過個面都係爆…
上面O個幅愛黎厄下人, 本來唔post呢幅架喇XD 不過想大家幫我睇下咩解究…同埋留個進步空間俾自己下次睇返XD
做法：angel穿迷你裙的馬卡龍既份量(睇返阿B既比例其實都差唔多), 阿B既焗法
材料：蛋白1隻, 糖30g, 杏仁粉30d, 糖粉50g
做法：
1. 打起蛋白＋糖，（呢個時候可以加色）拌入杏仁粉＋糖粉中
2. 預熱180C, o即約2cm直徑圓球, 待15分鐘(我等左都幾耐都未乾, over15分鐘, 可能over半個鐘, 會唔會係咁所以太乾至爆?)
3. 放底層, 150度焗10分鐘, 裙邊出現後慢慢10度10度減至110度, 共焗20分鐘。
4. 出爐下於牛油紙底掃水冷卻, 架上放涼。(第2底冇掃, 果然會黏底架~!!!)
專員試食報告：好味呀，好鬆化～
不過呢款餅都係好甜:P
請問有冇人幫可教我點先唔會爆呀?
哇哇~好可愛呀
ReplyDelete都好過我果d便便丫~~~
[版主回覆03/22/2008 00:46:00]第一幅特登就角度愛黎厄人架XD 爆晒…
爆
ReplyDelete好似都係爐溫高既問題吧
係呢
卓卓真係好想知有冇d冇咁甜既配方啊
[版主回覆03/22/2008 02:09:00]我已經比要求低左十度
好似好鬼甜... 但個樣係可愛的..
ReplyDelete[版主回覆03/22/2008 13:06:00]都真係好鬼甜:P 不過質感好得意好好食, 但一啖只可以食一片, 夾左JAM甜得太緊要^^"
咁你唔好預熱到180度，太熱了﹗唧好亦唔好放咁耐，太乾出唔到裙仔。
ReplyDelete你可以唧檸檬Jam，酸酸地平衡好多。
[版主回覆03/22/2008 13:31:00]咁應該預熱幾多度? 我第二次就用LEMON JAM ^^
我一陣再試, 唔該你先 ^^
呢款睇落好似冇乜難度....原來有咁多功夫要注意耶....
ReplyDelete你試下睇呢個 blog 丫 ---> Macaron
[版主回覆03/22/2008 15:42:00]我尋日睇左喇~ 不過已經焗緊, 學左要鄧下先入爐會平滑好多
你睇下我有留言俾佢架~ ^^
真係好難整播, 我呢排都會整番, 唔知可唔可以一次 pass 呢!
ReplyDelete[版主回覆03/22/2008 15:40:00]ok喇ok喇~~ ^^ 今朝第一爐全部ok ^.^
我睇好多書係講最少攤乾三至四小時待表面乾身才焗嗰喎，跟住160度焗10-15分鐘。我覺得會唔會你太急先爆晒呀
ReplyDelete[版主回覆03/22/2008 18:34:00]睇阿B同ANGEL都話係太乾所以爆
今日再整第一爐係最好架, 全部OK, 之後攤耐左就有D冇裙有D爆喇
咁你最好的第一爐，你的時間是點控制架？
ReplyDelete[版主回覆03/22/2008 22:58:00]其實我都係係咁E攤下, ANGEL話唔駛乾晒都入得爐, 我唸10-15分鐘倒啦, 其餘O個D因為要等前一爐出爐, (20分鐘)再熱返個爐(一路焗一路降溫)所以等左好耐, 最後一盤O係第一盤出爐開始O即, 攤左50分鐘都有…
好勁呀, 你連呢個都整埋, 我幾時可以响你拜師學餅呀??
ReplyDelete[版主回覆03/23/2008 00:17:00]我都未成功得晒 ^^" 雖然今日進步左 ^^ 不過仲有空間
聽日會請教馬卡龍大師 ^0^ 好開心呀
唔好話向我拜師…真係唔敢當 ^^"
嘩~~~係我第一份料的情況...當然死狀更恐怖......!!!!!!! 因為我見佢爆得咁絕,我就由佢爆...好似火山爆發咁......有熔岩添~
ReplyDelete[版主回覆03/23/2008 01:16:00]哈哈
會唔會好唔忿氣好想整好佢呢~!?^^
你個焗爐同我一樣嘅, 上次我整過一次,都冇放底層又放高層, 只放在中間, 喞好後放了15分鐘就焗,再試吓啦.
ReplyDelete[版主回覆03/23/2008 23:35:00]實驗證明應該係放太耐了… 我見佢攤極都唔乾…
加上冇開風扇, 所以只有中間有裙仔
真系蝦人整！
ReplyDelete