紅腸椰菜炒丁+焗香腸+韭菜炒蛋

足不出戶2人晚餐

趁佢訓緊晏覺煮定飯~起身就有得食~

冇晒煙肉火腿, 搵倒哈爾濱紅腸就切粒粒炒~2個麵落左一包麻油丁丁味粉~紹酒, 蒜茸, 之後撈埋Irene既xo醬一齊食~ 高級晒~~XD

右邊細長既係芝士腸~唔食都唔記得:P

其貌原揚…因為我冇落油XD 估唔到又幾好食, 我又落左花奶~^0^

蜂蜜蛋糕V

問小魚借左木模返黎第一次整, 第一次整全份, 第一次將粉漿過篩入模。

同小魚講既一樣焗極唔熟…可能要跟食譜既2條份量時間焗先熟

（1）200℃ 擺下層10 分鐘 。
（2）175℃ 30分鐘(1條份量) 50分鐘 (2條份量) 。
（3）換邊150℃ 8分鐘 (1條份量) 15分鐘 (2條份量) 。

香蕉蛋糕

極少做牛油蛋糕, 用左新買o個罐軟牛油~加上有隻蕉, 又見阿ting整左, 咁o岩尋日貓姐同faifai又整左, 咁我又整下

唔知係咪太遲界? 條痕唔係好深

牛油蛋糕出爐駛唔駛即時取出? 我食緊晏由佢o係入面, 到我食完好似矮左好多= =

食評: 好鬆軟, 相比尋日貓姐既牛油蛋糕, 專員話貓姐既實d牛油味濃d, 我鍾意貓姐o個件多d~會唔會我o個件放涼d先食會實d呢?

ps1 度返個模…原來我個模比食譜大XD 唔怪得咁矮XDDDDDDD

angel食譜

catfood版聚@蓮香樓

今晚應邀出席catfood版舉行既蓮香樓試食版聚, 可惜我時間預得太mun, 又少過海, 冇預到落雨塞車問題…去到灣仔幾乎全車人落晒車…司機大佬仲同我話叫我行住先, 見倒佢架車郁先上返車, 不過真係唔多覺佢郁…= = 行左去灣仔mtr, 去到上環麻煩阿茵黎接我~

上到去已經黎晒d送, 大家為我地夾起左一碟碟頭飯XD

冬瓜盅好好味, 飲左好多碗; 魚肚蒸蛋都唔錯, 好重陳皮味; 醬燒骨都幾好味; 牛白腩D蘿蔔酸既? 係咁架?@@ 西檸雞我以為係魚黎@@ 軟殼蟹我同阿茵都以為係魷魚酥XD第一次O係街食琵琶豆腐, 好味喎, 好鬆軟又扎實~其餘由於炒埋一碟既關係都分唔倒食緊邊樣XD

是次每位$116

可惜埋單之後影相時, 阿茵聽倒個準備收檯既西裝員工講左句: 「影相, 都神既~」衰收尾…

其實我原本都冇唸住再去, 印象唔係好深, 冷氣太勁, 野食上得太快, 凍得太快。之前仲同babyfai話覺得d服務都唔係開飯講得咁差丫, 放蛋糕都覺得幾好, 不過成日想黎執檯, 同問左幾次上蛋糕未, 次次都同佢講唔係o係度食既…可能同上次重慶一樣都係星期五晚, 太多人等位, 所以趕頭趕命, 影緊相已經放人入黎。

我地出左門口想影下個招牌, 話晒都未必會再黎, 點知個個部相機個鏡頭都朦茶茶XD企晒O係對面街等XD

之後O係對面街影左大合照~~有冇人可以SEND去我EMAIL既~~?

多謝各位既伴手禮呀~我以為今年冇粽食架XD

貓姐既紙袋永遠都咁靚, 男友好鍾意你既棉花糖呀~話好軟滑好好味呀~

另外仲食左ling既紅豆酥, 話好多餡好o岩佢食呀~^0^ 我仲未試呢 ^^"

哎呀唔記得同阿茵交換一塊方包!!蠢左!!!

其餘聽日慢慢試~^.^

PS1 回程途中uncle問下次駛唔駛整返d伴手禮, 收埋收埋咁多XD

PS2 今日見倒阿茵個返工碌好正XD

出席名單：ｂａｂｙｆａｉ，蠍，Catfood，Anne，Irene，LingLing_come，貓姐，丁屎，Martin，茵可煮，Cindy，小刁，靚表姨   

ANGEL香蕉蛋糕

香蕉蛋糕是我喜愛的甜點，亦是恩師離港前常常烘焗的甜點。這款蛋糕的製法並不複習，材料也很容易找到。只要有熟透的香蕉就可以開工了。今次用了KAI的食譜。日本人寫的食譜通常都會很甜。但這個甜度適中，而且好好味。因此，一出爐就吃了兩件﹗收到香蕉蛋糕的朋友，請別怪我﹗

材料：（8x21cm蛋糕模1個分量）

熟透香蕉1隻、檸檬汁、冧酒各2茶匙、牛油100克、鹽少許、庶糖60克、蛋黃2個、蛋白霜料：蛋白2個、砂糖30克、合桃50克、低筋麵粉150克、發粉、蘇打粉各1/2茶匙

預備：在模中鋪上牛油紙。牛油放在室溫中軟化。粉類過篩。合桃烤過後切成粗粒。預熱焗爐170度。

做法：

1.用叉將香蕉壓碎，淋上檸檬汁和冧酒。

2.將牛油放入碗內，用木杓攪軟，加入蔗糖後用打蛋器打至起白色。將蛋黃逐個加入並攪勻，將1的香蕉加入去。

3.把蛋白放入另一個碗，加少許鹽打至起白泡，分兩次把糖加入。打成挺身的蛋白霜。

4.把過好篩的粉類的一半份量加入2中並攪勻，將3的蛋白霜的一半加入並攪勻。加入餘下的各種粉類，餘下的蛋白霜就分兩次加入，保持著起泡的狀態迅速利落地把整體攪勻，最後加入合桃。

5.將糕糊倒入模中，用170度焗約45分鐘。焗完後脫模待涼。

http://hk.myblog.yahoo.com/angel-home/article?mid=534

Cream Chiffon for Michela again XD

原味為風底+甜忌廉, 甜忌廉打得麻麻地, 刎刎下有D水, 跟住再打打唔起, 唔夠o即裝飾…於是用左蛋白糖霜:p

咁睇好似幾靚:p 又影返張 ^^"

棵薄荷生到好長喇, 好亂呀~~~

戰敗的十三次棉花蛋糕

原訂的伴手禮就係佢

原本十二戰已經成功, 唸住整伴手禮冇死啦, 點知大半年冇整…又衰左…= =

一至九戰日本棉花蛋糕、十戰日本棉花蛋糕、十一戰日本棉花蛋糕、十二戰日本棉花蛋糕

火腿絲炒椰菜(附食譜)

又係簡簡單單一人晚餐~

2塊火腿片切絲, +半個椰菜切絲

爆香蒜茸, 下椰菜絲, 炒軟後下火腿絲, 贊油, 加糖1茶匙, 雞粉1茶匙, 五香粉少許調味即可。

Apple Pie for Michela(附批餡做法)

壽星特別ORDER既蘋果批(走提子乾)~ 舊年整左opera俾佢 ^^

上面幅相係冇望住影既XD好似自拍咁就位, 勁哩XDDDDD

D字鋪左錫紙焗, 原來係唔熟架下面= =顏色又冇分別…失敗呢…跟住除左錫紙焗多陣, 又驚其他火農= = 依家D字都唔知熟唔熟… 之後又鋪返錫紙上面, 放涼之後灑防潮糖霜。

下次我想試下上左錫紙之後先掃蛋同灑砂糖, 跟住除左錫紙焗唔知O唔OK呢?

今次用左青蘋果, 唔駛落檸都好好味呢~ 冇上次咁甜, 酸酸甜甜咁 ^0^ 牛油方面由原食譜100g減到60g, 蘋果由3個增至4個, 糖100g, 雲呢拿油少許, 玉桂粉適量, 粟粉水遘量。

牛油曲奇(附食譜)

買左罐軟牛油, 加上原訂既伴手禮衰左…漏夜整左d曲奇

cherry poon《妙趣曲奇》食譜:(約54塊份)

牛油200g+糖霜50g打起, 篩入低粉150g+粟粉50g拌勻。

180'C焗12-15分鐘至金黃, 出爐放涼即可。

好耐冇用過呢個極浮誇伴手禮專用相框XD因為個個月都整蛋糕, 好耐冇整過伴手禮:P

美麗華酒店 yamm buffet

先旨聲明, 我係未去食架~ 不過睇newsgroup o岩o岩有人食完強烈推介, 跟住又有人食過re佢, 大家都講到好正news://3home.net/483d7dd6@news.3home.net 跟住上網search, 見倒有d blog同ourrice既食評都好好, 加上新開比較有信心(好多時d食評都係話keep唔倒, 我唸最正都係開頭)

樣樣都話物超所值, 而且唔只一個人講, 貴價野有和牛, 阿拉斯加蟹腳, 海膽, 即開生蠔, 龍蝦仔, 連lunch buffet都有生蠔~午市食評

佢其實係半自助或, 據說服務好到不得了, 有個main course, 聽講油浸三文魚好好味, 熟既不過好似刺身咁滑 *0* 刺身既質素食2轉已經回本 @0@ 仲有意外地天婦羅同牛腩河得到極好評價, 當然唔少得我至愛既煙三文魚(大大舊, 唔太鹹又夠香),  仲有一籃好有特色既麵包。

講到好似自己食過咁 :D~~~~~~~~~~~~~

大家有興趣可以睇下不眠王子既詳盡食評, 一共有5篇關於yamm

不過在我黎講有d貴, $458/位(一至四), $498/位(五至日), 午市連加一約$230 

電話:2315 5111      地址:尖沙咀彌敦道118-130號

o岩o岩介紹左個捨得食既同事去, 佢睇過d相都話正。

網頁介紹

 

洋蔥火腿蕃茄乾六辮包(湯種)

經過blu-tack練習之後今晚再戰六辮包, 似樣好多喇:p 不過可能太鬆軟, 扎得好鬆手, 一來個麵糰好濕, 多手粉,  二來送狗糧既人黎緊…男友又返緊黎極匆忙…所以冇時間執, 好鬆手咁扎完就算, 整出黎個包好鬆軟, 不過個形唔夠扎實, 可能因為呢個譜本身唔係for辮子包?

今次呢個極大個, 差唔多成個18L焗盤對角咁長, 份量大約21Xg粉。

終於用左Audrey好耐之前送俾我o個盒蕃茄乾:p 原來係好鹹的, 好在試左味^^

包包加左火腿, 洋蔥同蕃茄乾粒粒, 調味落左黑椒同百里香~

由於會加洋蔥驚太濕, 麵糰減左大約10g水, 湯種亦少左6g, 後來先搓緊時乾乾地又加左d水, 跟住加左洋蔥, 雖然叮過, 不過都係太濕, 可能叮得唔夠時間? 之後又加返粉, 摸落都係濕濕地, 不過第一次發酵發得勁大!*0*

切片

食評: 好軟呀~~ 同尋日既扎實口感完全唔同。來自2個唔同既食譜, 呢個本身係吐司食譜, 唔知有冇關係。同埋呢個係湯種包包。我同專員都覺得好味 ^^ 佢就鍾意洋蔥火腿~ 我就鍾意帶鹹香既包包 ^^

第二日食都仲好軟, 唔駛叮 ^0^

呢排都係鍾意食鹹包 ^^

食譜~cherry poon牛油曲奇

牛油曲奇

材料:

牛油100克

糖霜25克

面粉75克

粟粉25克

制法:

1.      牛油與糖霜打滑

2.      篩入面粉及粟粉混合成面團

3.      o即花，然後放入180度焗爐焗12分鐘至金黃色

http://hk.myblog.yahoo.com/cherry-home/article?mid=112&suc=1

cake diy-20080527

尋日又去入貨, 原本係想買7寸批盒, 可惜買唔倒…順手買埋屋企冇左好耐存貨既whipping cream, 見倒有芋粉又買包, 見倒呢個睇落幾好用既刮又買埋, 仲有發粉同高粉就用完又買左包, 行行下又見倒呢隻罐裝牛油, 唔知好唔好用呢?

豬仔涼粉

同專員一齊吸既豬仔涼粉 ^.^

豬豬洗牛奶浴~ ^0^

煙肉炒雞塊+鹹魚蒸肉餅+沙茶炒粉葛

第一二味都係惠康買一pack醃好晒o個d, 又幾好味喎~以前覺得十幾蚊包好貴, 依家覺得好抵…仲有時間俾我整包包:p

肉餅見倒成份有雞紋肉*0*

第一次炒粉葛, 之前已經聽講可以用黎炒, 不過又唔知點炒, 唸住沙茶醬+糖炒冇死~ 唔知難唔難炒, 於是飛左水。食落有d爽爽地又有d淋淋地粉粉地唔知點形容, 不過好惹味~ 個樣好似d香口野XD

飯後甜品-豬仔涼粉

合桃六辮包

包面掃左蛋黃, 似乎太杰?:p 出爐一陣蛋黃香XD

照食譜減左少少水, 今次一路搓一路加, 因為最近搓包都覺得好濕好難搓。今次到最後發酵都好順利, 唔知係咪造型時拉長左D包, 又冇2端整幼D, 整出黎成條一張粗咁…外皮有D硬, 切開黎食口感扎實有D似方包, 組織好密, 係咪咁既呢?

食評: 好香合桃味, 質感似方包, 口感扎實密度高。

外型, 點解用左6辮扎出黎好似普通3辮咁既?@@

O岩O岩用BLU-TACK睇住片練習左幾次, 我唸我應該識整喇XD原來之前係錯架XD再戰先! ^0^

足料提子包(湯種)

專員前日叫我整個好多提子既提子包, 佢話唔要好似出面o個d咁有幾粒o係面, 就真係得o個幾粒…入面冇既…

於是尋日放工就開工, 整湯種, 浸提子乾, 150g粉, 落左滿滿一小碗提子乾XD

用左11g高粉+55g水整左湯種, o岩o岩好一次用晒 ^0^

不過尋日晏左放工, 6:30開始搓包, 搓左半個鐘都係好黏咁, 加左少少手粉, 切左一忽test過有薄膜就拎去發酵, 發左大約40分鐘, 手指測試第一次有少少收縮, 第二次冇縮就拎出黎加提子乾。(其實我都唔記得係咪呢個時間加@@)

skip左靜置呢part, 搓圓就放o係焗盤上。

8:00就要出門口…時間無多, 放左o係開著既爐頂加速發酵, 點知都係入唔倒爐, 入左雪櫃…去完街, 3個鐘頭後返黎先拎出黎, 又放上爐頂回一回溫, 最後焗左大約18分鐘上色就出爐。

外觀方面：第二次發酵前後都唔滑, 可能一來太多提子, 麵糰又太黏手, 包面睇落硬硬地, 比入爐前平滑左。

食味：出爐時入面好似出面d美味芝麻卷咁起晒絲, 不過今朝食已經略硬，要叮返軟先好味。

食譜方面原用之前整蘋果麵包同花生醬麵包個譜，轉左黑糖。

麵包咬一口XD

呢2幅係o係學校食o個陣影既

檸檬芝士戚風 cheese chiffon

上次講過柚子豆腐同芝士都想做好耐~今日整左芝士喇~不過我估都未必夠味:p

個譜本身用40gcream cheese, 我見佢話冇味, 就落左50g, 不過唸起日式芝士蛋糕要落250g, 都估倒呢個唔會好夠味, 只係試左少少蛋糕皮, 仲未試味~

做法: (1個6寸+1個4寸)

蛋白4個+糖48g打起, 蛋黃3個+糖21g略打, cream cheese50g+水60g(比我平時整戚風多12g呢!好冒險呀!)+油20g(比平時少20g, 因為cheese有油, 又比原食譜少5g, 因為芝士比原來多10g)分2次共叮40秒, 加入蛋黃中打勻, 篩入低粉70g+發粉1/4茶匙用手動打蛋器拌勻, 分次加入打起蛋白拌勻, 最後以刮刀拌勻底部沈澱即可入爐。(我o係蛋黃漿度加左少少檸檬皮碎)

6寸: 180'C焗30分鐘

4寸: 180'C焗20-25分鐘

倒扣

4寸

其實平時整6寸都爆晒, 今次分多一個4寸出黎~o岩o岩好~ 今晚同媽媽食飯帶左俾佢~

食評: 我食唔出有芝士味, 唔食芝士既同事都食唔倒, 只係食倒檸檬(我加左少少檸檬皮絲)有2位同事食倒芝士味*0* 我唸要用似日本芝士蛋糕落咁多先夠味(成250g呀*0*)

藍莓香蕉果醬 blueberry banana jam

繼之前整過士多啤梨同香橙之後, 今次到呢個比較特別既口味~ 主要係為左清理屋企盒藍莓。

呢個口味見catfood媽媽整過~尋日行書局又見倒呢本食譜, 最後去左圖書館借~點知原來我得100g藍莓, 買左2隻蕉, 只係要半隻…我落多左少少~:p 試味後又加多左檸檬汁~好味喎~估唔到2樣野咁夾^0^

第一次整士多啤梨果醬時放涼先入樽, 又好懶咁就咁筆黎食, 結果好快發毛~ 今次睇食譜先知要熱入(上次樽橙咁o岩熱入), 不過要冇空氣, 細o個樽就入左d空氣…跟住要抹乾淨樽口, 倒轉個樽殺菌; 而大o個樽由於唔滿, 所以o係醬面加左保鮮紙隔絕空氣。

食譜話要保存得耐糖份就唔可以減, 所以加多左少少檸檬汁中和下~:p

意外地好味喎~*0* 估唔到2樣野咁夾~!

17小時黑椒香草火腿芝士吐司

改自獨角仙食譜, 糖由39g減至2xg, 都擔心智影響發酵, 不過轉左整鹹包唔想咁甜。

原本想整香橙吐司, 之後又想整提子乾, 最後都係想食鹹包, 整左火腿芝士, 加左香草同黑椒落麵糰度搓。

今次麵包機搓, 唔多濕喎又~仲加左dd水

不過唔到頂…發左45分鐘大約8, 9成滿, 不過入爐後冇咩升高@@仲同上次一樣唔上色, 加時5分鐘都冇色, 最後甩模再焗左差唔多十分鐘。

卷火腿同芝士本來都好地地, 一切點解唔係一圈圈既? 跟住先醒起我打左直放=口= 下次應該分2糰, 放返o岩方向XD

不過都幾好味, 係我鍾意既黑椒香草芝士味 ^0^

17小時吐司I

 

豬柳漢堡

其實係之前McDinner既漢堡同english muffin, 加千島醬

上次唔夠時間煎左2面之後塊漢堡拎左去叮, 濕左d, 今次煎完拎左去焗, 好好味呢~^0^ 包包叮熱廿秒, 加千島醬~估唔到咁好味^0^ 亦好飽~~

呢個就係我今日一個人的簡單午餐喇~^0^

鍾無艷

好耐冇post過歌, 近排成日聽既一首歌, 好好聽^^ 唔知唱k有冇得唱呢~ ^0^

 

謝安琪 - 鍾無艷
作曲：Christopher Chak
填詞：林夕
編曲：陳珀
監製：梁榮駿

其實我怕你總誇獎高估我堅忍
其實更怕你只懂得欣賞我品行
無人及我用自絕重拾了你信心
無人問我可甘心演這偉大　化身

其實我想間中崩潰脆弱如戀人
垂在你兩臂中低得不需要身份
無奈被你識穿這個念頭
得到好處的你明示不想失去絕世　好友

沒有得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　卻不配愛下去
在你悲傷一刻必須解慰找到我樂趣
我甘於當副車　也是快樂著唏噓
彼此這麼了解　難怪註定似兄妹一對

其實我怕你的好感基於我修養
其實最怕你的私心虧準我體諒
無人問我寂寞像投何處去養傷
原來是我的心境高到變為　偶像

誰情願照耀著別人就如月亮
為奴婢為你備飯奉茶是殘忍真相
無奈被你識穿這個念頭
得到好處的你　明示不想失去絕世　好友

沒有得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　卻不配愛下去
在你悲傷一刻必須解慰找到我樂趣
我甘於當副車　也是快樂著唏噓
彼此這麼了解　讓我決定我的快樂

哪須得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　無須裝說下去
在你悲傷一刻必須解慰找到我樂趣
我甘於當副車　卻沒法撞入堡壘
彼此這麼了解　難怪註定似兄妹一對

你的她怎允許　結伴觀賞雪的淚
永不開封的汽水　讓我抱在懷內吻下去

自製麥當當早餐(附食譜)

好唔肆正既包包同漢堡…

不過漢堡好好味呀~用左一舊半肥瘦梅頭自剁+免治瘦肉, 加乾蔥碎3粒+蒜茸1瓣+蛋一隻, 麵包糠少許, 黑椒, 鹽同醃, 放入膠袋撻幾下, 造型入冰格雪一陣, 慢火煎。

english muffin《烘出麵包香》食譜:
做法：（8個份)
1. 1.5茶匙酵母+2湯匙水靜置10分鐘, 加入1tsp鹽+0.5tsp糖+300g高粉+15g奶粉+180ml冷水攪拌成團；
2. 加入0.5Tsp牛油攪拌至光滑有彈性, 而且比較濕潤的麵糰；
3. 將麵糰放入碗裏, 蓋上保鮮紙, 靜置發酵45分鐘。
4. 將麵糰從碗裏拿出來, 並沾上粗粒麵粉, 然後將麵糰放在焗盤裏；
5. 再讓麵糰發酵20分鐘，即可將它放在不黏平底鍋裏，用慢火煎約7分鐘，然後反轉煎6分鐘，或至金黃色即可，將鬆餅移至網架上冷卻即可。

同上次一樣整左半份, 所有材料用麵包機搓好發酵, 整緊漢堡第一次發耐左, 之後搓圓造型直接放o係平底鑊上作最後發酵, 蓋上保鮮紙作最後發酵。慢火每面煎6分鐘。

3隻蛋+花奶打勻, 平底鑊慢火炒。上碟+幼鹽, 黑椒, 香草。

急凍麥樂雞+薯餅(200度焗左5分鐘, 之後再230度焗10分鐘)

第一塊好樣D, 之後2塊火農左…所以反面:P

食譜用返之前整豆沙餅O個個, 60g低粉+1.5g發粉+30g黑糖拌勻, 加7g蜜糖+1隻蛋+30g奶拌勻, 慢火煎幾分鐘即可。

鮮榨橙汁

只係食剩左一塊熱香餅*0*

香橙果醬(附食譜)

上次自己亂整過一次衰左，今次跟譜整，原來個橙要先煮35分鐘！　

蔡師奶食譜(300g份)

2個橙, 1個橙皮, 糖200g, 檸檬汁半個

做法：
1. 橙吉窿煮35分鐘, 皮切絲(去白), 肉切粒；
2. 橙肉＋皮＋檸汁煮5分鐘, 分次加糖煮4分鐘, 大火煮杰。

屋企有吃不完的橙XD 成日都可以整

豬肉乾V

買親肉碎就想整豬肉乾係專員食~^^

好耐冇整過喇, 對上一次原來已經係一年前既事*0*! 唔係好記得點整, 唔記得要幾厚…結果厚左…(上次又太薄…)都焗左幾耐下, 焗多左10-15分鐘先OK~

只此一塊

專員報告：好味！

豬肉乾I(附食譜)、沙爹豬肉乾II、沙爹牛肉乾III