是次台北之行仲買左呢3本書
左下係《24個比利》作者另一本作品, 幫男友買既, 我自己仲未睇完《比利戰爭》
右上係《追風箏的孩子》新作, 我鍾意既女人書, 《追風箏的孩子》聽得多又拍左戲反而唔想睇:P
右下係藍帶食譜~ 呢本好吸引, 每一種食材, 如朱古力, 草莓, 熱情果咁, 逐一介紹, 然後附有相關係譜, 蛋糕又靚, 幾吸引, 最重要係我未O係香港見過(可能其實有不過我未發現), 於是咁重都帶返黎~暫時仲未試整。其實誠品有D好抵既藍帶食譜, 一本280台幣, 2本1SET都只係380, 不過我又唔想買, 之前買左本《基本中的最基本》都未用過…
左上O個本主要係因為我睇完《不存在的女兒》,幾鍾意睇兒童成長, 或者女人故事, 而且佢同《不》分別O係美國同英國彈出, 所以有D興趣。
快啲整食譜嗰本喇…
ReplyDelete[版主回覆05/01/2008 21:28:00]哈哈
好多食譜都未整過呢~ tony wong o個d都仲有好多想整
如果我再去台...搬書都係一件大事....哈哈哈
ReplyDelete[版主回覆05/01/2008 21:56:00]有本好唔錯既朱古力食譜冇買到, 其實好平好抵買, 不過我o個一刻實在太~~~抗拒朱古力:p
獻給阿爾吉儂的花束。好好睇~~我睇完24個比利之後就買灑呢個作家既書啦~~
ReplyDelete[版主回覆05/02/2008 00:54:00]我睇完之後冇買比利戰爭, 反而係男友睇完話要買, 依家我睇緊, 不過第五個沙莉我地都冇興趣, 呢本o係香港d大書局唔見有, 特登o係台灣搵架~:p
你好呀.. 我係烘焙初哥.. 黎緊六月初會去台北.. 想問問你有冇咩烘焙書推介我呢d新手呀?? 因為我其實係多倫多讀書既, 想係呢個暑假係香港學好佢, 等下年出黎住可以自己整多d麵包呀, 蛋糕等等..! 唔該哂!! =)
ReplyDelete[版主回覆05/02/2008 08:11:00]台灣o個便聽講藍帶系列幾好, o個邊買好抵, 不過我2本都未用過:p 香港就tony wong o個2本必買, 麵包書我幾鍾意烘出麵包香, 都係香港有得賣, 台灣食譜我唔係買好多咋, 都唔係好記得d名…幫你唔倒呀…或者你可以上誠品個網睇下先, 揀定, 再問下大家好唔好呀?
唔該哂你既意見呀!! 好早起身喎你.. 好勤力打blog呢! =) 其實我一直都有追開你個blog同食譜! facebook group我都有join 架!
ReplyDelete[版主回覆05/02/2008 08:58:00]^^ 我返得早嘛
係台灣買個d書幾錢架?
ReplyDelete[版主回覆05/03/2008 02:00:00]呢幾本分別係NT180, NT300(79折), NT320(85折), NT380
hi,你都有睇比利啊!!我都有睇架,超好睇啊!!!但比利戰爭好似無24個比利 咁好睇,所以我睇左小小就無心機追落去la...咁你家下睇曬未啊!!!其實好唔好睇架......阿爾吉隆講咩架,我去書局都有見過下依本書啊!!!
ReplyDelete[版主回覆09/15/2009 14:16:00]係呀我都有睇^^ 通常續集都爭D:P我睇晒喇, 都忘記晒喇XD 呢本我冇睇呀XD 我都唔知講咩:P 買俾男友架
哎呀,你唔記得曬LA..仲諗住問你好唔好睇TIM....好睇就租來睇下麻...^^
ReplyDelete[版主回覆09/15/2009 15:23:00]O係邊度租?
我借俾你都得啦
諗住上網book圖書館租炸,我上次個本都係問fd借,但點知佢無買戰爭,所以諗住去圖書館借炸....會唔會唔好意思,問你租,本書又係你bf,唔知佢o唔ok woo....方便你先借俾我la...^__^
ReplyDelete[版主回覆09/16/2009 02:11:00]佢睇完架喇~依家都O係我個書架度冬眠緊XD
係啊,如你方便先借俾我睇,但我驚我睇好耐先可還俾你....
ReplyDelete[版主回覆09/16/2009 11:44:00]我地遲下可以搞個MASA聚會喎
係woo,係woo,我都有add d一齊影masa既blog友啊,你有無啊~~
ReplyDelete[版主回覆09/16/2009 13:24:00]有呀~ 不如返o個邊傾 ^^"
我次次去都忍唔住買一大堆書 (任何種類, 除左哲學), 點知... 都無時間睇!
ReplyDelete[版主回覆03/04/2010 08:14:00]我唔會啊~ 好多香港都有得賣, 馬健記仲長期八折, 所以盡量都費事拎
下次去行下書局街聽講多好多又平
今次都冇行書局