蘋果批茶會

今日幾位同事黎開茶會^^ 第一次請朋友返黎食T~簡簡單單整一個大批, 一人切一件出黎食, 玩下大富翁, 打下機咁, 好不寫意^^

星期五晚整定個杏仁甜酥皮(sugar crust with almond) , 浸定rum酒提子酒。

材料有牛油150g, 低粉250g, 糖霜90g, 杏仁粉35g, 蛋60g, 所有材料拌勻, 雪三小時以上。

尋晚拎落下格, 今日擀成4mm厚, 鋪撻模上, 刺小孔, 灑上杏仁粉。同時預備一塊鋪面, 擀平後放冰格備用。

煮蘋果餡

蘋果4個去皮切粒, 牛油100g煮蘋果粒, 加糖80g, 蘋果會出水, 倒去一半水份後, 煮滾, 加玉桂粉拌勻(必須煮滾才能拌勻), 加粟粉水煮杰, +雲呢拿油及rum酒提子拌勻即成。

加入批底至8-9成滿。批邊掃蛋液, 鋪上面皮, 掃蛋液, 灑上砂糖。 

230'C焗約18分鐘至表面金黃。

食得喇~^0^

個人認為批底唔脆, 得面脆, 蘋果用左加拿蘋果而唔係青蘋果, 太甜, 雖然已加檸檬汁同減糖(由原食譜100g減至80g)。

留左一件俾專員, 佢一路食一路講左3次好味呢^^ 另外問過人話批底因為蘋果餡濕係唔脆個喎, 究竟係咪呢? 係咪冇方法可以脆呢?