早排情人節上畫已經想睇, 今日終於同daddy仔睇左。雖然覺得女主角好醜樣(側面幾靚), 不過無礙我覺得齣戲好好睇。雖然唔係有咩新意, 不過可能係每一個女人既夢想。有一個咁錫你既男人, 到死都為你安排好一切。
老生常談, 早一步走o個個比較幸福, 留低既最痛苦。既成未亡人, 難得對方為你切想周度, 何其難得, 不幸中亦見幸福。
眼淺既我隔幾幕就流一次眼淚, 最初感覺好似《龍鳳配》最後一幕因感到劉華好愛sammi而感動落淚, 今次亦然。男主角好愛女主角。應該話, 佢地都深愛對方。
片首交待佢地嗌交到修好交待得好好, 完全感受倒佢地好愛對方, 當時已經結婚九年。
唔造作, 唔過份理想, 合情合理。
除左男主角同一班好姊妹, 女主角媽媽亦非常愛錫女兒, 幾唔鍾意男主角都好, 臨終交託俾佢既都不付所望。
全片充滿愛。我喜歡。 ^^
我都幾鐘意lee套片..
ReplyDelete之前同我個frd去睇..我地2個都有喊..
之後我先知原來佢有小說架
[版主回覆05/04/2008 18:59:00]我知呀, O係誠品都有留意, 不過覺得電影會好睇D
我都買左佢本英文小說黎睇呢!
ReplyDelete[版主回覆05/04/2008 18:59:00]睇左未呀? 有冇睇戲?
哈! 終於等到佢出碟喲....因為我都係 miss 左耶
ReplyDelete[版主回覆05/05/2008 22:45:00]推介~
咁推介, 真係要睇睇
ReplyDelete[版主回覆05/05/2008 23:15:00]其實冇咩特別, 不過感受倒愛 ^^
呢套戲我情人節果日睇...睇到呢..... 我覺得個男主角真係好愛佢老婆...細膩!!! 總之成套戲都好鍾意......!!!!
ReplyDelete[版主回覆05/07/2008 00:37:00]yeah~ 555