雞蛋仔

細個搭校車經過雞蛋仔檔, 同學指俾我睇我又睇唔倒, 我完全唔知咩係雞蛋仔@@ 一心唸住係好似奄春蛋咁…XD

已經第三戰雞蛋仔喇~ 之前試過2個譜都勁痴模, 今晚心血來潮試下小魚個譜, 終於唔痴喇~ 勁易甩, 到第三底仲唔駛掃油添呀~(其實可能一開始都唔駛點掃??@@)

整左2/5份, 淡奶用左奶粉開。整到第三底慢慢開始捉倒火喉應該點較, 不過已經好飽唔可以再整喇XD

開頭唔知應該整幾耐, 驚中間唔熟又驚個面唔脆, 仲有中間平面O個度好易火農! 下次再努力過~我好鍾意食雞蛋仔架~>3<  原來放返涼就脆架喇~:P仲好快定形^^"

高小魚食譜(來自萬記) 細雞蛋仔模7-8底

粉料 :   5  安士麵粉、1/4 茶匙發粉、1  安士生粉、1  湯匙吉士粉
材料 :   5  安士糖、5  安士水、2  隻雞蛋、2  湯匙淡奶、2  湯匙生油

做  法 : 
(1) 先將所有粉料一同篩勻備用。
 (2) 然後將雞蛋及糖打起，加入奶水打透。
(3) 再將篩好的粉料與水一同加入糖蛋漿內，打透成麵糊，最後加入油拌勻。
 (4) 將雞蛋模兩邊燒熱，麵糊注入蛋模內至八分滿，將模夾緊搖勻反轉置爐上，以中慢火底面各燒兩分鐘，即可用叉起模進食。

備  註 :   若要做朱古力或加芝麻，可於打透的麵糊中加一湯匙朱古力粉或芝麻，拌勻便可。

唔駛加可可粉已經好似朱古力啦XD

雖然火農左, 不過係一個好既開始^^ 唔痴模已經好大進步呢~^0^