蜂蜜蛋糕III

第三次整蜂蜜蛋糕, 第二次用為食貓個譜, 即係前日(蜂蜜蛋糕II )個譜。

上次用左低粉, 今次溝左一半高粉, 再減一半份量, 即係原食譜既1/4。轉左矽膠模, 慕求做到木模傳熱慢既效果。焗之前鄧左好多下, 又搵竹簽撩撩撩, 令空氣排出。甩模後特登雪左4個鐘先切。略略減左溫。

專員話同上次比質感密左, 好味呀~ 我話同義美有D咩分別呢?佢話義美O個D好似雪左好耐咁, 叫我雪多2日試下。我覺得撩走空氣係有用既, 而用膠模亦令蛋糕上升速度減慢, 不過都有D凹。再雪多晚聽日食睇下有咩分別。JOY話要焗5分鐘拎出黎攪攪, 重覆幾次, 圖中所見都仲係比原裝多氣孔, 下次再努力!