有幾多人覺得生日一定要收禮物既呢?尤其男女朋友既禮物
有幾多人口話唔介意,到時其實係會介意既呢?
其實無論生日又好記念日又好, 2個人一齊, 有人記得咪得囉,。我讀書時已經覺得生日禮物好少揀得中, 都係杯呀相架呀咁…都係一張生日卡來得有意義, 情人間更加唔需要等到生日,再特別送禮物啦(其實朋友間都係), 見倒O岩就可以買俾佢, 冇理由買左等生日先送家嘛(雖側我以前就試過…有人買左樣野俾我…等左一排到我生日先送…= =) 送禮係唔需要理由架…同樣地, 到左特定日子冇得送都唔緊要, 朋友記得, 情人陪伴就夠啦~
(睇笠谷有感)
Morning! 初初拍拖就會花心思去揀...拍拖越耐越唔知買咩, 可能已經買過晒....所以我都係唔一定會送 / 會收架
ReplyDelete正如你所講買禮物唔洗分時候既!
[版主回覆05/02/2008 10:28:00]我都係得第一年有預備禮物:P 之後都係蛋糕XD
係喎你個二十年既愛情故事係點架?
禮物我同男友都無咩所謂, 通常都會食餐好既, 如有時間就會整蛋糕
ReplyDelete[版主回覆05/02/2008 10:52:00]係囉, 咁咪夠囉~ 尋日睇谷見倒有個女人冇買禮物俾男友, 開頭又話唔介意, 之後又黑面, 最後要補返份禮物…佢2個加埋成80歲…
生日通常都係比個藉口自己去食餐好既
ReplyDelete[版主回覆05/02/2008 13:39:00]但其實有人好享受為對方準備禮物既過程, 我就覺得臨急臨忙邊揀倒好野架
可能個女人黑面係因為唔似你咁幸福卦…平時都收唔到，連生日都收唔到，好可悲咁無心咪黑面。我估。好多女人都口是心非架喇…
ReplyDelete[版主回覆05/02/2008 13:40:00]黑面o個個係男人黎架, 平時成日買野俾女友, 到自己生日話唔駛禮物, 點知女友真係大表示時佢就黑面, 後尾女友先補飛
講真喎, 生日禮物在有記憶中十隻手指都數得晒, 仲有剩
ReplyDelete[版主回覆05/02/2008 13:41:00]你恨唔恨收?
原來係調返轉呀…哈哈…我睇錯左添，咁個女人真係唔識做喇…平時有送…個男就唔會黑面。
ReplyDelete[版主回覆05/02/2008 13:50:00]佢地都只係3個月, 可能未有機會睇o岩, 不過我點都覺得唔應該黑面, 其實男人鍾意收咩呢? 會唔會係女人為佢煮一餐飯?
我覺得每個男人想收既野都唔同既…好難有個Guidelnie既…若係人地女朋友，跟官咁耐無理由唔知官性乜，有心既實摸到自己男友想要啲乜。摸唔到咪直接啲，問佢想要乜，陪佢去買俾佢。
ReplyDelete[版主回覆05/02/2008 14:23:00]講真我都唔係好知佢要乜…^^" 淨係識買野食俾佢:P
無禮物有咩緊要, 有咪開心d囉!!!!!
ReplyDelete你真係識諗呀^^
[版主回覆05/02/2008 14:52:00]^^ 我唔係收倒咩禮物都會覺得都係一番心意而開心既人, 如果真係好唔O岩心水, 為免送禮者唔開心, 我都會扮鍾意, 所以細個好怕O係人地面前拆禮物, 跟住要答鍾唔鍾意… ^^"
好似之前都有講過交換禮物我又係好怕…買又煩, 收又實唔O岩心水…^^"
買野食俾佢，佢又受…咪得囉…除非佢投訴你啫…都無出聲。
ReplyDelete[版主回覆05/02/2008 14:49:00]佢鍾意食野嘛XD 去街見倒覺得佢會鍾意就會買俾佢^.^ 同手信既道理一樣, 都係俾對方知道你心裡面有佢之嘛
我自己反而鍾意呢D小禮物, 覺得好有情趣 :P 讀書時覺得寄糖過外國好好架, 好似好親近咁 ^^ 有個同學追女仔會考O個陣日日寄粒糖俾佢, 我都覺得好SWEET架~ ^0^
2個人一齊生活, 好多野都冇計, 仲邊有話乜野係禮物咁丫, 我真係冇所謂, 最緊要唔好為買禮物而買, 冇意思呢, 尤其情人節既花XD 成本高效用低…
雖然情人節既花係成本高效用低…但一年一次，收到會好開心架…若同個男講，咁貴，唔駛買喇…佢真係唔會再買，我覺得俾個機會等個男既為自己付出下，個男先會覺得佢係愛緊個女架…我睇專欄咁講既
ReplyDelete[版主回覆05/02/2008 15:57:00]哈哈, 我覺得好老襯…
我一向都叫男友唔好係情人節送花，因好唔值，另外我哋亦會提早去慶祝，嗰日咩都係錢又唔值，係開心日日都係情人節
ReplyDelete[版主回覆05/02/2008 18:06:00]我地多數會O係屋企煮大餐呢~^0^ 或者去D唔係西餐既食肆就唔會俾人晾喇~
對於我，只要身邊有人記得我生日，同我講一聲生日快樂已經很滿足。
ReplyDelete因為我本身無乜朋友。我過得最開心，就係上一年既生日，因為識咗一班新朋友，呢班朋友同我準備咗神秘生日會。
雖然我無喊，但係好感動。
其實，有無禮物真係唔重要，一聲：生日快樂，對一些人嚟講，已經感到好滿足。
[版主回覆05/02/2008 18:05:00]同意呀, 記得咪得囉, 唔記得都好閒~ ^^ 不過親人同情人就一定唔可以唔記得!
我又好少收到D唔鍾意既GIFT, 好在姐!
ReplyDelete不過小朋友果時收到杯同相架會好坦白咁話:又係呢D野呀?
[版主回覆05/02/2008 18:05:00]咁就唔會收倒XD 不過我唔會表示唔鍾意, 怕送既人唔開心^^"
我覺得最緊要係有人陪我食餐勁既就已經乜都夠XD (所謂勁係指份量)
ReplyDelete[版主回覆05/03/2008 10:08:00]XD如果佢細食咁點
下星期三就佢生日喲~~~ 今年都冇時間 plan 定添....
ReplyDelete其實結婚後呢幾年都係屋企煮餐豐富既 dinner, 今年仲趕唔趕得切呢??
[版主回覆05/03/2008 01:26:00]呢排好多朋友既男朋友生日呢~:p
我同我 D 朋友生日都只係會食餐飯, 唔會買禮物, 大家都費時煩, 買得唔好又唔高興又浪費, 所以已經好多年生日都無收禮物, 有心咪得囉, 好朋友唔係俾份禮物你先至係好朋友, 講心O架麻.
ReplyDelete[版主回覆05/03/2008 01:45:00]依家就會整生日蛋糕俾人囉~XD
其實，每一次我都希望收到禮物，而家都冇互送禮物，雖然如此，每次我都會花盡心思去攪一個屬於我與他的生日、紀念日。禮物冇唔緊要，最緊要係有佢係我身邊與我一齊渡過。
ReplyDelete朋友方面大家都老左，所以都係食餐飯算喇！都冇送禮物。有時食飯都好難就，所以人越嚟越少人，因為各有各忙。
[版主回覆05/03/2008 01:44:00]我地生日都係食下飯, 可能食下自助餐, 去下澳門咁, 都唸唔倒咩特別野, 有時又要返工呢
和男友同居後. 已經好少送禮物了. 但就會一齊煮飯仔
ReplyDelete我反而鍾意收生日咭. 因為以後睇番都會好窩心
[版主回覆05/03/2008 10:07:00]我同意, 不過要我寫就唔知寫乜
我已經遇著咁既情況, 所以我會食埋佢個份XD
ReplyDelete[版主回覆05/03/2008 11:11:00]你係咪咁大食呀~?
真架, 我食起上黎真係唔係人咁品架~haha
ReplyDelete[版主回覆05/03/2008 12:31:00]你駛唔駛減肥架?
係呀~~如果要到果d日子先特登做d野~~我覺得反而冇意思~~平時對人好就夠啦~~~!!唔係就會變左公式化咁
ReplyDelete我要分part減架, 但唔知點樣先可以淨減最肥個幾個位.....
ReplyDelete[版主回覆05/03/2008 19:44:00]做運動囉, 分PART一定要靠運動收緊
卓卓覺得有人記得有人同自己開開心心咁過節就好好喇
ReplyDelete你講得啱呀
好多時d禮物都唔係好啱心水的
除非係自己要求買架啦
[版主回覆05/04/2008 01:17:00]有禮物收又好開心既, 有時有D野係要人送先開心, 唔係錢既問題, 有D野自己買好無謂…人地送就格外有意義 ^^ 不過都係唔明點解要等到特定日子…
'不過都係唔明點解要等到特定日子… '
ReplyDelete係囉
如果平時都失驚無神有禮物收
應該仲開心d
[版主回覆05/04/2008 01:47:00]係囉
送花都係一樣
個個都有收倒有咩威…人人都冇先威嘛, 不過最唔好就係2月15送啦…除非特別日子, 如果係貪平不如平日啦…呢d日子好"火羅"
嘻
ReplyDelete咁又真係幾激氣既
其實最緊要係兩個人有默契囉
其實兩個人一齊
溝通到係最重要既
[版主回覆05/04/2008 12:20:00]其實我又冇試過, 所以冇咩激氣 XD 只係見倒人地咁樣覺得好奇怪