洋蔥火腿蕃茄乾六辮包(湯種)

經過blu-tack練習之後今晚再戰六辮包, 似樣好多喇:p 不過可能太鬆軟, 扎得好鬆手, 一來個麵糰好濕, 多手粉,  二來送狗糧既人黎緊…男友又返緊黎極匆忙…所以冇時間執, 好鬆手咁扎完就算, 整出黎個包好鬆軟, 不過個形唔夠扎實, 可能因為呢個譜本身唔係for辮子包?

今次呢個極大個, 差唔多成個18L焗盤對角咁長, 份量大約21Xg粉。

終於用左Audrey好耐之前送俾我o個盒蕃茄乾:p 原來係好鹹的, 好在試左味^^

包包加左火腿, 洋蔥同蕃茄乾粒粒, 調味落左黑椒同百里香~

由於會加洋蔥驚太濕, 麵糰減左大約10g水, 湯種亦少左6g, 後來先搓緊時乾乾地又加左d水, 跟住加左洋蔥, 雖然叮過, 不過都係太濕, 可能叮得唔夠時間? 之後又加返粉, 摸落都係濕濕地, 不過第一次發酵發得勁大!*0*

切片

食評: 好軟呀~~ 同尋日既扎實口感完全唔同。來自2個唔同既食譜, 呢個本身係吐司食譜, 唔知有冇關係。同埋呢個係湯種包包。我同專員都覺得好味 ^^ 佢就鍾意洋蔥火腿~ 我就鍾意帶鹹香既包包 ^^

第二日食都仲好軟, 唔駛叮 ^0^

呢排都係鍾意食鹹包 ^^