有同事話唔覺我瘦左+休息一下

通常D人好少無啦啦走埋黎話唔覺你瘦左家嘛, 不過今日放學撞倒2個同事, 其中一個就係尋日叫我唔好再減, 話我好憔悴O個個同事(A), 佢今日又同另一個同事話我真係瘦左好多, 跟住o個個同事(B)就話佢唔覺, 佢覺得差唔多, 跟住a又話「你唔好咁講添呀, 一陣佢又淨係食菜架喇, 你知唔知佢食d咩呀」當時我正趕住去銀行所以走先。

我自問都覺得自己唔係同減肥前差好遠, 當時唔係好肥, 依家又唔係好瘦, 其實唔係咁覺眼, 雖然牛仔褲細左3個碼, 不過我都相信有d人係睇唔出的, 唔係話瘦得好明顯o個種, 加上我攤得好長黎減, 開始至今不經不覺已經將近八個月, 你地睇返我舊年生日d相都睇倒其實同依家唔係差好遠~

依家唸住休息一下先, 唔好食太多好似之前咁放縱, 不過都唔想日日LUNCH HOUR出去行1個鐘趕頭趕命流晒汗咁...行到腳板底都痛埋, 停左個幾星期都仲痛, 都係轉返STEPPER啦, 反正依家膝頭唔痛。食野方面早餐都唔想再食麥包咁悶喇, 食下唔同既包包, 有餡野~不過唔好食咁多, 一個美味包包其實都唔過份丫~午餐就唔好食咁多, 同埋食多D高纖野, 好似呢2日就食自創美味有益麥皮通粉喇~:D~~~真係好味架~~~晚餐都係食菜為主啦~始終依家食厭左海鮮, 食厭左濃味, 食厭左甜品, 怕左飽到頂既感覺...(減肥中人黎講我都算折墮XDDDDDDD)所以想夜晚食返D菜呀, 飲下湯咁就算, 就咁睇好似同減肥冇咩分別, 最大分別係下午茶!!想食D開心D既野~今日就食左夾餅XD好美味唷~~~^0^尋日仲食左煎餡餅~~(唸住食2個做埋晚餐點知食唔晒...留左1/3個今日早餐食~)返到屋企再飲菜湯~~~

不過今晚男友入黎食就豐富D~有壽司食~^0^