o岩o岩聽左一個感人故事

頭先聽「夜夜開放」請左張繼聰做嘉賓, 講左一個關於友情同緣份既故事。

佢有個鄰居, 由細同佢一齊長大, 大佢幾年好似大哥哥咁, 2個人感情好好, 大家都覺得對方好叻。大哥哥早D出黎做野, 係警察黎, 成日帶佢出黎威，有車又會成個暑假同佢一齊去沙灘玩，成日鼓勵佢O係娛樂圈發展，唔好放棄要俾心機。有一日佢睇倒新聞有個差人當更時遇襲於是打俾佢叫佢小心Ｄ，點知打到去佢話o係醫院，仲好輕鬆咁話佢知醫生話佢有cancer，不過都話自己冇野，之後佢去探脅發覺佢已經入左深切治療部，只係個幾星期冇見，已經見佢甩頭髮，不過身邊仲有部PS2，叫佢一齊打機。

後來出院佢地就一齊去沙灘，仲一齊做gym，雖然口冇講ｄ乜野，不過就好似一齊支持落去，渡過呢個難關。第二年夏天，張又叫佢一齊去沙灘玩，點知佢話等佢好Ｄ先。由病發起已經過左3年，張開始忙錄音，大哥哥有日突然約佢食飯，佢話要錄音同做gym改第二日，跟住呢個大哥哥就搵左張細佬，佢地都係一齊大，佢細佬都當佢好似大哥哥咁，食完飯返黎，佢細佬同佢講話佢今日好怪，好似好唔想佢走咁。

過左幾個星期，張接倒另一個朋友既電話，話佢就黎唔得，叫佢快Ｄ去睇佢。張ｏ係柴灣趕過去北區醫院，一時間好混亂，最後撥開晒ｄ人衝左上地鐵，之後轉的士，點知第一架拒載，佢已經好急喊晒口咁，跟住衝左上後面ｏ個架，但前一架仲未有客開唔倒車，後來終於有客，點知係一個孕婦，慢慢上。好在第二架的士既司機好好人，知道佢咩事就叫佢唔駛擔心，仲特登開快ｄ。點知去到都係趕唔切，大哥哥既家人等埋佢先一齊入去，佢話入去時都有ｄ驚，估唔到自己會驚，但佢都走左埋去捉住佢隻手，話佢知佢有幾以佢為榮。佢話呢個時候先發現自己咁多年都未捉過佢隻手，亦未同佢講過呢ｄ說話。

對於自己有事出席唔倒佢既葬禮，佢認為係自己人生最大既憾事。佢經常會夢見呢位大哥哥，佢成日話覺得張可以ｏ係呢行有好既發展，一直鼓勵佢，張認為自己可以為佢做既野係以後每次演出都做到最好。

３月１３日係大哥哥既生日，就ｏ係佢走左之後既第一個生日，佢第一次上台演唱，佢認為係送俾大哥哥最好既禮物。而同一日，一個對佢好重要既女人咁o岩就o係屋企睇倒佢既演出。

佢後來問返呢個女人點解咁o岩o係屋企睇電視，佢話：「我o個日生日o係屋企同屋企人食飯！」

 

很戲劇性的故事，微妙的緣份，－－「又一個個313」，這會是他們這麼快便決定共偕連理的原因之一嗎？

同樣是有關cancer的故事，毫不煽情造作實在感人得多。