早排佢話唔想再食蛋糕, 食到有d驚…於是整左29個紙包蛋糕仔~(不過食唔出係紙包蛋糕>< )點左9支蠟燭~慶祝29歲大壽~^^
ChriScorpiObi
Saturday, June 30, 2007
Friday, June 29, 2007
學校聚餐2007
尋晚玩得意外地開心~
雖然話大餐食, 不過一定要人去同埋去到成10點半先走得…估唔到玩得咁開心
本來搭車途中都仲M痛緊…條褲又緊COOL住好唔舒服, 不過去到食落就唔記得左, 仲有同檯既同事抽倒獎好開心~~TOTAL有13份禮物, 10圍, 我地O個圍居然抽倒4份呀~!! 6個TA抽倒3份!!!雖然冇我份~不過都好lucky喇~~ elaine抽倒多士爐、wendy既係咖啡機、最勁係rachel抽倒大獎~!! 20寸LCD電視呀~~!!!>0< 我地TA六張飛係經我手派出去架~我最早揀左第一張0048~點知佢開49, 51同52~~哎呀~~
Rachel仲話自己黑仔王, 抽獎o個陣我地要行開d, 點知真係佢身邊既我同yoko都抽唔倒, 隔一個既wendy同elaine就抽倒喇XDDDD
本來唸住同佢地一齊搭校巴出太和火車站轉的士再轉小巴, 點知前家教會主席馬太有揸車黎又住我附近, 車埋我同吳主任~^0^ 中途去左康樂園百佳買野, 原來呢度有間叫INTERNATIONAL既百佳有好多外國野賣~之後返到屋企都係10:20咋~~車到我地去平時落車既小巴站~^0^ 仲話借雪糕機俾我~不過我唸我羅唔切喇…下次先~佢又係好鍾意整野食, 話我有咩唔明可以問佢~同埋佢都係用我舊O個部焗爐架~住得咁近如果真係熟絡左一齊整野食都好~其實見佢係家長都有D唔知點咁, 不過佢又幾好傾~:P 我到依家都仲覺得學生家長係長輩^^" 雖然有D可能同我差唔多大…(初初出黎實習好想嗌佢地做auntie…)
減肥日誌~20070629(脂肪比落返少少)
體重: 122.2lbs
早餐: 繼續蛋沙律麥方包(低脂沙律醬)
小食: 高鈣低B奶
午餐:老細請食到會… 食左好多野呀~幾油既菜啦、雞卷3件(好得意~去骨雞脾肉釀蟹柳)、咖哩雞2件、白飯少許、白汁唔知咩飯幾啖、腐皮卷1件、冬菇、玉子豆腐各一件、唔掂當吞拿魚沙律壽司一件、冷麵一小兜、又幾好味喎桂花紅豆糕2兜, 可能短時間食, 仲飽過尋晚O個餐, 不過應該尋晚食得多D既…總之2餐都唔惹少XD 不過比起之前3個月又好普通XD
晚餐: 牛扒、沙律?
今日開始休息5天~有時間會照做運動, 不過聽日全日、後日至星期二既晚餐都唔會少野:p
黎左m第二日再用學校部測脂機測脂, 低返1%->25.9% 都好d…XD雖則都係超標…不過之前就算瘦好多有時都會去到25.5%, 好飄忽, 都唔知係我既問題定部機唔準…
康樂樓
尋日學校聚餐去左康樂園俱樂部食飯~今年聚餐食既係中菜~估唔到又幾好味喎~仲唸住會同去飲食既野差唔多, 雖則都有D似, 不過好味過上次去holiday inn飲好多~
1. 鮮果大蝦沙律~d蝦好夠味, 沙律麻麻啦, d醬唔知點咁
2. 家鄉釀玉環~呢個係豬肉釀節瓜, 味道唔錯
3. 富貴花姿珊瑚~呢個好好味~我係咁筆~西芹、珊瑚蚌、花姿3樣都咁o岩我~
4. 香芒脆奶拼沙拉骨~排骨好惹味~炸鮮奶幾得意囉, 同事食倒有一粒芒果我食唔倒…可能我冇留意
5. 鮑參翅肚羹~一般啦, 冇咩留意
6. 金瑤雙寶蔬~面頭有少少炸瑤柱幾好味
7. 清蒸大海斑~個個話鞋, 咁大條又好難蒸得滑既, 不過面珠dun同個身好似都差唔多…
8. 菜膽上湯雞~同事話d菜樣衰衰, 不過油得黎都幾好味, d雞滑過條魚好多
9. 肉絲銀芽炒伊麵~都幾好味, 咁肥我都食左2碗^^"
10. 焗迷你叉燒餐包~食到最後我都仲可以隊2個XD 冇計啦~我最愛既叉燒餐包呀~~又甜又熱又軟熟~:D~~~
10. 環球鮮果盤~食左件西瓜, 好飽喇食唔落生果…^^"同埋今日都食左蜜瓜同啤梨:P
雖然好似樣樣都一般冇留意…不過我覺得味味個味道都唔錯呀~好多碟我都夾左幾輪^^"
Thursday, June 28, 2007
齊齊減肥大行動~羽毛版聚
除左8月會出黎見下面睇下大家成果如何之外, 我都想O係7月一齊出黎做下運動, 游水, 打波都可以, 打羽毛球就好似比較多人O岩玩D又唔會唔識玩~有冇人有興趣呀? 大家想星期幾邊區打?
齊齊減肥大行動~八月版聚
仲有幾日就開始喇~(雖然我都仲有飯局) 大家準備成點呀?
不如我地約定8月出黎版聚, 睇下大家有冇咩成效好冇呀? 等大家有D動力減~^0^
日期時間地點待定:
報名:
1. 蠍
2. kinki
3. cherub
4. 丁屎
5. 茵可煮
6. Amy
7. 阿心
8. blingbling
9. 銳
千辛萬苦終於黎到
本來約左今日送黎, 點知打黎問我4點有冇人, 我話我放4:30, 最快4:45…
再打黎話等唔倒我, 問我星期六下晝得唔得…我唔得…聽晚又唔可以咁夜, 問我聽朝得唔得, 我話8:45前佢又未開工…話聽日再約…
我考慮過自己拎唔拎倒14KG上的士之後打去叫佢送去學校, 就咁拎就唔太重, 不過大大舊難拎之餘又得一條繩COOL住, 寸步難行…好辛苦先行到去的士站, 上到屋企附近本來想叫佢轉入黎門口, 平時都唔會, 今日實在太重, 點知佢到路口就話「呢度啦」好！我都費事你難轉返出黎, 不過都有Ｄ不忿架喇～！我要行呢段路駛鬼搭的士呀？好在呢段路仔都好快到！
（o係學校o個陣重差d俾人以為係今晚聚餐既抽獎禮物搬走左>0<)
舊o個部俾我用到污糟晒…新o個部要好好打理:p
再見喇~T.T
不過我考慮緊買部細既平平地愛黎焗野食, 大爐整甜品小食會乾淨D, 定係每次抹就得呢?
減肥日誌~20070628
體重: 121.2lbs (屋企測脂磅 19.7%fat)
早餐: 蛋沙律蕃茄洋蔥三文治(低脂蛋黃醬)
小食: 扭結糖1粒(食晒lu~)
午餐: 瘦叉通粉
小食: 蜜瓜、啤梨
運動: 本來唸住放工返黎跳舞/STEPPER之後沖完涼再趕返學校, 不過搬完部14KG焗爐已經冇晒架又M痛…是日休息一天…揸梨都冇力…
晚餐: 學校聚餐(食左好多野, 不過其實又唔係好飽, ok啦XD 好可怕XDDDD 淨係最後甜品叉燒餐包都食左2個~新鮮熱辣好好味~呢餐好味過之前去holidat inn 飲好多~~)
Wednesday, June 27, 2007
減肥日誌~20070627超晒標!!!好驚嚇!!
7月份既blog要加個「齊齊減肥大行動」標籤~希望參加左既blog友都可以加返, 等大家都可以o係自己篇日誌底下見倒人地既進展~^.^
體重: 121.6lbs
早餐: 啤梨1個、嘉頓麥方包2片+少許堯堯媽牌蘋果薑果占
小食: 橙1個
午餐: 穀麥片+高鈣低B奶+坫慎4麥方包2片(150kcal)+扭結糖1粒
下午茶: 嘉頓麥方包1片
運動: 跳舞40分鐘+wii sport 25分鐘
晚餐: 青瓜一條生吃, 蒸勝瓜半條+翠玉瓜1條。咁食冇咁熱又好營養d~^.^ (total大約110kcal, 4.xg纖維, 咁一日咪要食好多菜/生果? 一日要16g以上)
太~恐~怖~喇~~~~~
早幾個星期測25.5%已經超標>< 今次仲過份!!! 雖然磅數同尺寸都差唔多, 不過脂肪比原來一直向上升呀!!!
最低o個陣21%, 雖然都唔係低, 不過差好遠呀~嗚~~~~~
Tuesday, June 26, 2007
減肥日誌~20070626
唔好問我做乜偷步XD (有幾位參加者本身都減緊架~加上我28/6, 2/7, 3/7, 24/7都有飯局, 要補返XD)
體重: 121.8lbs
早餐: 穀物早餐+高鈣低B奶
小食: 繼續清曲奇, 終於清晒喇~^0^
午餐: 蘋果1個+蜜瓜幾片+好耐冇食既雞粉麥皮(3湯匙約12x kcal):D~~~~~~~~
隔左陣又食左3片嘉頓麥方包, 食親都停唔倒口 =口=好好味…
之後仲食左3粒扭結糖:p
下午茶: 橙1個、蕃茄1個
運動: 繼續跳舞40分鐘(其實係之前o係深圳書城買既一隻跳舞碟, 扭腰扭到小掩痛>0<")+wii bowling30分鐘(好耐冇打打得好差…最多都係159…係咁-經驗值…)
晚餐: 勝瓜半條223g+翠玉瓜一條214g+青瓜一條387g
11點訓
減肥日誌~20070625
唔好問我點解減肥食曲奇XD
體重: 122.8lbs
早餐: 清埋屋企D曲奇+蘋果1個
午餐: 穀物早餐+高鈣低B奶+蘋果1個
下午茶: 繼續清曲奇+蕃茄1個
運動: 跳舞35mins+wii sport 25mins(冇晒力…)
晚餐: 菜+青瓜
十點幾訓~
Monday, June 25, 2007
最後勝利~土豆35L
其實1200倒都差唔多, 估唔到平得咁緊要>0< 聽日訂, 2-3日收貨~
勁抵呀~>0<
產 品 編 號 : TOT-1350
牌 子 : Tutto 土豆
名 稱 : "Tutto" 35公升不銹鋼全能焗爐 (可焗蛋糕)
描述 :
-1,800 Watt
-35公升 容量
-可用作烤、焗、焙乾、烘金黃色及保溫等
-內置對流式風扇，食物受熱更平均
-360度旋轉烤雞，附送叉雞桿，可把整隻雞串起燒烤
-內置燈光，有助清楚烤焗情況
-不銹鋼發熱管
-加熱模式(發熱管)：上/ 下/ 全部
-鋼化玻璃門
-鋁內膽，反射更佳，加熱更平均
-恆溫調節，最高可達250度
-60分鐘時間掣
-對流扇及旋轉桿設有獨立開關掣
-機身尺寸：570(W) x 410(D) x 390(H) mm
-內膽尺寸：360(W) x 330(D) x 295(H) mm
-行貨,一年原廠保用
備註--最好配合爐溫計使用
查詢電話: 29544663 or 29544668
找「續」定找「贖」?
頭先同事隨口問左我一句找x個x字點寫?
我即時唸起個「續」字, 都有唸過同錢有關會唔會係貝字部呢? 不過又好似讀「屬」喎~
跟住問左1個同事同一個主任都話係「贖」, 字典查倒「贖」字只係一個讀音「屬」, 跟住問左一位副主任同主任, 就話係「續」, 再查漢語辭典查唔倒, 只有「找錢」, 問普通話科主席話普通話好少咁講, 不過佢就話係貝字部, 佢叫我問返中文科科主席, 佢都話係「贖」。
另外我o係yahoo知識查倒就一個話「續」一個話「贖」!
找續定係找贖? - Yahoo!知識+ vs 恕不找續與恕不找贖 - Yahoo!知識+
「續」既係根據《中文一分鐘》; 而話「贖」既係根據《香港學生中文詞典》
呢個網有一段中文一分鐘講解找贖定找續既影片
http://www.rthk.org.hk/chiculture/1minchinese/01_42.htm
咁究竟邊個至係正字呢~?
Sunday, June 24, 2007
欣宜減肥餐單大研究
欣宜減肥成功使她成了很多香港人的偶像,
細想欣宜都可以減肥成功, 那只要有恆心和方法得宜, 減肥並非沒可能.
以下是從欣宜的 <我的減肥日記>中的減肥餐單跟網友分享討論,
要詳細了解欣宜的成功秘訣, 始終都是買她的<我的減肥日記>來看比較好,
看後就知道欣宜的成功是要付出決心, 當然, 修身堂真的有點本領.
欣宜減肥餐單 Day 01-31
資料來源: 欣宜的 <我的減肥日記>
欣宜減肥第 1 週 , 欣宜減肥第 2 週, 欣宜減肥第 3 週, 欣宜減肥第 4 週, 欣宜減肥第 5 週
肥肥女兒欣宜減肥餐單
有著一對名人父母的鄭欣宜，最讓人扼腕的是她並沒有繼承父親瀟灑倜儻的身段，反而將母親沈殿霞的肥胖因數完全發揚光大，最胖的時候體重高達95公斤。17歲少女身上那一圈一圈的"救生圈"不但影響了這個"文藝積極分子"的明星夢，甚至已經嚴重到妨礙了欣宜的穿衣戀愛，一個普通花季少女的生活樂趣被完全淹沒在了這堆贅肉中。 一年前， 如果有人說欣宜會有一個漂亮的瓜子臉，大家會懷疑，說話的人一定是她枉顧事實的母親肥肥。世事無絕對，經過接近半年閉關，欣宜成功減去32公斤，成?一?胖人的偶像。算是創下了減肥史上的奇?。更神奇的是，欣宜的減肥大法，原來照樣頓頓大餐，只需忍住不要吃名貴鮑魚。 三下巴變單下巴 士別半年，果然有奇效。欣宜的體重已經被控制在65公斤左右。新年欣宜由加拿大飛抵香港陪母親肥肥過節。瘦了一整圈的欣宜，天寒地凍，只著一件緊身短袖T恤，大秀修身成果，原本的啤酒肚收小了，巨臂縮水，一副好身形終於隱隱可見，以前圓嘟嘟至少有三個下巴的小肥臉，減到隱隱有瓜子臉雛形，令人目瞪口呆。瘦身後的欣宜，起初連路人也認她不出，後來見欣宜向肥肥撒嬌，才驚覺她便是欣宜，無不讚歎地說："瘦了多好啊，很漂亮！" 欣宜在香港逗留了20多天、陪母親沈殿霞過完新年後，已飛返加拿大準備開學。這段時間在香港又吃又玩的欣宜，體重竟由初到香港時的66公斤，降至64公斤新低，往日買褲要超加大碼的她，終於可以穿上低腰褲了。 和超大大碼說拜拜 高峰期體重有95公斤的欣宜，腰圍數位驚人，由於要著超加大碼，她只可以選擇在加拿大買肥人褲。 但無論胖瘦，女孩子逛街如果看到喜歡卻穿不了的漂亮衣裳，必定大受打擊。當年欣宜就會將鍾意的一次買兩件，再找裁縫加工，將兩件同款衣服二合一變一件穿。修身半年，趕走32公斤贅肉後，腰圍瘦了十二寸，欣宜已同超加大碼說拜拜！ 逗留香港期間，欣宜在瘦身指導張玉珊及母親肥肥的陪同下，到尖沙咀廣東道大肆購買衣服。在店內不斷挑選衣服試完又試的欣宜有感而發說："我減肥是?了健康，最想的是可以和同學穿一樣的衣服。現在買衣服容易多了，好開心！" 欣宜繼續買新衫之旅期間，店鋪負責人以隨行記者阻礙其他顧客?由報警，警方到場後得悉只是正常採訪後離開；而欣宜對於記者採訪亦沒有表示不悅。 30分鐘後?人再回到之前的時裝店，並取走一袋"戰利品"離開，香港媒體趁機上前訪問，張玉珊說瘋狂"血拼"所買的東西全部由欣宜的阿姨贊助。問到欣宜何時才達到目標體重？她說："其實都沒所謂。"
肥之女是怎樣長成的
●標準期出生時的欣宜，體重3公斤，與一般初生嬰兒 無異，體重標準。
●暴長期兩歲時，早餐分量已是四隻香蕉加麵包，體重19公斤。6歲更重超過46 公斤，原因是她最愛吃鮑魚，當時她的膽固醇已是30歲成年人的水平。
●暴肥期12歲的欣宜，只有156釐米高，體重77公斤，嚴重超標。
●修身期去年6月，張玉珊贊助欣宜減肥，短短一個月已經減掉9公斤，暑假結束後，欣宜要返加拿大開學，仍有營養師同行，半年間即減掉32公斤。
第二日，兩父女才正式有機會飯聚，當日鄭少秋要去演唱會彩排，晚上七時許，鄭少秋好友駕車到欣宜家中接她，欣宜還帶了自己所煲的湯外出，直駛飯店，九時許，鄭少秋才趕到。而欣宜早已留了身旁座位給父親，鄭少秋到場後，欣宜與他有說有笑，又經常凝望他，面上的笑意甚?甜絲絲。 減肥餐單大曝光 勁減32公斤，人人以?欣宜要勒實腰帶沒有飯吃，其實減肥餐單在我們看起來照樣算是大餐。 -減肥前 早餐鮑魚、大量肉類、飯，一定要有湯。(每日中午開始第一餐) 下午茶也不能免，但一樣亦以肉?主。 晚餐無肉不歡，最愛鮑魚、大閘蟹、肥牛肉。 宵夜常吃各式火鍋。 -減肥後 早餐粟米片加脫脂奶或麥皮一碗。 午餐三文治(蔬菜加不同款式肉類，如去脂香腸、雞肉、牛肉等)。 下午茶感覺饑餓才吃餅乾加豆漿。 晚餐三菜一湯(一菜、一肉及一個肉加菜，如炒通菜、筍絲炒瘦肉、冬菇燉雞等)。但菜必須少油。 湯款每日不同(如綠豆瘦肉湯、絲瓜湯、蓮藕湯等)。 減肥照吃牛扒 香港媒體在銅鑼灣修身堂再次發現欣宜倩影，原來欣宜在購物後吃了一頓牛扒餐，但隨即去修身堂做纖體，用藥和運動相結合，難怪她說減肥可以繼續吃大餐。 其實，欣宜減肥除了?健康，貪漂亮方便買衣服外，一直喜歡跳爵士舞的她，曾經多次因?胖得行動遲緩，跳舞時經常跌倒。她有一個心願，希望自己有朝一日能夠有型有款地跳一次爵士
又轉型 (煮食blog- 減肥blog)
仲有一個禮拜倒~呢度又要轉型喇~~
黎緊呢個星期四學校有聚餐~星期六係DADDY仔生日要去澳門玩~星期日返佢屋企食生日飯~ 星期一、二分別約左同事同舊同學食飯, 當中又有人生日, 可能會整2個蛋糕, 不過其中一個要唔駛雪既, 可能改整COOKIE或者戚風/棉花蛋糕~(雖然個棉花仲未成功, 不過同事極為欣賞成日叫我整…)舊同學O個個唸住整熱情果白朱古力慕絲/芝士蛋糕~不過首先要買返個焗爐先…一係就整凍餅~咁就可以唔駛焗。
黎緊7月起碼減一個月, 咁可以有時間俾我慢慢揀焗爐都得~
七月四號正式開始~點樣打頭陣好呢? 好似舊年咁食清D+運動好丫~定係食返西柚餐不過加少少麥皮/麥包好呢? 定係雜菜湯餐好呢? 天氣熱凍飲都得~不過唸起要煲都覺得熱…=.=
運動方面可能唔踩得STEPPER喇…膝頭痛, 睇下可唔可以夜晚落街跑冇咁熱(不過其實我跑步隻腳同小掩都有問題…)最好當然係游水啦~~不過要就時間就天氣就M好麻煩…= =
黎緊好快放暑假~返9點~咁我就可以早D起身跑完返去沖個涼再返工, 不過放五點又未必游得切水…返到屋企再出黎又懶…(要轉車…= =)舊年都已經想暑假朝早游完水先返工, 不過又懶得咁早起身…可能仲要早過依家…又驚趕頭趕命趕唔切…
有冇人想約出黎打羽毛球呀? CHERUB 有冇興趣? 我地可以去大埔墟或者太和o個便都得~打波有樂趣d嘛~^.^
Saturday, June 23, 2007
KENWOOD?DELONGHI? TUTTO?
買咩焗爐好呀?
買返依家呢個新類型好? 定係買個貴少少有對流風好? 有得較上下火唔同溫度既要幾錢? 有冇好介紹?
傻軒媽媽: KENWOOD N0690 $699送座檯式打蛋器
功能: 焗、烘、烤或旋轉燒烤
熱風對流
可調校烘焙架位置
易潔內壁
發熱管調校及電源顯示燈
上、下或雙管發熱
內置爐燈
60分鐘時間掣
功率: 1750W
容量: 25L
顏色: 白色
體積: 56cm(長)x45cm(闊)x44cm(高)
柏琪: Delonghi EO3870 $1900-$2100 永安$2198
功能: 解凍、烘焙、燒烤、熱風、焗烤
備時間及溫度開關調較
獨家保溫設計, 自動斷電
配件齊備, 備旋轉烤叉
不磨損易潔內壁
電源: 230v
功率: 2000W
容量: 28L
重量: 14kg
體積: 51cm(長)x40cm(闊)x32cm(高)
原產地: 意大利
保用一年
(我想知溫度同時間係咪跟返原本一樣就得?會唔會有熱風唔同左?有冇上下火分別調較溫度?)
土豆TOT-1350 $1298
功能: 烤、焗、焙乾、烘金黃色及保溫
特別功能: 旋風、旋轉、內國燈光
有旋風加熱功能, 食物受熱更平均。
不銹鋼發熱管。
加熱模式: 上/下/全部
鋼化玻璃門。
鋁內膽: 反射更佳, 加熱更平均。
溫度設定: 100'C-250'C
60分鐘時間掣。
功率: 1600W
容量: 35公升
顏色: 黑色
尺寸: 53cm(長)x38cm(闊)c35.5cm(高)
功能上好似差唔多, size分別係 28L、25L同35L, 其實我未聽過Delonghi, 不過上網見好多人推介~Delonghi同tutto分別係28L同35L, 但體積又好似差唔多, 不過我需要高多過闊同深。
我尋晚去豐澤睇過忠臣牌21L有風扇都係499咋~!講平就最平係佢~我本身就係用緊佢既18L $249.9, 都用左3年幾~ (其實499o個個外型都ok架~)
想買delonghi主要係多人推介同埋佢個蛇餅形發熱扇, 其他都係2行o係頂, 但有風扇應該都會均勻d, 加上尋晚見過佢既18L實物感覺麻麻…冇咩好感…想買土豆多d, 一來平d, 男友話2k幾太過份, 千頭可以接受, 二來35L好吸引!但其實幾部機既體積差唔多, 唔知實際係咪真係35L好好多~始終未見過實物, 買土豆既話就幫襯個fd。一般學校都係用土豆或者DELONGHI, 我唸我都會O係呢2個牌子入面揀~
不如大家又講下自己用咩牌子類型丫~?
齊齊減肥大行動(報名呀~~)
今日BLOG聚講起減肥, 好似大家都打算一齊減~搞到我又想玩返~^0^ 幾過癮咁~
不如搵個日子一齊開始丫~
7月開始好冇呀? (雖則我2號同3號都有飯局XD當然最好係4號開始啦~不過冇理由咁既~~月頭開始好D~)
有冇人有興趣? 每日O係自己BLOG報告返進展~~有人陪點都好D, 可以互相激勵~!!
1. 蠍(身高168cm, 目標減11磅->110磅)XD舊年已經係110做目標, 最多只去到112…><)
2. yan1984 (身高164cm, 目標108lbs)
3. Amy(目標減20磅->110lbs)
4. Cherub(身高168cm, 目標減10磅->100lbs, 肚腩大小腿各減2吋)
5. 魔女 (目標減15磅->110lbs)
6. rankura (身高165cm, 目標減20磅->110lbs)
7. *♡°^魚子醬^*♡° (目標減11磅->110lbs)同我一樣喎~
8. 甜睡寶寶 (目標減7磅->100lbs)
9. suki (目標減12磅->110lbs)
10.kinki(目標110lbs)
11. 丁屎(目標減6.4磅->100lbs)
12. 阿心(目標減16磅->110lbs, 主力減手臂同肚腩)
13. 同事A
14. 嘉露物語 (目標減15-20磅)
15. blingbling(身高158cm, 目標減16磅->102lbs)
16. martinmak銳(身高178cm, 體重190磅)
17. °☆°~ 史力奇 ~°☆°(目標減20磅)
18. 茜茜
19. FanFanKylie (身高163cm, 目標減64磅->130lbs)
20. lydiangelhk
21. Tabby
22. 車梨 (目標減20磅)
23. Kocy (目標減105磅)
23. 靚表姨(身高157cm, 目標減11磅->115lbs)
24. 雪雪(身高157cm, 目標減28磅->105lbs)
25. 後來(身高156cm, 目標->105lbs)
講下自己依家幾重, 目標幾多?
開始後報告下自己既餐單, 運動同體重尺寸進度。
23/6 都會海逸BLOG聚順利完成
期待已久既本blog最大型blog聚順利完成~!
（張相冇左茜茜呀～～佢仲羅緊野食，不過丁屎又趕住走所以影左先，影影下佢就入黎喇～所以有ｄ人部機張相有佢～有冇人可以send俾我呀?）
我地約左o係紅磡火車站等, 一行十四人浩浩蕩蕩黎到都會海逸~之前食過晚餐印象十分好, 下午茶食評食唔錯, 於是選擇左呢度~不過大家好多時都係拎住隻碟走黎走去揀唔倒野食…選擇唔多…值得推介既亦唔多…不過服務唔錯~煎pancake既廚師好好傾好得意~遞梳乎里既妹妹仔亦好有禮~幫我地影相既哥哥仔不嫌其煩咁幫十幾部相機影同一班人XD仲要好多冇閃佢都好好咁俾返我地開返閃~^0^b
最好味係芒果汁拌豆腐、豬頸肉同鹽焗茄子青瓜、冷麵、左下圖既鷹嘴豆青蘋果沙律同左上圖中既焗薯，梳乎里都唔錯，不過好似間間都差唔多；壽司認真麻麻，凍、硬、少款又唔吸引，不過最難食係士多啤梨木糠布甸＞＜之前晚餐食過原味好正架～＞０＜點解個士多啤梨味咁難食架？又多木糠，搞到我唔記得食粒士多啤梨就唔要喇…
由於我地太多人既關係, 俾左張長檯我地, 我同Ieren坐主席位~完全同唔倒對面o個半張檯既人傾偈~係後尾catfood yap左我過去教我褶包(^0^)先傾倒幾句~^^" 唔好意思呀大蚊、catfood、ienere、堯堯媽、suki、冇乜同你地傾偈~尤其是suki同大蚊呀!!! ><"
大蚊真係好面善~juli都有D~^^"丁屎個樣好得意呀~茵可煮好豪邁XD
各位都好好傾~臨離開酒店O個陣我同CHERUB講~「今日講左好多野XD」
YING呀~我地得閒出黎食飯啦~其實你住邊既呢? (係呢有冇人唔知道其實阿YING即係CHERUB呀~?正如茵可煮即係Yan1984)
離開左酒店之後, 我地其中幾個又行返去集合地點XD 展開第二次blog聚~XD(講笑JE~~~) 我地企返O係零食物語門口傾到六點幾七點XD 仲做埋D白痴動作XD(我問佢地可唔可以將個嘴脣o都到掂倒個鼻, 佢地又真係跟住我做喎XDDDD 話時話你地又得唔得呢? 我應該早D多D人既時候問~做個統計XD)
同茵可煮同埋茜茜一齊搭火車走O個陣一路講唔停!!減肥同煮野食真係女人永遠講唔完既話題!!
見佢地講減肥講得咁過癮, 我又有D想玩添:P 不如一齊開始咯 ~ ^0^
大豐收~^0^
今日收穫好豐富呀~^0^好似我生日咁XD又周圍同人影相~仲唔係我生日?XDDD
首先收倒CATFOO既粟米牛肉包~^0^ 佢尋日特登O係超市打黎問我想食咩整俾我架~>0< 好感動呀!!!!!!!!
堯堯媽既蘋果薑果醬~好珍貴架~得4杯架咋~^0^
AMY o係花墟幫我買既薄荷盆栽~~^0^個袋冇得頂!!XDDDD
YANYAN特登O係澳洲帶返黎俾我既剪報~~有我隻碟張相O個張呢XDDDD
O係IRENE手去接過應該都係CATFOOD整既MRS CATFOOD COOKIES ^皿^(食左一塊~YUMMY~~至鍾意呢種質感既曲奇~^0^)仲有KINKI既粟米朱古力~茜茜既Forever Friends 書簽
臨走o個陣大蚊仲俾左個佢自己整既相架俾我~\^0^/入面仲放左我張瑞士卷相(不過點解揀張整得咁肉酸架=口= XDDDD)等我曬完相放我地今日既合照先~~^皿^
blog聚之伴手禮
用左好多時間(差唔多9個鐘)整左好少(每人分得少少)好簡單既野…(我相信你都整過…)仲要整到…= ="
依家係半夜3點44分, 如果聽日起身有時間…睇下可唔可以再整d咩充撐下場面=0=
其實整左9個鐘既就係呢D~~
分2團麵團, 之後慢慢印模, 焗好晒已經12點幾, 跟住先寫朱古力字…溶朱古力方面唔知做乜唔滑…又快乾…最後用左真力冇調溫, 原來可以放到第朝都唔乾既= = 結果今朝再補多層假力…
見每人得2塊…於是整多底曲奇充撐下場面冇咁寒酸…^^"
尋日有FD黎整曲奇, 我睇住佢整算係實習左次, 所以今朝就整呢款~
每人有3塊^^"
又跟住本來想整蛋白餅, 不過蛋白打唔起, 放棄左, 整MUFFIN。
焗到第二爐先醒起點解尋晚開始焗曲奇已經唔係好上色, 但個底又火農火農地…第一爐MUFFIN又係個面好水個底黑左…(加左時焗到竹纖插入冇黏粉先出爐)先發現…原來上火壞左呀>口< 之前已經見開淨上火個爐唔熱, 以為冇左個下火差咁遠…原來根本就冇上火= =熄埋個下火梗係唔熱啦=0="
收倒既blog友唔好意思^^" 第一次見面俾d咁既野你地^^"麻煩屋企有焗爐既blog友最好開一開上火焗下個面^^" 我返到黎見屋企o個d個面好濕, 你地o個d應該都差唔多, 我倒轉左佢地再焗一焗個面脆脆地好好多^^"
Friday, June 22, 2007
參觀香港藝術中心
尋日下晝帶隊過海參觀，其實我都唔知睇咩，去到先知原來係我平時間中會去睇話劇o個度!*0*
第一次上佢地既11樓同6樓(其實只需上6樓, 我擺烏龍上左11樓…)帶住16個學生, 跟住導師toby姐姐入到一間房上workshop。其實係佢同d學生玩遊戲。
一、 自我介紹+做個動作--d學生扭扭擰擰, 仲有人問點解我唔駛做, 「我影相嘛~」XD 好在, 至怕玩呢D野
二、 BB->幼稚園生->小學生->中學生->大學畢業 做動作猜拳逐一進級
三、 貓貓捉水果，呢個好玩，全部學生各自扮演一種唔同既水果，其中一個做貓，喵一聲之後捉人，被捉o個個嗌其他生果, 例如「芒果」, 咁芒果就會變貓, 貓一聲又捉人, 俾人捉倒有人變貓。每次只有一隻貓貓。佢地玩到v嘩鬼叫~XD
四、最後係全部同學分成三組扮直昇機，每個同學都係機件既一部份，最後架機要識郁既ＸＤ呢度我拍左片～三組都好唔同好搞笑ＸＤ
（相片及影片後補）
食譜~棋棋曲奇
食譜 (改編自<作餅乾真簡單>一書)
材料﹕
細砂糖........95g
牛油...........90g
蛋..............1隻(50g)
低筋麵粉.....160g
高筋麵粉.....40g
可可粉........1大匙
巧克力(裝飾擠字用)......約50g/適量
做法﹕
1. 牛油軟化後，加入細砂糖打至鬆發變白。
2. 蛋打散成蛋液，分2-3次加入1.中拌勻，再篩入低筋麵粉、高筋麵粉攪拌均勻即為麵糰。
3. 取1/2的麵糰與可可粉拌勻後，先用手壓平，再用麵棍碌成約0.5cm厚，待用。
4. 其餘的麵糰同樣地先用手壓平，再用麵棍碌成約0.5cm厚。
5. 於4.的牛油味麵糰先壓出圓形麵糰，再於圓形麵糰上壓走心形/花形...
6. 於3.的可可味麵糰壓出心形/花形...，並放於5.的牛油味麵糰上的空缺位內。
7. 放入焗爐以180度焗約15-20分鐘，取出待涼。
8. 將裝飾用的朱古力隔熱水融化，裝入小擠花袋中，在餅乾上擠出字形即成。
Thursday, June 21, 2007
豬肉仔招牌驚訝樣
真係大隻左好多呀~睇返2星期前既B樣~
已經有78g喇~~重得好快, 2-3日磅一次, 第一次磅大約係黎左幾日既事, 56g->58g->69g->78g!!! *0*就黎變豬肉佬喇~~~~>0<
蕉蕉蕉muffin
頭先打左大半== 點知突然停電冇晒=口=
話說早2日買荔枝o個陣買左幾隻黑蕉返黎整蛋糕~早2日整左濕濕地戚風同好鬼濕戚風朱古力卷, 俾左1隻肥豬食, 剩左一隻o係度, 今日放工返黎勁忙!( 幫肥豬白白+剪毛, 洗晾左2機衫, 換左4籠木糠, 執屋打掃, 擦浴室磁磚)搞得黎已經十點幾, 唸住整香蕉芝士蛋糕又覺得漏同麻煩, 想整我愛既戚風又懶, 唸住俾埋肥豬架喇, 不過見佢又黑又軟, 唔整蛋糕side晒…><結果醒起muffin!
幾個月前整過幾次都好失敗, 個心好濕…一係平頂= = 同事仲話似鳳梨酥…=口=
材料有：48g牛油(叮20秒)+40g糖(原本係各50g)+蛋1隻+自發粉86g+高鈣低脂奶粉約5g+水約35g(原食譜係33g奶), 我額外加左少少麥皮, 所以又加返少少發粉同水, 再加一隻香蕉。
今次再戰~用返之前整紅豆muffin個做法, 所有材料倒埋一齊用電動打蛋器打大約十秒, 打勻就收手~撈埋焗香合桃碎~190'C焗25分鐘(我用竹簽check過個心未熟, 焗多15分鐘, 到個心熟就熄火出爐~)
大約係焗左20分鐘左右突然停電=口=
食評：食左喇食左喇～～好味呀～～外脆內軟～～第一次成功既蕉蕉蕉muffin呀~~\^0^/
原來呢隻杯真係大好多…之前整倒3杯, 唸隻杯只有2杯@@
Tuesday, June 19, 2007
四周年大日子
來到了第五個19/6，之前有幾個方案，游龍舟水啦、食自助餐啦、定係去邊度威好呢～？結果係由daddy仔仔煮理一餐意大利菜過我\^0^/
訓到成點XD4點先出發去買野, 同一周年一樣去左行大埔中心~又去左我"代言"既佐丹奴入貨~^0^ 最愛呢度既瘦身牛牛~不過今次冇買牛牛喇~買左條3個骨悠閒褲同幾件T ^0^ 大家都有收穫~~
返黎之後DADDY仔就開工喇~
PIZZA~~ DADDY仔第一次搓粉~~搓到身水身汗…又唔駛我幫手，我就o係隔離抹汗XD好似醫生做手街咁XDDDD話整個PIZZA過我食~ 落左芝士茄膏同莎樂美腸~~芝士多到漏~~!! 正呀~~~:D~~~~~~~
意大利飯~~ 呢樣係我欽點既~ 食過Oliva既意大利飯之後就一試難忘~本來唸住出沙田買~估唔到豬豬島都有喎~*0* 仲細細包~o岩晒~~^^v 呢樣DADDY仔未食過架~所以都唔知應該煮成點…我都唔係好知要點…^^" 都係上網搵下d譜同睇下包裝上既食譜，炒左配料先，跟住放ｄ雞湯煮飯，開頭落左少少，煮左好耐都熟…後尾見有ｄblog話要蓋過米面，跟住加多左，之後見好鹹轉為加水，煮到ｄ飯中間得少少生黎，個面已經太黏…佢食左１啖就唔食，反而我又ｏｋ喎，第二日晏晝食埋佢～
白汁煮青口～～個白汁完全又DADDY仔自創，只係落左cream同之前整飯用剩既雞湯，再加少少糖調味，加粟粉埋左少少芡，冇麵粉冇牛油，唔係幾似白汁不過味道都唔錯，濃味之餘又唔太鹹。
凱撒沙律～～呢個其實係豬豬島買返黎現盛一包，有菜有麵包粒，仲有埋醬汁同芝士粉，拆出黎排靚靚就攪掂～呢個真係好好味ＸＤ
蜜桃酒～～買左一支細細支十幾蚊得3.9%酒精既水果酒，好味～
我好求其咁點左支蠟燭扮晒燭光晚餐XD 本來想播歌, 結果睇住《學警出更》食XDDD一D都唔浪漫XDDD
原本得我有假放架～待登要DADDY仔調假，難得呢日咁o岩端午節我有假放～＾０＾不過佢就慘喇…要捱十日先再有假放喇~ ^^"
今日好開心~有禮物收~又有人煮大餐我食~(仲洗埋碗!! 我幫手抹~^.^) DADDY仔話好似我生日咁~^0^ 係囉~~點解會咁既XDDDD
蕉蕉古力瑞士卷
為左用埋d香蕉茸, 今晚整多個戚風, 不過係用黎整瑞士卷。
捲o個陣都有d裂>< 中間夾左朱古力mousse 餡~依家捲埋雪緊聽輔先切~
唔知點呢~!?><
食評：味道唔錯～蕉同朱古力好夾～不過口感唔掂…太濕太實…太多蕉喇～～一心唸住清晒Ｄ蕉佢～我唸整muffin可能可以隨意d~
涼瓜炆排骨
媽媽尋日帶左d苦瓜俾我, 其實我都想買好耐, 終於用左黎炆排骨。加d冬菇蒜頭, 落蠔油生抽老抽糖生粉麻油調味~
不過炆到d肉似湯渣>< 咩解救呀~~
個汁就好好味:D~~~~~~~ 撈飯yummy~ ^0^
Monday, June 18, 2007
香蕉合桃戚風蛋糕
大致都係用返之前既戚風譜, 不過今次自己改左少少野。
做法：
1. 預熱焗爐170'C，低粉46g＋發粉1/6茶匙篩勻, 190'C焗香合桃碎(大約十分鐘, 記緊睇火)；
2. 蛋白3隻分次加入32g糖打企，放雪櫃備用；蛋黃2隻+14g糖座熱水打至奶白色;
3. 蛋黃糊+菜油20g，+香蕉茸將1-2隻(其實我係+檸檬汁攪左3隻之後隨意加入)再加左少少水,
4. 將1/3蛋白加入(2)輕輕快手切拌法拌勻，加入1/3粉類同樣以切拌法拌勻，繼續加入1/3蛋白, 1/3粉類, 1/3蛋白, 1/3粉類。(我好似係落左一半蛋白就落一半粉, 之後倒埋其餘蛋白拌勻, 再加埋其餘既粉類),
5. 最後撈埋合桃碎就可以倒模, 焗27-30分鐘。(我…倒左一半先醒起未落合桃= =所以得個蛋糕底有合桃= =已經攪左2下試圖推佢地落去, 不過都係浮晒面…= =")
比起之前加多左一隻蛋白, 又好隨意咁加左D蕉同合桃, 唔知係蕉既關係定蛋白既關係, 有少少濕同超級軟, 切都唔係幾切倒。如果可以乾身少少同keep倒咁軟熟就perfect喇~^0^
甩模o個陣…成個頂痴住左個模… :::>O<:::攪到要切左個頂=.=好想買個高身圓中空模 :P 整裝飾戚風^0^
鼎泰豐@黃埔
食過台灣總店, 分店同急凍, 終於試左黃埔店~~
父親節, 7:45去到, 3個人, 佢話等15分鐘, 結果等左半個鐘。都唔算耐。
服務態度
接待姐姐好好人好有禮貌, 我話想雪起個蛋糕佢叫我埋去水吧, 水吧既師傅同旁邊個阿姐都好好人^.^ 之後點菜食野, 食完之後請另一位姐姐幫我地拎蛋糕, 佢又好醒目咁問我地係咪o係度食, 跟住羅叉俾我地, 不過冇刀…再問佢羅就俾左把膠刀~^.^ 仲問我地呢個咩蛋糕, 聽倒自己整又好驚訝~XD不過冇好似鳳城o個位阿姐咁話想食少少XDDD
食物水準-- 之前一路聽聞好唔掂, 所以開左咁耐都未黎試過~一試之下, 都OK丫~D皮一樣咁薄又唔穿, 不過唔知心理作用定乜野, 冇之前O係台灣食同急凍台灣貨咁驚為天人。另外仲嗌左炒白菜仔($32), 烤麩, 棒棒雞, 鍋貼, 酸辣湯。
烤麩--家鄉下, 用麵筋做；棒棒雞--唔係好知同雞絲粉皮有咩分別, 係咪粗身D? 佢寫明辣, 其實係唔辣既…酸辣湯都係，我都話唔辣咁真係唔多辣…我最鍾意既應該係棒棒雞，最愛麻醬＆粉皮～～～總括黎講不過不失，冇咩邊樣印象特別深刻。
父親節蛋糕2號~荔枝天使+jelly
整俾男友daddy既父親節蛋糕~左唸右唸, 最後決定整荔枝mousse~蛋糕底就用蛋白蛋糕~之前o個用左2隻剩左既蛋白整左一份, 但好矮, 下次試下加少少發粉好似整chiffon咁應該會好d。尋日結果用左4隻蛋白再整, 加左雲呢拿油, 終於冇乜蛋腥喇~~不過比起有蛋黃o個隻蛋糕都係有ddun, 同埋冇咁香~但冇牛油冇蛋黃就健康好多~我仲特登用左代糖~
蛋白蛋糕：4隻蛋白+40g糖打至濕性發泡, 篩入低粉60g+糖10-20g輕輕拌勻即可入爐。190'C焗約25分鐘, 如見轉色可蓋上錫紙。
荔枝慕絲食譜（改自榴槤慕絲蛋糕）：荔枝茸250g(我用攪拌機攪成茸, 大約加多左十粒), 蛋黃2隻+糖35g座熱水打至奶白色, whipping cream200ml 打起放雪櫃代用, 魚膠粉以2茶匙:2湯匙水的比例開勻叮溶。(我見佢咁稀加多左魚膠粉, 結果硬左d同有陣魚膠粉味…不過又係得我一個食得出…)
朱古力裝飾：用刀yam白假力溶液抹在膠片上，待凝固後小心拿起貼在蛋糕上即成。
組合：整好蛋糕底取出放涼甩模切片，一塊蛋糕片鋪底，上面淋上一層荔枝mousse，再一層蛋糕片，一層mousse，最後淋上一層荔枝jelly~可於mousse中鋪上荔枝肉。
大ｏ個個未雪硬已經要出街～一去到鼎泰豐就叫佢幫我雪起佢～之後o係o個度切埋食埋~有個姐姐仔埋黎問呢個咩蛋糕黎, 我地話荔枝蛋糕, 男友話「自己整架~」「自己整咁犀利呀~*0*」XDDDD
JELLY唔太硬, 好濃荔枝味, 令蛋糕生色不少~本身我用左250荔枝整mousse都唔夠味, 再加多d都唔係好夠味, 就算本身幾甜都好, 始終唔夠jelly咁夠味~唔鍾意蛋糕有jelly既男友都話ok~
細呢個切件帶左返學校食, 食過既同事都食唔出魚膠味, 不過都係我食得最多XD
整左一盒荔枝jelly, 順便整左1大2小杯jelly~男友話好清新~冇果肉冇咁正~
Sunday, June 17, 2007
深圳萬象城美樂匯
約左老豆4點, 之前o係屋企食左lunch, 去到又要食蛋糕, 所以只係嗌左個夾餅, 串燒同一杯香芒雪梨汁($15呢個都算貴)；老豆就嗌左個湯飲～
老豆今日開頭係咁叫我食野, 我話我冇減肥喇今年~佢話冇肥到丫~我話肥左8磅呀!!
夾餅好油…食到成手都係, 都算幾好味, 個餅脆既, 不過呢間野等好耐, 話3分鐘, 過左幾廿個3分鐘都未有…夜晚嗌左佢既涼拌黃瓜同皮蛋豆腐, 黃瓜原來唔係酸既, 不過都好幾味~反而豆腐係酸既…皮蛋唔錯, 豆腐就有d苦><食剩…
饅魚串好味~其他隻隻都一樣味(孜然粉)唔差又唔係太深印象咁, 6串$24~同一檔仲有"串烚" 一串3條菜1蚊好搞笑XD有D勁幼都串倒佢又好野喎XD
叉燒拉麵冇咩特別, 不過不失, 不過叉燒好厚好肥>< D麵唔同味千, 幼D硬D
最好味係個湯~LUNCH老豆O個個唔知咩湯(可能係茶樹菇烏雞湯)都好飲~不過男友唔鍾意飲湯所以冇嗌多個, 夜晚我又想飲就嗌左盅, 佢都話最好味係個湯~:D~~~~~
其次我鍾意個涼拌黃瓜, 再黎係鰻魚串
同場仲有壽司bar, 鐵板燒同一人一鍋比較特別。
呢度係用卡買野食~老豆俾左張卡我夜晚再返黎食~^0^
呢度食野真係好抵!! 晚餐咁多樣野加埋只係$55, 香港food court1個人分分鐘都唔止!
深圳~預祝父親節+逛購書中心
今次本來去返上次間貴貴酒店食T(上次冇食過D咩，就$6XX/4個人)，點知裝修緊，去左萬象城food court食得仲開心~^0^
大家都食左野, 只係想搵個地方食我帶去既蛋糕~黎到見倒d野好鬼平~串燒4蚊串, 拉面18蚊碗*0* (詳見萬象城美樂匯)唔敢嗌咁多野, 食左少少之後就食蛋糕…真係超失敗…原來老豆唔食朱古力同咖啡= =(原來我係遺傳自佢…) 之前問佢有冇野唔食又話乜都食>< 唸住呢d父親節d嘛…>0< 不過佢本身都係唸住食少少, 蛋糕佢都應該唔係好o岩, 一向都唔係好食凍野…3個人加埋食左半個倒就掉…因為之前要行書城…唔可以再帶住佢周圍走 T0T
佢都唔知科學館站有個購書中心, 上次車左我地去少年宮站o個個新書城, 今次打電話先問倒位置, 再車我地去~
今次呢個有6層高, 不過o岩睇既書(例如食譜)反而好似冇上次咁多, 食譜只係買左一本, 大陸d蛋糕書真係麻麻, 係有d香港食譜簡體譜好d, 不過我都冇咩興趣, 只係買左本《小籠包》,另外買左郭敬明既小說《悲傷--逆流成河》(之前睇過《夢裡花落知多少》勁鍾意!! 不過又記唔清楚作者係咪呢個名…查又查唔倒…好在冇買錯~^0^呵呵呵~)仲買左本《203040》同電影有關, 不過又唔係劇本小說, 而係一d同203040歲既女人有關既文章~
影碟方面買左《The Bridhes of Madison County》同《韓國有氧韻律操》隻碟仲平過本書…所以我冇買到書:p
買完書已經9點~返轉頭去返萬象城, 呢度好似太古城/又一城, 不過呢度D"名店"好多都唔識…反而食肆就好多都係香港都有~(火間土呀~BREADTALK呀~味千咁) 返返去food court, 本來唸住夜晚黎食鐵板燒, 老豆推介話佢上星期黎食過唔錯, 又平~不過太飽喇晏晝食得, 所以食左其他野~ (詳見萬象城美樂匯)
食完野已經十點幾~返到黎11點幾~咁又1day~
深圳俾我既感覺真係唔錯~又近~
晏晝3點出門口, 等下小巴去到火車站已經3:30…返到深圳都只係4:00, 好鬼近…大埔返深圳連2過關都只係我屋企出火車站既時間…平時真係可以多d返去~食野又平買野又平~^0^搞到我想買d深圳旅遊飲食書添XD
Saturday, June 16, 2007
五仔記@大埔墟新街市
晏晝黎開街市食飯見倒唸起想食好耐, 於是夜晚同daddy仔黎呢度食~
嗌左蠔餅、海味雜菜煲同京蔥爆牛肉~
本來想嗌靚仔推仲炒蟶子~點知賣晒= =
落單o個陣有個o靚仔埋黎同我地落, 我就問佢水佬三寶, 伍仔記小炒皇同冷盤有d咩, 佢好搞笑咁話「你究竟係落單定問野架~」就咁睇好似好串咁, 應該係玩下JE「你成功啦~~叫我埋黎審我~」 ~XD 佢介紹個炒蟶子, 話真係好正~「洗又係我, 剝殼又係我,」仲有唔知咩又係我, 咁好啦我地要啦~點知轉頭話冇晒XD玩呀?
我本來想影低個招牌, 佢叫埋黎唔俾影, 我話「你想上鏡呀?」「我就係唔想上鏡」你唔係以為我影你呀?XD 跟住佢就呢埋煲煙, 下次要影低佢XD 都幾靚仔架XD
講返D送~
牛肉最好味~ 其餘冇咩特別, 男友話蠔餅點魚露又太鹹, 唔點又腥, 我就唔覺腥, 冇乜點魚露。雜菜煲真係好雜XD乜菜都有XDDD 自己整都幾麻煩
埋單$32+$32+$35+白飯$6=$104~
Subscribe to:
Posts (Atom)