續約

尋日6個TA輪流見校長，大家都係7月尾到期，傾下有冇興趣留o係度繼續做，同埋黎緊既薪金同假期調整。

唔知點解只係得我一個自己開口要求要幾多，佢地個個都係校長開。其實我要求薪金唔係高，不過由於本身低，所以%睇落好似好多，佢話要計下條數同埋向上頭寫報告。我都明，不過後來知道原來另一個同事加幅仲高，佢本身同我一樣，仲加多我幾個％，而且係校長主動提出既；其實我應該聽下佢覺得我值幾多先，蠢左！

不過呢位同事雖然加咁多，不過都唔唸住留低。始終呢個職位唔係長做長有，大家年紀都唔細，都要為將來打算下。

７位同事裡面，計埋我可能只係有３位留低，亦可能更少。

雖然人工同假期都唔滿意（比起教師），不過平時放工可以多ｄ時間整下蛋糕都幾好，比起教書，我對呢方面興趣更大。如果可能o係呢方面發展我唸會開心d。

ta同教師比較，除左假期同薪金相異之外，得倒既尊重亦係唔一樣。個title講出黎都唔好聽。雖然有時要教下書，學生都係叫你做老師，不過人地問你咩職業，我又唔好意思話自己係老師，話係教學助理又好似打雜咁（雖然真係…），自己都唔鍾意呢個title。

但係要搵教席嘛…我又怕搵工，唸起教書要開會要同家長打交道就覺得煩…一日得1、2堂空堂趕頭趕命咁…中文又難教，偏偏我又修中文＝＝其實我想教視藝、音樂、電腦、數學，偏偏又冇修…教家政都幾開心，不過太遲喇…而我亦唔識車衫=0= (第一次實習同我一齊既同學就係教家政，後來仲去返實習o個間學校教。)

真係想試下網上賣餅，雖然依家未夠班，不過都希望有全職整餅既一日！

有個朋友同人２份搞網上賣餅，（只係兼職形式）一日限賣20個，試過連續３個月full order！好勁！唔知我一日可唔可以整倒咁多餅！！（不過依家佢地只做熟客而且冇送貨喇～）或者我都應該幫襯下～學習下～

黎緊呢一年我要整多ｄ餅，要大有進步，向目標進發！