仲有一個禮拜倒~呢度又要轉型喇~~
黎緊呢個星期四學校有聚餐~星期六係DADDY仔生日要去澳門玩~星期日返佢屋企食生日飯~ 星期一、二分別約左同事同舊同學食飯, 當中又有人生日, 可能會整2個蛋糕, 不過其中一個要唔駛雪既, 可能改整COOKIE或者戚風/棉花蛋糕~(雖然個棉花仲未成功, 不過同事極為欣賞成日叫我整…)舊同學O個個唸住整熱情果白朱古力慕絲/芝士蛋糕~不過首先要買返個焗爐先…一係就整凍餅~咁就可以唔駛焗。
黎緊7月起碼減一個月, 咁可以有時間俾我慢慢揀焗爐都得~
七月四號正式開始~點樣打頭陣好呢? 好似舊年咁食清D+運動好丫~定係食返西柚餐不過加少少麥皮/麥包好呢? 定係雜菜湯餐好呢? 天氣熱凍飲都得~不過唸起要煲都覺得熱…=.=
運動方面可能唔踩得STEPPER喇…膝頭痛, 睇下可唔可以夜晚落街跑冇咁熱(不過其實我跑步隻腳同小掩都有問題…)最好當然係游水啦~~不過要就時間就天氣就M好麻煩…= =
黎緊好快放暑假~返9點~咁我就可以早D起身跑完返去沖個涼再返工, 不過放五點又未必游得切水…返到屋企再出黎又懶…(要轉車…= =)舊年都已經想暑假朝早游完水先返工, 不過又懶得咁早起身…可能仲要早過依家…又驚趕頭趕命趕唔切…
有冇人想約出黎打羽毛球呀? CHERUB 有冇興趣? 我地可以去大埔墟或者太和o個便都得~打波有樂趣d嘛~^.^
我想係呢個暑假學識游水丫！ 羽毛球ok o架，不過我唔叻，約時間丫！
ReplyDeletecherub, 我教你丫~不過要就返時間, 游夜水丫~
ReplyDeletee~~~~~~~~你地就好啦, 咁近>.<
ReplyDelete茵可煮, 你又黎囉~XD 等埋你喇XDDDD你個減肥blog幾時開返呀?
ReplyDelete咁梗係做運動好啦.起碼健康啲同唔會反彈痳
ReplyDeleteSUKI, 我通常都會餿管齊下, 齋運動減得好慢
ReplyDelete係咪嫁....真係等埋人地?? 哈哈~ 7月丫ma, 7月Yan1984 重出減肥湖~!~!~!~
ReplyDelete我上年已經講過話用一個暑假黎學識swimming, 不過可能係我資質差既關係, 到依家都未識 ~'~
ReplyDelete丁屎, 你點學先? 一個暑假游左幾多次?
ReplyDelete一星期一次咋 heheheh ~~~~ 我以前細過跟人上堂學過一段時間架, 不過唔知點解細個時學都係學唔識之麻, 人地話細個時會易學D既 =.=''
ReplyDelete丁屎, 你放膽游嘛
ReplyDelete我男朋友係part-time游泳教練，但都學唔識。 可能我疏於學啦，上年學o左四堂就病o左，結果又學唔識！
ReplyDeletecherub, 你完全唔識浮呀?
ReplyDelete