白朱古力芝士蛋糕 for 泥

尋晚訓左4個鐘, 今日好鬼眼訓, 估唔到個蛋糕要整成6個鐘= =

依家等緊佢攤凍之後入雪櫃

首先整曲奇, 壓碎+牛油做餅底

跟住整芝士餡, 整朱古力淋面(今次呢個麻煩D, 唔係就咁溶左D朱古力…但…我冇溫度計…)。

足足企左6個鐘先整完…

應該係曲奇最花時間…餅底同淋面都唔駛好多時間…曲奇開頭搵唔倒紅糖同左原粒蔗糖又驚佢唔溶…結果要再整過…

發覺鐵塔牌牛油幾快軟。

Tong Wong 五星級甜品食譜

後記：

一行五人（河童、鼠鼠、泥、我同男友）去左鳳城食飯，估唔到呢度咁出名但只有我黎過*0* book左位都要等7個字= = 勁多人!

個蛋糕已經加左保冷劑同保溫袋，不過離開左雪櫃３個鐘之後都係溶左= =d 芝士餡一patpat…同朝早食o個個試味版好唔同>< 點解焗既芝士蛋糕都會溶架>0<

呢個cake真係好肥, 尤其是個餅底同圍邊, 用左好多牛油整左d特濃朱古力曲奇之後又要整碎佢再加牛油整餅底, 油到我要搵紙吸吸佢…d餅焗得唔夠脆, 整出黎既餅底都唔夠脆, 不過好濃朱古力味~河童話最好食係呢part~

我就鍾意白朱古力餡, 一向唔鍾意食朱古力既我比較鍾意白朱, 呢個餅落左差唔多半支橙酒, 估唔到咁好味~有d似橙味既瑞士糖, 又有d似乳酪~

餅面裝飾本來想整朱古力電線, 不過整極都唔成功, 斷晒…咩解究??

結果都係加左絕招--金箔XD 次次D人見倒都會「哇~~有金箔架~~」*0*

XDDDD ^^v

３位男士都覺得好味，而且溶左都只係覺得係另一種質感，壽星仔仲話唔講佢以為係咁XD 我就鍾意硬版多D, 河童都係話硬D冇咁漏~

壽星仔好比面咁食左2件!!勁呀~~我食一件都好滯…^^"佢話年年都係食什果忌廉呀、黑森林咁，呢個幾特別～可以開cafe~

本來大家都食唔飽, 食完蛋糕飽晒XD