豬肉仔與熊仔

熊仔o係上個月3號離開左我地，咁o岩佢既舊情人粒粒既孫BBo係9號黎到呢個世界~仲一胎13隻*0*

知道呢個消息之後好想收養一隻~*0*

尋日約左鼠版版友wwyee出黎, 揀左好耐終於揀左wwyee推介既呢一隻~佢話係當中最活潑既一隻~

本來唸住養短毛(其實上次養熊仔之前都係唸住養短毛), 見熊仔d毛長度成隻乞衣咁更加唔打算養長毛, 不過結果, 新黎既小朋友應該都係長毛~^^" 至少唔係短…

佢係一隻啡啡白白既仔仔豬~揀緊o個陣發覺佢同熊仔有d似, 一樣會細細力咬我, 會推推, 返到黎之後觀察耐左, 發覺佢同熊仔一樣, 會突然中眼訓, 一起身就食野, 會bu臭臭等等...可能隻隻熊仔鼠都係咁, 不過我覺得佢地特別似, 另一隻"T back仔"冇咁似架~明顯感覺倒係另一種性格!

不過佢地都有唔似既地方, 豬肉仔一黎到就o係我手上訓著, 熊仔從來都唔會。佢冇熊仔咁細膽, 訓緊覺摸佢唔會彈起, 熊仔一感覺倒有人搞佢就會成隻彈起, 豬肉仔明知有人摸緊佢都好少理XD 可能係wwyee既妹妹訓練有素~XD 以前吹熊仔佢會用手擋, 不過豬肉仔唔會~最多瞇瞇眼~^^

好支力呀佢~O係我腩腩上面訓左, 以前熊仔從未試過架~~

之後見佢好熱放返佢上檯, 又訓~~熊仔又係唔會

尋晚夢見豬肉仔同熊仔一齊住~一大一細好可愛~我仲叫熊仔唔好蝦佢~^.^ 睇黎熊仔都好歡迎呢隻同佢咁似既新朋友仔呢~^--^