今日要返工，於是約左爹地仔食晏～去左好耐冇去既大快活，試左２款最近o係 food谷大獲好評既飯/河。
(相片後補)
首先講下新出品生熟牛河~中學o個陣o係九龍城廣場food court食過生牛肉湯河，好味而且真係半生熟既，不過今次呢個就係全熟，最多有1, 2塊中間有少少少少粉紅，而且都幾un下，有一舊直頭要吐返出黎== 青檸汁幾香，個湯辣辣地（仲辣過平時食o個隻泰米粉!)雖然個河粉入口o個下唔錯，不過整體而言麻麻地。跟杯好甜要溝水既青檸梳打…（$30@)
(相片後補)
反而個牛腩飯唔錯～雖然一ｄ都唔辣，不過薯仔好淋好味，牛腩都好淋，尤其是同個生熟牛肉一比簡直差天共地！food谷版友話一眾快餐連鎖店黎講，佢既咖哩係整得最好食既～ ($26@)
生熟牛肉湯河 <--我之前都試左 真係好麻麻地 杯飲品更加唔識形容 我應該唔會再試 而咖哩飯我都好欣賞 好好味, 其實佢既焗豬扒飯都好味架 我成日都食 而家大快活比我既感覺好食過大X樂 好多
ReplyDeletemeko, 係啦~以前係大家樂好食d架~不過裝修後d水準進步左好多~!! 我未食過大快活既焗豬扒飯呀~都係食大家樂多, 不過都成年前既事喇 :P
ReplyDelete晚餐有個鮑汁荷葉飯，我試過唔錯。另外加6元有意大利芝蛋糕，出奇地唔錯！
ReplyDelete傻軒最喜歡食佢地咖哩飯,佢話好味喎 生牛河我都係覺得越南鋪正d
ReplyDelete傻軒媽媽, 可能佢冇魚露硬係爭d
ReplyDelete茜茜, 係?? 今日都見倒個tiramisu, 都有問佢要唔要點知佢唔要…
ReplyDelete呢樣真喎, 大快活啲咖喱真係唔錯噃! 另外, 九龍城廣場對面有間超細間賣沙爹o既鋪頭, 雜誌介紹過, 不過我未幫襯過, 你如果有機會試過話我知食後感啦!
ReplyDeletebibi, 叫咩名?
ReplyDelete蠍, 我都唔知喎, 係Mummy帶我去, 淨係記得係九龍城廣場斜對面, 間鋪非常之細, 係條巷度擺左兩張枱, 係記得咁多咋!
ReplyDelete