今日冇磅到重，不過度過瘦返喇～～腰腩臀都去返之前咁，總算鬆一口氣～～尋晚挫住肚餓訓都抵～
早餐：嘉頓麥方包烘底２片（為免自己食厭麥皮，轉下款）
小食：橙、梳打餅（今日成日見餓，又有同事請食西餅，不過我都抵受得住誘惑，主要係冇咩我想食既野，唯一一件唔多cream既係朱古力蛋糕，先幸保不失，但太餓結果都食左包餅）
午餐：橙２個、乳酪一杯
小食：麥皮（唔知係ｄ橙細左，定係去到星期四冇咩貨既關係，成日見餓…）
約６時：雪梨蘋果雪耳瘦肉湯連湯渣一碗
晚餐：打邊爐（大量西洋菜、一棵唐生菜２個人分、芝士波２粒、八爪魚丸１－２粒、獅子狗１粒、肥牛４片（太好味抵受唔住，揀左ｄ冇咁肥既黎食，每食一片都忍唔住大讚「真係好好味呀～^0^」）、至愛珊瑚蚌（第一次買！！好鬼貴＝＝）素龍蝦片、七彩素螺肉(想食爽口野)、鯖魚片、蟹柳３條。其實唔係食得好飽，唔頂囉，肥牛芝士波同八爪魚丸呢ｄ同其他野分開灼、ｄ湯唔油，其餘都冇咩肥野，我唸呢餐都可接受。醬汁用上次ｏ係吉之島十蚊店買既火鍋汁，有ｄ似冷麵汁或者天婦羅汁，冇沙茶醬咁油膩，甜甜地幾好味～
飯後：飲左３啖雞蛋奶，好味呀～
雞蛋奶??? 係咩黎架, 牛奶+雞蛋?? 好似好新奇咁wo~~你既午餐食咁少既, 如果係我既話一定頂唔順呀!! 肥牛芝士波 --> 好似好好味咁~我都想食呀!!
ReplyDelete肥牛芝士波係２樣野黎架XD 雞蛋奶係煉奶開水加生雞蛋，呢個係男友既做法；我鄉下就會煲熱鮮奶加糖加蛋，好好飲架～～不過肥野黎～ 午餐都飽肚架，我覺得橙係意外地比蘋果同蕉更頂得餓既水果～
ReplyDelete