實驗結果係……side氣...
開始前一日：117.xlbs
食左2日：119.xlbs 18.xfat(+2lbs )
食左5日：117lbs 17.9% or 53kg 17.9%fat (-2.xlbs)
完成後今日上磅：116.8lbs 17.9% or 52.8kg 17.*fat (-0.2lbs)
所有尺寸可以話係冇變化
抱住半信半疑既態度，想睇下跟住呢個餐去食係咪真係work，因為實在係太不可思議喇！沙律醬料不限，肉食調味煮法不限點減呀！！？主要目的係測試呢個餐既成效，（當然減倒就最好啦）因此我都跟得比較足，佢話食得既野我都照食，唔會刻意清淡，得出以上實驗結果。
食後感：腸胃差左…又肚瀉又唔係朝朝有得去…係keep倒囉，食埋咁多油膩野都唔肥，但真係會好想食甜野同埋澱粉，又唔食得麥製品同生果，好唔健康。
幾年前第一次聽食肉減肥法既原理係話：身體需要好多水份去消化蛋白質，落磅落得快同反彈得快可能係呢個原因，尤其是唔係減開肥ｏ個ｄ，其實用咩方法減頭十磅都係好易，因為主要係水。我雖然食返一個月正常野，不過之前減左４個月相信體內多餘水份應該唔多，所以冇咩影響。
呢個餐同我之前既減肥方法有好大出入，就係佢唔係小食多餐，由於小食只可飲奶／蕃茄汁，為怕肚餓正餐會食定多ｄ，尤其是肉類，同我之前以粉麵同菜為主既飲食好唔同。
之前幾乎每２個鐘就會食野：（早餐一杯乳酪、隔２個鐘食個生果、２個鐘食個青瓜麵做lunch, ２個鐘食包梳打餅做下午茶，放工可能飲杯奶，晚餐自己一個就會煮菜同魚為主）當時根本唔駛捱餓，餓就食野，尤其是星期一二晚飲菜湯更加係任飲任食。不過每星期都會有１晚同ｂｆ食要煮返比較正常既野，１晚去佢屋企食得最飽最肥，星期六日放假食返正常（我本身都幾大食！）加埋每日或者隔日運動。結果減左19.8磅, 離目標仲有3磅幾之際俾bf下令增返去120...
我覺得我本身咁樣減或者keep仲好過跟餐單，限時限刻又限住晒自己食乜。我食左１２日煙肉蛋做早餐喇…雖然ｄ蛋仲係咁好味…
話時話食呢款早餐都幾飽肚，飽過麵包，考慮緊往後早餐都加返隻美味糖心蛋～
終於可以食返我既麥包包喇～食得咁少高纖野真係好唔慣…
澳洲牛奶公司 真係好正呀~ 我都好想食佢d炒蛋... 你講到無咩效咁, 我都唔知試唔試好. 如果我食, 我就唔會食得咁油膩, 因為我本身都超怕油膩野同埋炸野, 但係都唔知點解都會肥 -_- 咁我試唔試好呀~~
ReplyDelete你係咪鍾意食澱粉質同甜野?係既話呢個可能有效, 同埋我食得咁油都有少少落磅, 你煮清D應該OK
ReplyDelete我未去過架~~好期待呀~~希望唔好令我失望啦~~
ReplyDelete講真甜野我唔好架, 麵包蛋糕我都係麻麻地, 所以我都一頭霧水, 或者我鍾意食飯掛 好啦, 一於試下食清d, 咁除左西柚其他生果都唔食得??? 澳洲牛奶公司...唔會令你失望既, 不過你要預左食得好快, 係超快 因為太多人排隊食啦, 搞到一個人坐唔夠十幾分鐘就要食晒, 我都唔係咁鐘意呀~
ReplyDelete我都驚驚地, 不過我同事O岩O岩去完又話唔趕喎! 我呢D一向食得慢家嘛…不過就Ｏ岩晒我ＢＦ！ 我本身就唔鍾意食飯既, 好多人都話唔食飯真係會減倒肥, 我唔知關唔關事, 我只係鍾意食炒飯, 白飯我唸一年唔食都未必會有癮！ 呢個餐只可以３餐各半個西柚唔可以食生果（多果糖，呢個餐主要係戒醣）
ReplyDelete
ReplyDelete我都就快報告減肥成果啦~~得閒去睇下 我昨晚發夢見到你，哈哈，真實未見過反而發夢會見到~~
貢搞笑 你夢中我O係度做緊咩呀? 我會密切留意意架喇~
ReplyDelete我們都算是另類的朋友囉~~~神交~~發夢先見到 你在看鋪，不知為何你成了老闆，哈哈，笑死
ReplyDelete我真係個個禮拜日都會去bf鋪頭幫手看鋪喎！
ReplyDelete我之前都有想過試這個減肥餐單 , 但睇落有些古怪 而家我想我唔會再試了
ReplyDelete好驚啊，有時我發夢都好準的~~
ReplyDelete好勁呀!!
ReplyDelete我一開始已經話呢個餐唔得， 不過見２個ＦＤ都減倒磅就想玩埋一份，結果佢地一個減左８磅一個減左５磅。８磅Ｏ個個仲加埋６點後唔食野同每日好多運動，同時佢都會食麵之類，食幾日休息一日；５磅Ｏ個個就食２日就一日跟唔足ＸＤ所以減倒都唔知關唔關呢個餐事…
ReplyDelete真係有 D 令人 失望 wor, 你都 係 用 番 以前方法 減好 D 喇﹗不過其實你都唔 洗 減 啦 ! 好好 keep 住就 得啦 !
ReplyDelete要平衡下Ｄ飲食先得，ｓｅｔ定幾時食得多ｄ幾時可以清ｄ，唔可以肥返！！
ReplyDeleteＴＯ happy ca~ca 보고싶어 ：話時話我減肥前都係唔好煎炸野同甜食喎～好多野都係減肥之後唔同晒，平時唔好既野都好想食，刻意克制反而反抗力仲大。
ReplyDelete唔係掛, 多謝你提醒呀, 希望我可以忍到口啦~~我今日開始食呢個餐呀~
ReplyDelete加油呀~你係咪會將你既餐單放上blog架?
ReplyDelete又肚瀉又唔係朝朝有得去?? 咁搞法唔掂架喎....最緊要日日有得去呀! 呵呵~~~~~澳洲牛奶公司又係乜東東呀??
ReplyDelete吉普賽, 其實唔一定要日日有先叫健康, 因人而異, 不過我本身既減肥方法就好暢通, 食呢個餐就唔多掂, 係幾唔健康架, 類似食肉減肥法, 一聽就知唔健康啦~ 聽過營養師話要各種營養均衡吸收先可以增肥, 唔係話食死一樣肥野就一定肥, 所以呢個餐冇咩澱粉可能就係KEEP倒既原因啦 我有個POST叫澳洲牛奶公司架你SEARCH下~佢D炒蛋多士好正架~~~
ReplyDelete我如果一日唔去,個心就會囉囉孿架喇.....keep住日日去,身體健康啲,心情都輕鬆啲, 食野胃口都好啲嘛,呵呵呵,等我去search吓"澳洲牛奶公司"先
ReplyDelete吉普賽, 我減肥就會特別注意, 以前好似唔係日日有, 聽講只要唔係突然冇或者突然多左就冇問題, 例如不嬲都係2日一次或者3日一次又冇覺得唔舒服咁都係正常既, 有同事話一日2, 3次先正常, 有D人都會咁, 如果一向都係咁都正常既
ReplyDelete