今日落大雨又OT，冇買送煮飯，嗌左pizza hut~發現原來依家有得網上訂pizza~大鄉里覺得好好玩~
2個人嗌左一個意式風情普通芝脆批(一般pizza口味，印象唔深，好飽食剩半個)、香蒜肉絲意粉一客(好細兜，$38仲細過平時$28包野飲既set lunch, 冇平時o係大埔買開既咁鹹但冇乜蒜味，聞落好似叔叔地…不過我都照食)、蒜茸包(食剩2件)、葡汁時蔬最好味~又唔飽滯~有甜豆甘筍仔粟米芯同好好味既蘑菇~又好耐冇食過葡汁~清晒~~仲嗌多個芝士奶油批，細細個$3x，冇餡，個面有ｄ芝士，似一個比較貴既冇餡包，發來先發現有煉奶跟，點黎食好好味～想食好耐，不過次次都驚食唔晒，今次可以留返聽日先嗌咁多～總算還我心願～～～估唔到嗌滿$130仲有一客4隻既瑞士雞全翼送！
承惠$219
咁多，兩個人真係食唔哂！
ReplyDelete係呀~剩左半個pizza、2件蒜茸包、2-3件奶油批聽日晏晝食完先返工~聽日係學校開放日放6點呀.../0\
ReplyDelete我有日order o左個輕食套餐，$69有香焗小食拼盤、蒜蓉包一條和兩碗湯。 之後係屋企整多一人一碗QQ粉絲，咁已經好飽。 我反而想試威尼斯甜奶油批，但怕太甜。
ReplyDelete蠍蠍~你都好盡喎~ 兩個人叫左咁多野!
ReplyDelete哇卡卡卡~~預左食唔晒第二日做lunch嘛~~
ReplyDelete唔會太甜, 個批基本上係芝士包一個點煉奶, 你去買個芝士包返黎自己一樣~~ 我又唔係好鍾意食小食拼盤, 主要唔想要o個2個湯, 同埋食pizza hut都係為左食pizza同男友至愛既香蒜肉絲意粉~~
ReplyDelete