其實一個人出一次街會望既人係何其多呢…係咪每個女仔都會覺得自己出街成日俾人望呢?
曾經聽過一個同學話另一個同學話自己出街成日有男仔望, 咁同我講呢單野個同學就覺得佢以為自己好靚。
我都覺成日俾人望個喎, 由細到大都覺, 係咪其實好平常呢? 身邊咁多人經過, 總會有人望架啦下話...
有冇D真係因為唔靚而冇人望呢?@@
記得有次做完GYM返屋企途中, 行行下, 前面有2個男仔, 一個望一望我(我唸係望我呱, 附近好似冇人)跟住同佢隔離個男仔講話家下太子D女仔質素都幾好, 好過旺角好多, 跟住另一個男仔又拐過黎望一望。(其實當時唔O係太子...而係o係太子道.....) 我又真係好白痴咁覺得幾開心喎XDDDDDDDDDDDDD
呵呵~連我細個都試過咁既經歷呀 一樣有一個自以為好靚既同事,佢又真係好多人望既 我諗最大原因係佢打扮成熟.同身材幾好咁啦(都著得幾sexy) 我十年前...讀緊書個時都試過一次自己去睇書展 有兩個男仔起我附近.甲就同亞乙講,"你睇下個女仔幾靚喎" 跟住亞乙問:"邊個呀?" 亞甲就話:"著校服戈個呀" (個全場得我一個著住校服) 哈哈,所以我覺得"每個女仔都會覺得自己出街成日俾人望"呢個理論係成立既!
ReplyDelete唔知有冇一d女仔係覺得自己冇人望既呢?
ReplyDelete中學有日放學同2個女仔一齊行,有2個高大鬼佬迎面而黎, 其中一個同學同我話: 「你老公呀?」「點解呀?」「望住你既」望住就係老公...= = 言下之意即係佢平時出街冇咩人望? 又有一班師奶(阿媽d fd)有次放學叔黎見倒佢地, 其中一個同我講, 「你阿媽話依家出街d人望你唔望佢喇, 以前同我地出街就望佢唔望我地」
ReplyDelete行街望人都好正常架...... StEvE
ReplyDelete我自己一般就會望ｄｌａｐ眼好似幾好睇既人， 女仔就可能會睇下佢既肥瘦 同埋會望一ｄ感覺倒佢視線既人
ReplyDelete