蠍+小藍+丁叮媽: April 2007

Monday, April 30, 2007

~Macaron~

幾個月前我根本唔知呢D係咩黎, 同事同我講起見我未聽過都好驚訝, 之後見好多blog友都整, 我又走去學人整, 不過完全唔知似乜..見

失敗的馬卡龍

之後o係九龍城o個間Cere's Boulangerie et Patisserie買過一次黎食, 細細個成十蚊個...

今晚本來唔想整野食, 想休息下, 不過見呢樣步驟簡單就整多次。
口感同味道都同出面買既好似, 不過十幾個得幾個似樣d...

個袋係上次買馬卡龍o個個袋, 特登留返黎裝自製呢d扮野架XDDDD

特別盟謝

阿B提供食譜同短片, Macaron 裙邊產生的連環圖~~

做法：我用左一半份量25g篩過既杏仁粉(要用好多先篩倒25g= =)38g糖霜(特別鳴謝陳小三, 多謝佢話我知原來食譜中既糖粉即係糖霜!)+3g粟粉過篩, 23g蛋白分次加入23g糖打起, 拌入粉類, 以o即嘴在牛油紙上o即出直徑2cm的圓形, 靜置10-15分鐘待乾。焗爐預熱180'C, 入爐即降至150'C放下層(我上次就係放左中層…), 焗10分鐘(大約8分鐘起裙邊), 10分鐘開始慢慢大約每1-2分鐘降低10'C, 最後5分鐘用100'C烘乾, 出爐後於牛油紙底掃凍水以便馬卡龍脫出。最後感謝angel同catfood既指導^^

台灣的馬卡龍專門店~紅利MACARON

馬卡龍原來原本係咁既樣? http://upload.wikimedia.org/wikipedia/commons/2/21/Macaron.jpg

Sunday, April 29, 2007

~Mango Mousse Charlotte~

終於整左呢個想整好耐既果籃蛋糕~呢個係FOR 聽日一位同事LAST DAY既
首先整左

手指餅, 不過整得唔係咁好, 唔係好分得清一條條咁, 而且個爐唔夠大, 要分2次整再併埋…
跟住整原味戚風, 由於成個蛋糕用6吋模, 一來我得一個6吋模, 二來入面個蛋糕反正要細D, 於是我用左個五吋模整。用2隻蛋分量, 可以整多個紙杯戚風小蛋糕, 5吋呢個切左個面再一開二O岩O岩好~
跟住到芒果MOUSSE。其實之前搵過幾個譜, 有D最後落CREAM, 有D就最後落魚膠粉水, 同埋有D落全蛋, 有D蛋黃, 有D唔落蛋。結果我落左2隻全蛋同埋最後加CREAM。不過D CREAM打得唔係咁好, 有8成或以上…好在未水油分離…==其實整MOUSSE打到六成就夠, 不過佢由水到企呢個過程太短…真係一瞬間既事…一個唔留神就死得…
唔知係咪天熱既關係, 今次D魚膠粉水開左之後冇瓊到, 唔會好似之前整益力多MOUSSE CAKE咁…準備左D魚膠粉水之後(1.5茶匙魚膠粉+2湯匙水開勻叮溶)打CREAM, 打好100ML之後雪凍備用, 再黎到整芒果茸, 1.5個整成茸, 半個切片準備鋪面, 我另外再整多一個切粒。2隻蛋+40G糖打3分鐘。+芒果茸+少少雲呢拿油+魚膠粉水攪勻, 之後分三次FOLD IN方式拌入打好既WHIPPING CREAM。就O係呢個時候發覺好稀...唔係好對路…睇返第二個譜冇落蛋都落成10G魚膠粉, 我落左成120G蛋好似好水咁…於是整多份魚膠粉水加入去。

O係加第二份魚膠粉水之前其實我倒左一杯MOUSSE落杯雪, 睇下雪唔雪得硬, 結果應該係切唔倒, 好在加多份魚膠粉…
O係圍左手指餅既餅模入面放一塊戚風蛋糕底, 跟住倒一層MOUSSE, 鋪D芒果粒, 跟住倒加一層戚風蛋糕片,

再倒MOUSSE同埋鋪芒果粒

, 雪大約三小時。
剩左DMOUSSE我再整多2杯MOUSSE杯~順便用黎檢查硬度。見呢2杯差唔多, 就拎個蛋糕出黎裝飾。面層鋪上芒果片, 然後掃上果膠(其實只係魚膠粉+水+糖+檸檬汁叮溶)。
綁埋絲帶都係覺得好似好單調, 唸住整D扭扭朱古力帶可惜唔成功, 又試過O即朱古力葉, 不過O即O即下又覺得唔係好夾, 結果只係加左少少杏仁片O係中間, 同埋O係外圍篩少少防潮糖霜, 就係咁~大功告成~:P

切餅

YBLOG RE POST好古怪...

錯晒位…re晒落下一篇度...= =

Ipod套

04年尾未買IPOD襪之前鉤左2個IPOD套~你一個~我一個~^^不過只係玩左陣就俾襪襪取代左喇:P

出師不利蕃茄洋蔥炒牛肉

本來都好地地, 炒左洋蔥, 炒炒下蕃茄, 個爐熄左@@ 冇石油氣!!! D牛肉未炒架...=口=

惟有繼續落糖同雞粉, 茄汁兜兜D洋蔥蕃茄, 牛肉叮2分鐘之後加入去兜兜, 一齊上碟再叮一分鐘…(汗)

完成

估唔到又幾好味喎XD

Saturday, April 28, 2007

整野食以外的正常生活

今日(星期六)冇再BBQ又冇呢O係屋企整野食, 出左去行街街大出血~~

首先去左沙田宜家食lunch~食左個大眾推介美味肉丸~原來真係咁正架~~!! 19蚊有10粒~仲有2個薯仔~配紅果醬好正~(o個度仲有急凍已炸肉丸, 肉丸汁同紅果醬賣~原來唔係士多啤梨醬黎架~), 仲食左啤酒豬扒配蘋果汁, 同埋一個蝦沙律, 再要左一個麵包牛油布甸~

跟住行宜家行左2個鐘~~目標係買廚櫃, 結果買左個好抵買既書架, 159.9咋~~連埋送貨同安裝都係24X~跟住買左塊膠餐墊搓包用~一對隔熱手套, 打蛋器一對(另一支唔知打咩用...)

行完臨走仲買左個抵食熱狗餐

點知經過mrs field's 我又買左2件曲奇, 都揀左幾耐:p 好在佢好多朱古力款我唔食, 唔係揀得仲耐… 今次encore左燕麥提子合桃曲奇同埋特韌合桃曲奇, 都係第一隻好食d, 不過都係覺得我整o個隻

Mrs Fields合桃曲奇好食dXD

之後去左同爹地仔買電話~好野~終於可以send相俾佢喇~~\^^/以後要買d咩想問佢意見都可以send張相問下佢~^^

跟住就去左睇crocs, 不過最後行完西田冇再返轉頭買, 或者星期三先買~你地話買邊對好呢?詳情見crocs

之後經過une nana cool, 第一次o係呢度買"花"(唔係呢隻色, 我買O個隻色官網冇…)~ 好靚架~買左個冇鋼線既~^0^好似biniki架~~~試左2個平時著開既size唔o岩, 要大少少, 究竟係肥左...定係佢d碼細d?依家先知原來係wocoal既~(真係愈睇愈靚~^0^好想買多套XDDD)

之後去左行西田, 買左好多野呀~珍珠米, 飯素, mirin, sushi醋, 1Lwhipping cream, 無反式脂肪橄欖牛油, 葡萄籽油, 芥辣, 日式薄餅粉, 日式咖哩磚~之前仲o係muji買左支奶茶