五戰戚風~~原味戚風蛋糕

今次用左為食貓個原味戚風蛋糕食譜。

爐溫冇再好似之前咁降低；時間冇再減少仲加長左3分鐘；水量跟足；糖份跟足, 同麵粉比例1:1；打蛋白唔會太硬, o岩o岩打到倒轉唔跌；用左《戚風cake 零失敗》個方法, 粉同蛋白輪流以切拌法加入蛋黃漿(即係12點位置開始垂直向下拉, 沿兜邊順時針方向轉半個圈, 左手轉少少個兜, 再黎~一路慢慢拌勻, 定話其實要快手先o岩?我驚太大動作會消泡；臨出爐見個面燶燶地開門極速加左張錫紙。

戚風蛋糕回縮原因分析（http://www.euphocafe.com/select/showtxt.asp?id=117）

1.如果麵糊攪拌出筋，成品也會回縮...放涼之後從腰部收縮。

2.底火太強，可能會導致底部上縮，扣出來發現產生一個大窟窿。<<<我近3次都係放底層焗, 3次個收縮情況都同下圖一樣!!估計呢個係今次失敗原因!下次再試下放返中層。

3.沒有倒扣，會使蛋糕底部組織變扁，上半部可能還是蓬鬆的，但下半部變得緊密、結實，口感較差。

4.蛋白消泡，使的麵糊體積變少，氣孔減少的結果，使熟後的蛋糕體在涼後回縮。

5.麵糊水分太多，氣孔撐不住整個蛋糕體的重量，也會容易塌餡。

6.烤戚風的時候模壁防黏，使麵糊無法攀升長高，在烘烤過程中就不會長高，始終都是扁扁的。

今次個蛋糕倒扣ｏ個陣都唔係好易甩，不過有個問題就係點解外皮咁光滑既呢？＠＠樓上個網址話焗模洗唔乾淨有油都會咁，但我已經落左洗潔精洗咯喎…

試食報告--
1號: 食過上次個雲石戚風既同事話今次咁硬既?
2號: 未食過既話好食喎~煙煙UNUN咁, E?呢個戚風黎架?咁又唔似喎~我覺得好食過你上次(大班)買o個個朱古力戚風喎!
3號: (我話我個蛋糕整極都係縮)幾特別呀~我覺得咁幾得意喎~我唔鍾意d脹卜卜既蛋糕, 見倒就唔想食, 依家咁幾好(真係估唔到XD冤豬頭都有萌鼻菩薩XDDD)