海鮮BBQ, BBQ格仔餅

隔左一個星期六, 尋晚又o係屋企BBQ~好在都唔太熱~

尋晚燒既野又同之前有少少唔同~首先講返d平時食開既先: 扒類只係買左牛扒三件~丸類有美味pizza芝士丸40粒, 雞翼有黑椒雞翼同蒜蓉雞翼各十隻, 仲有香草龍脷柳幾件, 全部都係醃好既~而且係o係大埔新街市二樓間燒烤樂園買~ 連一向自己醃野bbq既朋友都話呢間醃得幾好味~ 第一次幫襯之後次次都會搵返佢~佢d野真係幾好味架~而且唔似燒烤大王咁, 好味得黎樣樣野都一樣味… 尤其是佢d龍脷柳, 幾班唔同既fd燒野食, 個個食過都話好味~亦係老闆娘推介~o個度仲有款魚都好味架~, 其實佢間野有好多香草賣, 可能係咁, 對調味方面比較有研究~ 有機會入大埔燒野食可以去呢間買黎試下~^^b

除左呢d醃好既野食之後, 今次仲有幾款海鮮, encore上次既大蝦, 又係大約20蚊隻~買左260蚊! 今次有羅素主理, 好食過第一次好多, 至少冇咁乾~不過我都係覺得買返中蝦開邊包蒜蓉好食d:p 仲有encore 平靚正扇貝~大埔街市買, 35蚊2份1x隻。今次同上2次唔同, 第一次咩都冇落太乾, 上次就落好多蒜茸好濕又好好味, 今次落左一茶匙蒜茸, 冇上次咁濕不過一d都唔乾, 都好好味~ 仲有我一直想燒而又未燒過既大蜆~~上次同事黎o個時已經想燒, 不過燒唔成, 今次羅素o係旺角買左d勁大隻蜆入黎, 都係十幾蚊咋~仲有第一次燒既份量十足倉魚一條! 勁呀! 擺上架o個陣搞到個架都lum埋XD 第一次食$120條既倉魚:P

菜方面, 今次有食左3次既椰菜, 不過今次燒極唔熟, 個火太弱太細:P 燒到尾都唔熟XD 本來想買白菜試下燒, 不過唔靚冇買到~(上次話買菜, 居然有人好驚訝咁問買黎做咩…有冇咁孤陋寡聞呀…=0=)今次都有人見倒椰菜好驚訝…仲問係咪愛黎燒, 唔燒買黎做咩…?= =" 呢樣都係第三次燒, 另外仲有D燒左好多次既茄子, 試過就咁燒冇味唔好食, 包牛油蒜茸都OK, 不過最鍾意都係捲煙肉燒~其實煙肉捲好多野都好食架~蕃茄, 青椒都得, 捲中蝦仲正呀~~燒完D油出黎晒, 塊煙肉唔肥, 而D菜同蝦又冇咁乾同埋有煙肉香~:D~~~~~~~~~~~另外當然唔少得燒粟米啦~不過燒咁多次, 次次買3條都食剩…條幾2條= =

最後到壓軸既格仔餅出場喇~較左之前2倍既粉漿, 今次整厚D整3個~不過第一個都係落得太少漿, 總係覺得好似剩返好少:P 點知原來後2個仲有好多漿可以整得厚D。個火太弱…燒左好耐都冇料到…結果都係要入去搵石油氣燒XDDD

燒到咁上下, 入返屋歎冷氣~ 之後仲玩左一副

河童買左黎好耐而一直未玩過既國內版大富翁~笑死晒XDDD