國內版大富翁

終於玩左

河童幾年前大食會時買黎o個副大富翁喇~!

我一開始就話要買我至愛既石澳~(即係上海XDDDD)點知一黎就同

河童一齊就探監(仲以為係坐監, 唔睇返說明書都唔知XDDD)開頭D平地俾2個男仔買晒~~!! 眼見佢地愈買愈多地, 自己就得1塊~成日都踩「機會」同「國家福利」! 而我得倒既第一個「國家福利」居然係「入獄」!!!點解有D咁既國家福利架!!??? 我唔返大陸喇XDDDDDDDDDDD

出獄之後, 終於俾我買倒我既至愛「石澳」喇XDDD其實係「上海」至o岩~~我都話要買左佢架啦～～跟住我仲話要買埋「北京」，河童又話要同我搶～結果都係俾我買倒～呵呵呵～我仲係唯一一個可以買倒一系列同色地皮既參賽者～呵呵呵～～^0^

我地細個玩o個陣, 係要踩返自己撻地就有得起屋, 但呢度又唔係, 要買晒同色地皮先可以起屋, 而且唔駛踩返, 只要到你擲骰就可以買~不過要2塊地皮平均地起, 即係北京起一間, 上海又要起一間咁。呢個玩法對買倒同色系地皮既人非常有著數(即係我XDDDD) 我呢2塊地起一間屋既成本要2000蚊, 於是每次經過起點都可以用O個2000蚊起屋~呵呵呵~O係我未起屋O個陣, 鼠鼠已經踩中北京~當時要俾1750X2既地租~

再跟住係

河童, 踩中起左3間屋既上海~罰左14000~哇哈哈哈~~~我一直都係偏少錢既一個, 因為成日起屋, 而且又試過踩中2000蚊利得稅! 不過呢個時候翻身喇~我即刻買左2間屋, 再起多2間酒店! 今次仲唔贏?

我地4個人, 咁o岩每人分倒一個車站, 繼佢地3個同時入獄得我一個o係出面走動之後, 我地4個又一齊去火車東站搭車XDDDD 我係咁地250蚊!!肥過肥仔~我擁有既地雖然少, 得2塊, 除左昆明收100之外, 其餘幾塊地都係O係終點同之前O個行~~最少都收220(深圳), 其次係東站(250), 大連(280), 起左酒店既北京(20000)同上海(20000) 木可~~~口可口可口可~~~

有D機會卡係退後三步, 或者直達邊度邊度咁, 我地係咁嗌「直達上海」, 點知原來真係有架XDDDD仲唔止一張XDDD呢張咁幸運既卡, 果然俾一向幸福既爹地仔抽倒XDDDD佢當時個反應笑死我喇XDDDD嗌晒救命咁攤左O係地XDDDDD佢數晒全副身家連埋碎紙, 大嗌「呀~~~~~~差~十~蚊~呀~~~~~~~」XDDDDDDDDDDDDDDDD笑到肚都鬈XDDDD結果佢賣左撻冇咩肉食既地俾銀行, 俾左2萬野我XDDDD^^V由於佢擲倒孖骰既關係, 再擲多次, 又抽機會卡, 今次係…「入獄」XDDDDDDDDDDDDDD有冇咁黑仔呀XDDDDDDDD 真係見識倒「一代黑仔王」XDDDD果然名不虛傳~所言非虛XDDDDD

呢個時候, 我已經有4萬幾蚊喇XDDD 不過已經冇野可以起, 開始有D唔好玩, 而佢亦係咁嗌「騙局呀~」XDDDD出獄之後, 居然再踩多次上海XDDDDDDDD有冇咁好玩呀上海XDDDDDDD呢個時候佢決定破產, 亦結束左我地今次既遊戲XD 埋單我有6皮幾唔計地皮~哇哈哈哈~~~第二位係有2皮幾既

鼠鼠~由開頭最少錢, 大家都唸住供佢(然後發現好似我先係最少錢XD)到最後一路都好多錢既河童第三, 同最早有最多地皮係咁收租既爹地仔包尾XD 真係峰迴路轉, 世事如棋XDDDD

不過我地都覺得說明書呢種玩法冇本身我地細個玩開咁好玩。都係要人人都有得起屋好玩好多, 唔係係咁罰錢, 而踩返自己撻地又冇咩可以做有D無聊…除左我之後冇人儲倒一隻色既地皮又係唔好玩, 分得太散, 而又冇人肯賣, 都係令到個遊戲冇咁好玩既地方之一。

好耐冇玩過大富翁喇~(其實呢副棋唔係叫大富翁, 可能國內唔俾有「大富翁」存在。)近十年都唔知有冇玩過, 睇落有D無聊, 不過其實玩起黎又好開心~XD呢D集體遊戲開party玩一流架~仲有猜猜畫畫(pictionary) 我都好想買返盒看門口架~尤其是呢排咁多人黎屋企玩~~不過驚買左又唔玩, 好似呢副野咁, 等左幾年終於等倒喇XDDD